Rom 11:33 - Nobonob Baibel

³³ Genab! Kayaknu doyak dabmak ena ele, aria doyak nuhig ele, keeke aɗit amuam okkainab, unuqagnab ele daattep. Ig danab ig maittak nuhig oh diig mattita anidkkunignu elele iittanab. Amu ig ib oh Nug dim lamidtte ele, ig elelenab doognignu ele elele iitta.

Rom 11:33 Referans Kwoze

Job 5:9

Nug kobol danab hekkunu elele iitta, ig danab ig amunu diig tutukku doognignu elele iittanab daattem amu, Nug kobol amu Nug hette. Ge, Nug kobol danab hekkunu elele iitta kuɗumnab, ebaqaknu elele iitta hette.

Sam 92:5

O Yawe, na kobol danab laa hekkunu elele iitta kuɗum hettem! Ao, nahip dabmak am unuqagnab noak daatte.

Rom 2:4

Kayak Nug nahipnu ena ha auta awawa, oo bodoettak kobol dim lamittatta, amen mak haen elab dayaya, Nug oo maɗoɗ kobol dim lamidtte amu, na amunu keeke hamu biate doottem? Amu na Kayak Nug na oot eɗukkunu oo daatte amunu, Nug nahipnu kobol enanag hette iite doottem?

Job 37:23

Laa Nukka Ɠagattag Oh Ele Nug ig eɗikka auta autanab aotte. Nug nuhig ɠagattag am okkainab ele. Nug nai doya mala hettoɗia epeɗia elele mettak kobol ele hanhan dim lamidtte. Nug aɗi hette ele amu, Nug genab tutukku hak kobolppaib hette amunu, Nug danab laa diig iittappa bu ii medatte.

Epesus 3:10

Kayak Nug dabmak inam awom. Gemu Kristen tamaniak ooppan danab ah amu, ag nuhig doyak dabmak ena ele digdig kuɗum am miag atippeg, ikki danab, amu danab ag gumaknu ehah ele, ig danab ig ag ig amenigppa anidkkunignu elele iitta, ag ohnab dooglag.

Eklisiastis 3:11

Nug he, keeke haenppanab ag betteb, amu keeke amuam anttaknu enanag aakkuib. Nug ele danab ah oolagppa ag hanhannu keeke dooglagnu dabmak mattom daatte, amge ag Kayak Nug digmakppa aɗi heum, batakppa aɗi hekku amu, ag keeke amu oh dooglagnu elele iitta.

Sam 36:6

Nahip genab tutukku hak kobol amu naɗinab, qauko attannab hume tak, amubia daatte. Ao, nahip nai doya mala hettoɗia epeɗia elele mettak kobol am naɗinab, am yu gamag unuqagnab noa ukkak bia daatte. O Yawe, na danab ah atognoadnana, doɗ ele atognoadttem.

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

Rom 9:23

Nug amu heumnu diig am, amuppa Nug laa Nug ahilagnu oo gai-iita doya oo metta ehanittak kobol dim lamittom, Nug ag anukka Nug ele daaglagnu tituanattom amu, Nug nuhig binag amahlak oppiaawak okkainab ele ippuanattom.

Sam 97:2

Bud, amu gatatu teppu ele aa Nug talilidya, happut-ttep. Nug king dayaya, Nug kobol genab tutukku ele, amu nai doya mala hettoɗia epeɗia elele mettak kobol eleib dim lamat-tte.

Sam 77:19

Nahip ib am yu gamagppa ukkom. Ao, na ippun am le naɗi gamagppa ukkom. Nahip ib am anam, amge auntai laa na baen abenab anidkkunu elele iitta dayom!

Job 26:14

Keeke amu oh am Kayak Nug ɠagattag okkainab ele ippunigtte, amge elele ii ippunigtte; nakoknab aakkuib ippunigtte. Ao, danab nai otiptip-ppa mattie, ig nai oqotti nakokib doottem, amubia keeke amuam Kayaknu ɠagattag nakokib ippunigtte. Otiptip mattiak am oqotti nakokib, hakkaɗ qak am oqotti okkai; amubia Kayak Nug nuhig ɠagattag okkai oh ippunikkeb, ig attem dabmelom?” Job nug anam Bildad amegppa aum.

Epesus 2:7

Nug anam heumnu diig am, Nug nuhig ehanittak okkai hamu mettak laa oh eɗattak kobol, Nug amu dim lamittatta, ig Kristus Jesusnu daattem amu, Nug ihinignu oo bodoettak kobol dim lamidtte, Nug danab oh butti aɗi haen amu daaglag amu ippunadkkunu heum.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Sam 40:5

O Yawe, dahil Kayak, na keeke kuɗum, danab amu hekkunu elele iitta, na aakku heme. Ao, na keeke ena ena kuɗum ihinignu maidme amu, laa nug keeke amu ohnu eɗua, na amenppa ab dookkutnu elele iitta. Keeke na hekkutnu maidttem am huanak, ebqaknu iitta amunu, da ma anttak hein, da laa amegppa keeke amu ohnu akkulnu hekkul dayeb amu, da elele iitta. Am keeke kuɗum, huanak ele.

Job 9:10

Nug uɗat ɠagattagnab, danab laa nug uɗat amu diig dookkunu elele iitta aakku hette. Ao, Nug kobol danab hekkunu elele iitta kuɗumnab, danab ebaqadkkunu elele iitta hette.

Epesus 3:16

Da gatel qaun oin unuqidttem amu, da Kayak Nug nuhig Ouɗippa ag ehanatta, Nug nuhig ehanittak enanagnab, Nug amuppa ag oolag ɠagattag aqakkunu,

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

Prowerb 25:3

Danab auntai laa nug habppa taknu, o wan unuqag noaknu, nug amunu uma ukkak gane melemel mekkunu elele iitta; amubia danab auntai laa nug kingnu dabmak oh anidkkunu elele iitta.

Epesus 3:18

Da ag Kayaknu oo mauhakppa ɠagattag daaglagnu unuqidttemnu diig laa am, amuppa ag, amu Kayaknu danab ah oppiaawak ele laa oh ele, ag oh ag Kristusnu oo mauhak, amuam naɗinab genab ele, ag amu genab dooglagnu elele daaglag.

Job 37:19

Ig laa oh ig gatatuppa daattem, ig Kayak amegppa ihinig nai bappaidta madipput dookkunu elele ii doottem, amge na nakka, na amu hekkutnu elele doottem amunu, na ippunigppe, ig amu hetu!

Job 33:13

Aɗinu na Nug amegppa naittuɗ hena, Nug danab dilag nai doya, nob ii medattenu attem?

Job 15:8

Kayak Nug nuhig ehanittak ele ag nai mattiegeg, na nai amu dautppa doottemte? Ao, nahip dabmakppa amu, na nakka naib na doyak dabmak ena elete?

Sam 139:6

Da amu oh am genab doottem, amge da amu diig tutukku dookkulnu elele iitta. Ao, Yawe, nahip hak ena, da amunu diig dookkulnu elele iitta; da eɗiltte.

Sam 145:3

Yawe Nug am onig, ɠagattag okkai ele. Nug danab ah ag Nug binag mekkulagnu elelenab daatte. Auntai laa nug Nug onig, ɠagattag okkai ele tutukku dookkunu elele iitta.

Prowerb 25:2

Danab ag Kayaknu diig, nuhig hak oh ele dooglagnu elele iitta, amuppa danab ah ag Nug binag amahlak oppiaawak ele dootteb; king ag am danabib, ag keeke lokkumak daatte heeg, miag atitte amu, amuppa danab ah ag nug binag amahlak oppiaawak ele dootteb.

Eklisiastis 7:24

Wan imuppa keeke oh ib attenppa ba gotte amu; ba ukkak amunu diig oh da dookkulnu elele iitta. Danab laa amu ohnu diig dookkunu elele iitta.

Eklisiastis 8:17

haen amuppa da keeke oh Kayak heum anidmi. Aam waappa keeke oh ba gotte amu, danab laa nug amu oh dookkunu elele iitta. Danab nug wagainab ma, diig dookkunu hekku, amge nug diig oh tutukku dookkunu elele iitta. Danab nug doyak dabmak ena ele nug, “Da amu oh doottem,” akkutai, amge nug genab diig oh tutukku dookkunu elele iitta.

Aisaia 28:29

Doyak imu oh am Yawe Nukka Ɠagattag Oh Ele, nuhigppanu uɗitte. Nug ulum ena ena ele megatte. Nug doyak dabmak okkai okkai, laa oh eɗattak ele.

Aisaia 40:28

Ag Yawe, Nug Kayak hanhan daatte, Nug wan atu oh, amuppan keeke oh ele heum amu, ag amu iite dootteb? Ag amu daulagppa iite dooppig? Yawe Nug beɗu bahi ii yaatte; beɗu bodo-ii-edatte. Nuhig diignu doyak tutukku amu, laa nug oh dookkunu elele iittanab iitta.

1 Korint 2:10

Keeke amuam lokkumak dayom, amge Kayak Nug he, nuhig Ouɗi ig ippunikkom. Kayak Ouɗi Nug keeke oh mattia anidtte. Ge, Nug Kayaknu dabmak oh lokkumak daatte, Nug amu ele anidtte.

Esta 2:22

Amge Mordekai nug aa anam hekkulahnu hepiɗ amu doya, nug Kuin Esta amegppa aum. A amu, nug king amegppa amunu aum, amge nug Mordekai a doyomnu ele aum.

Job 10:13

Na anam heme, amge dabmak imuam na ootppa lokkumak dayom. Ao, da nahip dabmakppa, na dabmak imu aɗan daame doottem.

Job 23:14

Nug aɗi maittak uug ele dahilnu matu awa, amu bekkunu ɗo meum amu, Nug he, nai amu aakku meu otte; nuhig dabmakppa kobol kuɗum laa amubia ele dahilppa bekkunu maittak awom daatte.