Rom 12:13 - Nobonob Baibel

¹³ Kayaknu danab ah oppiaawak ele laa ag keekenu tutu daappeg amu, ag ehanatteg! Laa dilagnu ag nug ehanittak heig!

Rom 12:13 Referans Kwoze

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.

2 Korint 9:12

Ag uɗat anam henana, ag Kayaknu danab ah oppiaawak ele ehanadppeg, laala ag keekenu tutu daatteb amu ag elele daaglag. Amge amunuib iitta. Ag Korint aɗi ag kobol amu anam heppeg, Juda laa, ag daɗek daatteb ele amu, ag Kayak amegppa, “Ena heme,” okkainab akkulag.

1 Jon 3:17

Amge danab laa nug wanppanu enub ele amu, nug layag keekenu daɗek daatte anitta, nug oo bodoetta le mak ii dootte ele dayeb amu, Kayaknu oo mauhak nug ooppa daattete? Iitta.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

1 Pita 4:9

Ag lailkad dilagnu nug ehanittak kobol naittuɗ mak iitta ele dim lamidna heig!

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Hibru 13:2

Ag aab diig danab iitta diin atognoadkkulagnu ele aib daulag atiom. Anukka laa anam hena, Kayaknu engel diin atognoadppig, amge ag am engel, ag amu oolag ii maittette diin atognoadppig.

1 Timoti 3:2

Amunu laa nug Kristen tamaniak gumak ikki danab daakkunu, nuhigppa nai laa ii daakkuoitte. Nug ah laippu gamu aakkuib daya, nug atognoak oiya, nug nukka nuhig oiyak pehettak atognoak kobol haaha, laa nuhignu ena elele dooglagnu elele daya, nug ɗo danab dotteb ele atognoatta, nug danab ah ele nai ippunadkkunu elele daakkuoitte.

1 Timoti 5:10

amu danab ah laa ag nug kobol ena heum, nug nuhikkud nid ena atognoatta omalattom, nug ehanittak kobol dim lamittom, nug Kayaknu danab ah oppiaawak ele atognoattom, nug laa qagaiettakppa daaegeg ehanattom, amu nug kobol ena laala kuɗum heum ele anidtteb dayeb amu, ah qab amu na nug onig ah qab laa, ehanittak aoglagnu onilag ele laippu ye!

Matyu 25:35

Aɗinu? Anukka da enug iwe, ag ee meɗappig. Da le baal diie, ag le meɗappig. Da aab diig danab iitta daami, ag da ag ele daagnignu onilppa eppig.

Pilemon 1:7

O layal, na Kayaknu danab ah oppiaawak ele dilagnu oot mauhe ehanadna, ɠagattag aqame amunu, da maɗoɗppan gamag ahak, okkai oo ɠagattag qak ele nahipnu doottem.

Taitus 1:8

Nug amu ii hema. Iitta! Nug ɗo danab aab laappanu uɗippeg amu ehanattaɗ! Nug kobol ena ohnu oo mauhaɗ! Nug nukka nug nuhig oiyak pehettak atognoaɗ! Nug tutukku, oppiaawak ele dayaɗ! Nug nukka beɗu atognoa hagakka awak ele oiyaɗ!

2 Korint 9:1

Da Kayaknu danab ah oppiaawak ele ⌊Juda daatteb⌋ ehanattaknu tuɗitten yaakkulnu ii daatte.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Aposel 4:35

totol danab 12 mattaegeg, ag otin, danab laala elele iitta daaegeg madappig.

1 Korint 16:15

O lailad, ag Stepanas amu nug baekkudppanu ele, ag am prowins Akaia oolagppanu ag tatam Kristen bena, ag akka Kayaknu danab ah oppiaawak ele ehanadkkulagnu oolag daye, uɗat amu aoppig hetteb amu ag dootteb. Amu O lailad, da ag inam hekkulagnu ahilkad dabmak maɗedattem.

Rom 12:8

Danab laa nug nuhig ehah am laikkud oolag ɠagattag qettaknu daatte dayeb, nug amu tutukku haɗ! Amu danab laa nug nuhig ehah am nug laikkud keeke mattaknu daatte dayeb, nug keeke happiak mettaɗ! Danab laa nug nuhig ehah am gumak uɗat haknu daatte dayeb, nug gumak uɗat amu pehettak haɗ! Aria, danab laa nug nuhig ehah am layagnu oo gai-iitta doya oo metta ehanittak haknu daatte dayeb, nug oo gamag ahak enappa ehanittaɗ!

Sam 41:1

Am danab nug daɗek danab ah anatta, nug ahilagnu oo bodoettak ele doyadtte amu, nug itittak ena awom daatte. Danab nug daɗek anam ehanadtte amu, uug digdig nuhigppa betteb amu beegeg, Yawe Nug danab amu ehanidtte.

2 King 4:10

amunu, i lag koɗokko uɗem ukkak, i amuppa oo nakok laa heɗa, Elisanu uupuɗ dayebeb, i qaɗaqaɗ, balal, sia, amu lam ele, i keeke amu oh oo amuppa mekkunih. I anam hepuɗ, haen nug uɗia amu, nug aguppa daakku,” awa aum. ⌊Nug anam a, gamu aaɗa a, aakku anam hepiɗ.⌋

Prowerb 31:20

Daɗek danab nuhigppa ehanittak aoglagnu uɗitteb amu, nug ii lamadtte; danab keekenu tutu mak ele, nug ag ele ehanadtte.

Taitus 3:14

Aria ihinig danab, ag Kristen, ag uɗat hekkulagnu, ag amuppa bau dayaknu keeke aoglagnu dooglagoitte. Ag hamuib daaglagnu am aib.

3 Jon 1:5

O lai gamal, uɗat oh na ig lainkad ehanadna hettemppa, na oo metta ii uuak kobol dim lamidna hettem. Genab, na laa ii doyadttem, amge na ag ele ehanadttem.