Rom 11:36 - Nobonob Baibel

³⁶ Iittanab! Nug nukka aakkuib keeke oh diig daatte. Nug nukka aakkuib keeke ohnu Mamelag daatte. Keeke oh am nuhignuib daatteb. Binag amahlak oppiaawak ele hanhan nuhignu dayaɗ! Genab.

Rom 11:36 Referans Kwoze

1 Korint 8:6

Amge ihinignu, Kayak laippuib daatte, Nug am ig Mamenig, Nug am keeke ohnu diig daatte amunu, ig am nuhignuib bau daattem. Naɗi ele am laippuib daatte, Nug am Jesus Kristus. Kayak Nug nuhigppa keeke oh hattom, amu ig nuhigppa bauklel aottem.

Hibru 2:10

Kayak, Nug keeke oh diig, keeke oh Nug hattom ele, amu Nug bekkod kuɗum oh diia attan teeb, binag amahlak oppiaawak ele daaglagnu dabmaama, Nug Jesus Nug guittak doyaya, ib amuppa Nug Eɗua Diiaknu Anuqak Danab elelenab ba daakkunu aum. Amuppa Kayak Nug kobol elelenab heum.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

Rom 16:27

Kayak, Nug nukka doyak dabmak ena ele, Nug Jesus Kristus nuhig uɗatppa hanhan binag amahlak oppiaawak ele awaɗ! Genab.

Jut 1:25

Kayak Nug nukka am Kayak, amu Nug am Padal ii maknu ehanittak ihinig daatte. Anam aakku amu, Jesus Kristus, ihinig Naɗi, nuhigppa binag amahlak oppiaawak ele, dagom onig ɠagattag ele, ɠagattag, amu gumaknu ehah oh ele Kayak, nuhigppa dayeg! Keeke amu oh am anukka haen ii digmeumppa, gemu, butti aɗi ele hanhan nuhigppa daatteb. Genab.

Aposel 17:28

Nuhigppa ig bau dayak aot, Nug ig ɠagattag megekke, ig oit daattem. Ahilkad doyak danab laala ag ele amunu inam appig. ‘Ig ele Nug bekkod daattem,’ aon appig.

Revelesen 21:6

Nug anam awowa, Nug tuɗitta da amelppa aum. “Keeke oh aakku meu beum! Da haen oh daattem; da tatam daami, da hanhan daakkul. Digmakppa, batakppa ele da daattem. Laa ag le baalag diitte amu, da ag le bauklel ele, le amuam qeppuɗia bette, da le amu nob iitta, hamu madakkul.

Sam 115:1

O Yawe, danab ah ag ig Israel, ag ig binanig okkai mekkaglagnu am oonig ii daatte. Iitta! Ig genabnab danab ah laa ag binanig maknu oonig ii daatte. Amu na oo mauhaknab kobol dim lamidnana, na oo metta ii uuak kobol ele dim lamidttem amunu, diig amunu danab ah ag na binan mekkulag am tutukku.

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

2 Timoti 4:18

Ao, Naɗi Nug laa dilag eheɗ hak ohppanu eɗua awiɗa, da nuhig hab aabppan ɗo maɗoɗppa daakkulnu Nug ena omaiɗa, appa gokku. Binag amahlak oppiaawak ele hanhan alet ele nuhigppa dayaɗ! Genab.

Prowerb 16:4

Yawe Nug keeke oh Nug oo hette bia gokkunu bappaidtte; nau hak danab ag ele ag akka ahilag hakppa bu awaknu deɗppanu bu aoglagnu bappaidtteb.

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

1 Korint 11:12

Kayak Nug ah hekkunu amu, Nug danab beɗu laih awa heum; gemu amu danab ahppa dotteb, amge Kayak Nug keeke oh Mameg daatte.

1 Pita 5:11

Ɠagattag oh nuhigppa hanhan alet ele dayaɗ! Genab.

Pilipai 4:20

Kayak, ig Mamenig amu, binag amahlak oppiaawak ele nuhigppa hanhan alet ele dayaɗ! Genab.

Epesus 3:21

Ge, ig Kristen tamaniakppa daat, Kristus Jesusnu daattem amu, amuppa binag amahlak oppiaawak ele Kayak, nuhigppa hanhan alet ele dayaɗ! Genab.

Galesia 1:5

Binag amahlak oppiaawak ele hanhan alet ele Kayak nuhigppa dayaɗ! Genab.

Revelesen 19:1

Keeke amu oh dimppa da danab ah ameg naɗi baalag okkaippa hab aabppa eegeg doomi. Ag inam eppig. “Ig Kayak binag metu! Padal ii maknu ehanittak, binag amahlak oppiaawak ele, amu ɠagattag ele ihinig Kayak, nuhigppa dayaɗ!

Revelesen 7:10

Ag baalag okkaippa ena appig. “Eɗua awikkaknu diig am ihinig Kayak, Nug nuhig sia king ⌊anuqak,⌋ appa daatte, amu Sipsip Nag ele,” aon appig.

1 Pita 4:11

Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.

Luk 19:38

Ag Kayak binag human, baalag okkai enan appig. “King nug Naɗi onigppa uɗitte amu, ig Naɗi Nug itidkkunu oonig daatte. Nuhigppa Kayak Nug ig danab, ihinignu oo ena daatte. Ig Kayak Ebehi Ele, Nug binag attannab humatu.”

Daniel 4:34

Kobol amu oh Nebukatnesar, nuhigppa be, dimppa Nebukatnesar nug aum. “Haen anam daakkulnu dayom am iitta me, da, Nebukatnesar, da amel humen, neekki, hab attan te, ⌊Kayak dabmei, Nug he,⌋ dahil dabmak eɗua, danab dilag dabmak, kaaka iitta aakku dayom. Kayak anam he, dahilppa anam be, da Kayak Attannab Laa Oh Eɗattak binag memi. Da binag onig okkai ele Laa hanhan daatte mettami. Aɗinu? Nuhig ɗo maɗoɗ am hanhan alet daatte. Ao, nuhig wan atu gumak am anamib alet, ii tuqa awak daatte.

Aisaia 42:12

Aben amu ohppan danab ag Yawe binag mettanna, ag wan miagnu, wan umanu ele, ag Nug binag okkai metteg!

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Daniel 4:3

Nug uɗat naɗi, Nug heumnu at daatte, Nug amu hette. Ao, Nug uɗat ɠagattagnab ele hette. Nuhig ɗo maɗoɗ am hanhan alet daatte. Ao, nuhig gumak am menuattak huu laippu bia, ahilagppa daye ukke, laa beeg, ahilagppa ele daatte.

Revelesen 7:12

Ag binag mena appig. “Genab, anam dayaɗ! Onig okkai, binag amahlak oppiaawak ele, doyak dabmak ena ele, ena heme anak, binag mak, ɠagattag oh, amu ebehi ele hanhan alet ele ihinig Kayak, nuhigppa dayaɗ! Genab.”