Rom 12:20 - Nobonob Baibel

²⁰ Aakku ag laa ag ahilagppa eheɗ heppeg, ag nob ii memana. Iitta. Ag Kayak naippa nai daatte, ag amubia hekkulag. Nai amuam inam. “Nahip kekeɗ enug qeeb, na ee mette! Ao, nug le baag diieb, na nug le mette! Na anam hekkut dayeb, na nug oo eɗukkunu ehanidkkut,” awa atte.

Rom 12:20 Referans Kwoze

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Luk 6:27

Amge ag dahil nai dootteb ele, da amelagppa attem. Ag ahilag kekeɗnu amu, ag oolag mauhaɗ! Amu aun aɗi ag ahilagnu oolagppa nau ninig ele dootteb amu, ag kobol ena ahilagppa heig!

2 King 6:22

Nug anam oɗ meum, amge Elisa nug inam amegppa aum. “Na aib aqappe mauhppig. Na ban hettem haenppa kekeɗ aɗualadttem amu, na ii aqai mauhtteb amunu, ameg imu ele aqappe ii mauhmana. Iitta. Na ee, le ele madappe, ag ee, le ele amu lawona, dimppa ag eɗun, ahilag king gumidna gokkulag,” awa aum.

1 Samuel 26:21

Dawit nug anam a, Saul nug aum. “Da hipunin hemi. O Dawit, na da bekkal, da baula eɗue nahip-ppa eheɗ ii hepa amunu, na eɗun uɗippe, da ele daagnihnu oɗ medattem. Aɗinu? Gemu na dahil bau dayak am keeke okkai dabmeme. Genab, da Kayak ii dabmein, ii dim lamidttitti, kobol dahil am elele iittanab iitta.” Nug anam aum.

Sam 140:10

Na heppe, aab aɗuppanu aab ottag ewawa, na qa, danab amu qaɗelagppa gokkunu oɗ medattem. Na danab amu buɗiadppe, ag moɗ umanab awe noak, baknu elele iitta amuppa nokkulagnu unuqidttem.

Sam 120:4

Nug bu inam madakku. Lat aeg hawaɗ am ag yaaladppeg, ad brumnu aab ottag ewawa daatte ele amu, ottag amuam ag ewadkku.

Genesis 42:25

Hippaleg amu, Josep nug maɗi nid nuhikkud ag Josep awakkud ag ahilag bek ohppa ee aeg inadna, silwa men doɗo, ee aeg dadennu, amu ele eɗun bekppa inadna, ibppanu ee ele bappaidkkulagnu aum. Nug anam aum amunu, ag anam heeg,

Rom 12:21

Aria na aib heppe, kobol eheɗ na eɗittom. Iitta! Na kobol ena henana, na kobol eɗitte!