Rom 12:2 - Nobonob Baibel

² Danab laa ag wannu haen imuppan kobolnuib guattak oitteb, ag amubia aib oippig. Iitta! Kayak Nug heeb, ahilag dabmak ena bau beeb, ag oiyak bauppa oiyeg! Ag anam henana, ag Kayak, Nug ag aɗi hekkulagnu dabmaknab aotte, ag amu dooglag. Ag amu doona, ag Kayak Nug aɗi haknu ena dootte, aɗi haknu enanag dootte, aɗi haknu elelenab dootte amu, ag amu ele dooglag.

Rom 12:2 Referans Kwoze

1 Pita 1:14

Ag Kayak bekkod Nug oɗe dim lamidna oitteb bia, ag anamib oiyeg! Ag anukka kobol genab ii dooppig daanna, ag beɗu ahak ahilkad dim lamidppig amu, gemu ag anambia aib heppig.

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

Kolosi 3:10

ag danab bau beppig daatteb. Amu Kayak Nug danab bau amu heum. Amu Nug ag hanhan doyak madatta he, ag bau bena, Nug biaib daatteb.

Epesus 5:17

Gemu am haen nau amunu ag dabmak tutukku iitta aib aqom. Naɗi Nug oo attemun niitte amu dabmenana, anamib oiyeg!

Esekiel 36:26

Da amu hewoya, da ag oolag alag hiɗe, oolag bau madakkul. Da heppi, ag dabmak laa ele aɗan oiglag. Ag oolag alag am ɠagattagnab, men bia, amge da amu hiɗen, oolag bau, oolag ena, ɠagattagnab men bia iitta, oolag amu da ag madakkul.

1 Pita 4:2

Amunu amu dimppa, haen danab amu nug bau dayaya wanppa oitte amu, nug kobol nau baula ii dim lamidtte, danab laa hetteb bia. Iitta! Nug Kayaknu dabmaknab dim lamidtte.

Rom 12:1

Amunu O lailad, Kayak Nug ahilagnu keeke okkainab heum amunu, da ag akka ag danab nug doɗ mana Kayak medatte, amubia ag bau daanna, meulkad oh Nug mettaglagnu unuqadttem. Ag meulkad oh ag Kayaknu oppiaawak ele daanna, Kayak oo niitte bia ele daanna, ag Nug metteg! Ib amuppa ag genab Nug noobppa dup nona binag mettaglag.

Jon 15:19

Ag wan imuppan danab ah wannu kobol dim lamadtteb ele laippu daalob, wan imuppanu danab ah amu ag ahilagnu ag lailkad bia doon, ahilagnu oolag mauhlob, amge ag wan imuppan danab ah amu ele laippu iitta. Da ag danab amu oolagppanu tituanatten, wan imuppanu kobol uuglagnu ag maadmi amunu, diig amuppa ag ahilagnu kekeɗ daatteb.

Sam 51:10

O Kayak, na heppe, da ool unuqag oppiak ele daakkunu oɗ medattem. Ao, na heppe, dahil dabmak tutukku ele dayeye, na dim lamidkkulnuib hekkulnu unuqidttem.

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

Taitus 3:5

Nug ig eɗua awikkom. Ig ihinig genab tutukku hak kobol hemutnu laala anatta ii heum. Iitta. Nug ihinignu oo gai-iitta doya oo mekka ehanikkom amunu, Nug ig ihikka, nuhig Ouɗippa Nug bauklel mekke, ig bau menuak aomut.

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.

2 Korint 4:4

Danab amu ag Jesusnu oolagppa genab ii dootteb. Aɗinu? Satan, nug wan imunu kayak hambuppuak daatte, nug ag Kristusnu dabmak pehettak aomnanu ib oo neum. Nug anam heum amunu ag Kristus, Nug genab Kayak attem daatte bianab daatte, ag nuhignu Nai Enanu amahlak, Kristus Nug binag amahlak oppiaawak ele ippunigtte amu, ag amu ii anidtteb.

Jon 17:14

Nai nahip amu da ag mattai, amu danab ah wannu kobol dim lamadtteb ele ag dahilad imu dilagnu oolagppa nau ninig ele dootteb. Aɗinu? Da wanppan danab ah wannu kobol dim lamadtteb ele laippu iitta, amubia ag ele wanppan danab ah wannu kobol dim lamadtteb ele laippu iitta.

2 Pita 1:4

Nug nuhig ena hak kobol, Nuhig binag amahlak oppiaawak ele amuppa Nug keeke enanag kuɗum oh ig megakkunu nai qakka aum amunu, amuppa ag wan imuppan kobol nau, ig beɗunig amu hekkunignu eeɗigtte ele amu, ag amu ele eɗidna, ag Kayak daatte bia daaglagnu elele daatteb.

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.

Esekiel 18:31

Ag eheɗ hak heppig amu, ag tuɗidna aib heppig. Ag dabmak bau aona, oolag bau ele aon dayeg! Israel danab ah, ag aɗinu mauhkulag hetteb?

Sam 34:8

Na danab laa nug ee laa lana, miti ena doya, ena dootte, amubia na Yawe attem attem daatte dookkutnu he! Nug enaib daatte; Nug enaib hette. Danab ah aun aɗi ag nuhignu, “Nug am padal mak eɗitteb ena dayaknu ehanittak dahil daatte,” ag anam dootteb ele amu, ag itittak ena aoppig daatteb.

1 Jon 3:13

O lailad, wan danab ag oolagppa ahilagnu nau ninig ele dootteb dayeb amu, ag amunu aib ottaippig.

1 Tesalonaika 4:3

Kayak Nug ag oppiaawak daaglagnu, ag gappai kobol ii hemananu,

1 Jon 5:19

Ig doottem, ig Kayak bekkod daattem, amge wanppanu danab ag Satan waappa daatteb.

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.

2 Pita 2:20

Amu danab ag ihinig Naɗi Jesus Kristus, Nug Padal ii maknu ehanittak ihinig ele daatte amu, ag Nug doon, amuppa ag wanppan kobol nau uutteb, amge ag eɗun kobol nau amunu baula hekkulagnu watteb dayeb amu, danab amu ag aakku qagaiettak tatam nakok bia aoglagnu daappig, amge gemu amu ag qagaiettak naɗinab aoglagnu daatteb.

Epesus 2:2

Haen amuppa ag wan imuppan kobol nau, ouɗi nau ikkilag Satan ele dim lamidppig. Gemu ele danab ag Kayak oɗe ii dim lamidtteb amu, ag Satan waappa daatteb.

Sam 119:174

O Yawe, na da ehaniɗppe, da ii padal mepanu ool naɗi daatte. Da nahip ɗonu enanagnab doottem.

Galesia 1:4

Kristus Nug Kayak, ig Mamenig, Nug oo dayom amu dim lamitta, Nug ihinig hipunin uhuqa megakkunu, Nug nukka bau dayak nuhig uua, ad emaitakppa mauhom. Nug anam heumnu diig am, Nug ig kobol nau, gemu wannu haen imuppa daatte, amu waappa ii daamtanu heum.

1 Korint 3:19

Aɗinu? Wanppanu doyak dabmak ena ele, amuam Kayak noobppa dabmak tutukku iitta. Kayak naippa, nai laa daatte amubia. Nai amuam inam. “Danab wan imuppan dabmak doyak ena ele laala ag doyak dabmak ena ele amuppa ag keeke laa hekkulagnu lokkumakppa dabmenana maittak eheɗ aotteb amu, Kayak Nug he, ag nuhig pelemppa tetteb.”

Sam 119:128

Da nahip oo yaak nai ɗo bia ohnu amu, da ag tutukkuib daatteb oolppa genab doottem. Ao, da nahip ɗo, nahip oo yaak nai ɗo bia ohnu anam doottem amunu, da ib eheɗnu nau ninig ele doottem.

Rom 7:22

Aɗinu? Da dahil dabmak unuqagppa amu, da Kayaknu ɗonu enanagnab doottem,

Sam 119:97

O ⌊Yawe⌋, da nahip ɗonu oo mauhak naɗi doottem! Da deɗ oh amun tuqan ele da nahip ɗonu dabmak unuqag awewe daattem.

Sam 119:72

Da men doɗo huanak ele daalom, amuam nakok enatai, amge da nahip ɗo aɗattem amu, amuam enanagnab. Da nahip ɗonu ool huanak hette.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Eksodas 23:2

Danab kuɗum ag kobol eheɗ hekkulagnu dayeb amu, ag laa ag ahilag kobol amu aib dim lamidppig! Aria, haen danab kuɗum ag hettoɗiakppa ahan, nai doya mala hettoɗia epeɗia elele mettaknu kobol heppeg na qekkunu nai kuɗum madippeg amu, ag laa, ag amu dilag nai am aib dim lamidppig! ⌊Iitta. Ag nai tutukku aakkuib mattieg!⌋

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.

Sam 119:103

Danab laa nug keeke ubuhi ele lakkunu oo huana hette, amubia da nahip nainu ool huananab hette. Uppuh leppu am ubuhi elenab, amge nahip nai am ubuhi huanaknab ele.

Rom 7:12

Amunu ig doottem, ɗo nukka am enanag, oppiaawak ele. Amu ɗonu haknunab anak oh ele am oppiaawak, tutukku, amu ena ele.

Kolosi 4:12

Epapras, ahilag nid laa, Kristus Jesusnu maɗi nid, nug ele ag humadtte. Haen oh nug nuhig unuqittak ɠagattagppa nug ag ehanattatta, Nug Kayak heeb, ag Kayaknu dabmaknab awak pehettan doon, anamib ɠagattag daanna, danab kalulag ele daanna, ag dabmak aɗit ele iitta daaglagnu unuqidtte.

1 Pita 1:18

Ag dootteb, ag mamelkad aɗi ib uug ele, nuhig meu am keeke hamu, ag ib amu dim lamitteg neum amu, Kayak Nug ag ib amunu qagaiettakppanu eɗua uhuqak ha mattom, amge Nug keeke nauhtte ele, gol, silwa bia, Nug amuppa ag qagaiettak amuppanu ii uhuqattom. Iitta!

Jon 14:30

Wan imuppan okkai nug amu, nug uɗat nuhig hekkunu haen miag beum daatte amunu, da ag ele nai kuɗum baula ii mattimta. Nug dahilppa keeke laa hekkunu ɠagattag iitta,

Rom 7:14

Ig doottem, Kayak Nug nuhig ɗo am Kayaknu dabmak ippunigtte, amge da ool alag ele amunu, da Kayaknu dabmak ii dim lamidttem. Hipunin da hippaliɗom amunu, da nuhig begbeg maɗi nid daattem.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

Esra 10:11

Ag amu heppig amunu, ag hipunin ahilag Yawe, ag mamelkad aɗi dilag Kayak, ag Nug amegppa miagib madippeg doyeb, ag Nug oɗe aon, dim lamitteg! Danab ah ag Kayak ii dim lamidtteb, ag miag taliliadna daatteb, ag akka ag awaidna, danab ah amu ele ouqak ii daaglagoitte. Laa amu, ag ahilagppan ah diippig ele amu, ag ah amu appeg gokkulagoitte,” awa aum.

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

Mak 4:19

amge ag wannu haen imunu uug laala, amu enub awak uɗat amu ameg qak kobol ele, keeke amu oh ag oolagppa he, Kayak nai iitta ma, meu ii otte.

Kolosi 1:9

Deɗ i nai amu doomuɗ, deɗ amuppa i diig amunu Kayak ag ehanadkkunu digmeɗa unuqidɗaɗa daattep. I ahilagnu daunih ii atitte. I Kayak ag ehanatteb, ag nuhig dabmaknab awak attem daatte dooglagnu, Kayak Ouɗi Nug ag doyak dabmak ena ele, amu oo maittak ele oh ag matteb, ahilag dabmakppa daakkunu unuqidttep.