Rom 13:3 - Nobonob Baibel

³ Aɗinu? Danab ag gumaknu ehah ele ag danab kobol tutukku hetteb ele, ag ag baɗadkkulagnu ii daatteb, amge ag danab kobol tutukku ii hetteb ele, ag baɗaglagnu daatteb. Amunu ag danab gumaknu ehah ele ii baɗidkkulagnu oolag daatte dayeb, ag kobol tutukkuib heig! Ag anam hekkulag dayeb, ag danab gumaknu ehah ele, nuhigppa binalag aoglag.

Rom 13:3 Referans Kwoze

Prowerb 20:2

Kingnu oppoɗi bak amu laion baunu gayak bia; aun nug kingnu oo nauhak heeb bekku amu, nug mauhkku.

Prowerb 14:35

King nug maɗi nid nuhig laa, nug doyak dabmak ena ele, nug nuhignu oo enanagnab dootte; amge nug maɗi nid laa, nug uɗa nak keeke laa hette amu, nug nuhignu oppoɗi bette.

Duteronomi 25:1

Danab aɗit laa aa mattiak ahilah aoya, hettoɗiakppa goya daaglah dayeb, epeɗiak danab nug laa amu tutukku atte, laa nug eheɗ heum akku.

Rom 13:4

Laa nug gumaknu ehah ele nug ele am Kayaknu maɗi nid, ag ehanatteb ena daaglagnu daatte. Amge ag kobol tutukku ii henana amu, ag baɗeg! Ag dootteb, nuhig ɠagattag am keeke hamu iitta. Uɗat amu Kayak Nug mettom amunu, danab ag kobol tutukku ii heppeg, nug nob nau madakkunu daatte.

Rom 13:2

amunu, danab nug danab gumaknu ehah ele waappa ii daya tappe nak kobol hette, nug keeke Kayak qappom waappa ii daya tappe nak kobol hette. Amu danab ag kobol anam hetteb amu, ag geha ahilag hak nau amunu nob nau aoglag.