Rom 11:28 - Nobonob Baibel

²⁸ Israel ag Jesusnu Nai Ena doon uuna, ag Kayaknu kekeɗ daatteb, amu ag iitta aɗi ag amuppa ehanittak aotteb, amge Kayak Nug anukka Israel ag tituanattom amu, Nug ag alalkad dilag dabmaama, Nug ag Israel, ahilagnu Nug oo mauhak ele dootte.

Rom 11:28 Referans Kwoze

Duteronomi 10:15

Amge Yawe Nug ag mamelkad aɗi dabmadatta, ahilagnu oo mauhehe, Nug ag buɗulkad daatteb ag otiattom. Gemu aakku anidttem, Nug ag mamelkad aɗi buɗulkad ag daatteb imu, ag epeɗiattom. Nug huu laa nuhikkud daaglagnu ii epeɗiattom.

Rom 11:7

Amunu ig aɗi akkunig? Israel danab kuɗum ag Kayak noobppa genab tutukku hak danab daaglagnu, ag amu aoglagnu oolag unuqagppanu heppig amu, ag ii aoppig. Amge laa, Kayak Nug tituanattom ele, ag tutukku dayak amu aoppig. Laa oh amu, Kayak he, ahilag dabmak am ɠagattag eppom. Kayak nai amunu am inam. “Kayak he, ag oolag amu dabmak ahilag ele niiak bia daappig. Nug he, ag amelag neekkaknu elele iitta daaegeg, daulag ele nai dooglagnu elele iitta daappig. Ag anamib daaeg uɗie, gemu ele anamib daatteb.”

Rom 9:5

Kayaknu danab anukkanu amu, ag am Israel danab memetalkadnab. Amu Kristus ele amu, Nug danab daakkunu, Nug Israel buɗulagppa doum. Nug am Nug Kayak, keeke oh dilag ikki daatte. Ig Nug binag hanhan metu! Genab.

Matyu 21:43

Amunu da ag amelagppa attem. Kayak Nug nuhig ɗo maɗoɗ ahilagppanu awa, danab laa eppelagppa meeb, ag meu ena aon mettaglag.

Rom 11:11

Aria, nai anam daatte amunu, da baula oɗ mettem. Ag eheɗnab nena qeppig, amuppanu ag eɗun ii hippaidmanate? Iittanab iitta! Ag ib apiɗitteg, Kayak Nug danab laa, iitta aɗi, Nug ag diiom. Nug iitta aɗi eɗua diiomnu diig am, amuppa Nug heeb, Israel danab ag, ag iitta aɗi ag gemu Kayaknu kobol enanag aotteb anidna, ag amunu ittag aqeeb, ag dabmak aona, ag Kayak baekkudppa daaglagnu dokkulag.

Maika 7:20

Na anukkanab ig mamenkad aɗi amelagppa ihinigppa aɗi hekkutnu nahip nai ɠagattag qena mattime amu, na Jakop buɗubppa aɗi hekkutnu ame amu, na anamib hekkut. Ao, na Abraham buɗub dilagnu oot gai-iitta doon oot mattan ehanadkkutnu ame amu, na anamib hekkut.

Jeremaia 31:3

Amu anukka Yawe Nug ig Israel danab gumikka uɗia, Nug mattiaya inam aum. “Da oo mauhak tuqa ii awak eleppa ahilagnu ool mauhom, gemu ele amu hettem. Ao, da oo mauhaknab kobol dim lamittette, dahilppa uɗiglagnu eeɗadmi.

Duteronomi 9:5

Amu ag am genab tutukku hak danab, o ag am danab ag dabmak oiyak ahilag ele am tutukkuib amunu, ag wan amu aoppeg, ahilag daakkunu hetteb aib dabmeppig. Iitta. Danab amu ag ahilag hak nau amunu, Yawe, ahilag Kayak, Nug heeb, ag Israel ag ag lamadkkulagnu, Nug ag mamelkad aɗi, Abraham, Aisak, Jakop ele, ahilagnu Nug anam hekkunu nuhig nai ɠagattag qetta aum, amu meu okkunu, Nug anam hekku.

Duteronomi 8:18

Amge ag Yawe, ahilag Kayak, ag Nug dabmetteg! Aɗinu? Nugib ag ɠagattag matte, ag enulag ele daatteb. Nug ag mamelkad aɗi amelagppa nuhig nai ɠagattag qetta ana, Nug ag ele nug tituanna nai qagappig amu, nai amu elele medakkunu hette.

Duteronomi 4:31

Yawe, ahilag Kayak, Nug ag ehanadkku diig am, Nug am danab ah dilagnu oo gai-iitta doya oo matta ehanadtte. Nug ag ii uuadma; Nug ag ii hatteb nauhmana; Nug he, Nug ag mamelkad aɗi ele nug tituana nai qakkak heppig, Nug nug tituana nai qakkak amunu nai genab bekkunu nai ɠagattag qetta aum amu, Nug amu daug ii atima.

Rom 11:30

Anukka ag iitta aɗi ag Kayak oɗe tappaeg neum, amu gemu Israel ag Kayak oɗe tappaeg nette, amuppa Kayak Nug ag iitta aɗi, Israel iitta, ag iitta aɗi Nug ahilagnu oo gai-iitta doya oo matta ehanadtte.

Rom 5:10

Aɗinu? Anukka ig Kayaknu kekeɗ daautut, Nug Bekka ihinignu mauha amu, mauhak nuhig amuppa Nug kekeɗ kobol he iitta me, gemu ig Kayak ele oonig laippu daattem. Kayak he, ig Nug ele oonig laippu daattem, Nug Bekka ele bau daatte, diig amunu genabnab genab Kayak Bekka ⌊Nug Kayaknu oppoɗi bak,⌋ Nug amuppanu eɗua awigkku.

Aposel 18:6

Amge Juda ag Pol nug Jesusnu nai amu ii mattimanu wagai mena, aon aon qedappig amunu, Pol nug lamen elab nuhigppa kauko dayom amu he ne, nug amelagppa aum. “Ag padal mekkulagtai amu akka beɗulagppa, da eheɗ ii hemi. Amunu gemu da iitta aɗi gumatte gokkul,” awa aum.

Aposel 14:2

Amge Juda laala, ag oolagppa genab doyaknu uuppig ele ag ahan, iitta aɗi oolag yaaeg, ag Kristen dilag oolag aeg beum.

Luk 1:54

Nug maɗi nid nuhikkud, amuam Israel danab amu, nug ah ehanattom. Nug ig alankad Abraham, nug buɗub ele, Nug amu dilagnu hanhan oo gai-iitta doya oo matta ehanadkkunu ig mamelkad aɗi amelagppa aum, Nug nai amu daug ii atitte. Iitta. Nug anam hette,” awa aum.

Genesis 28:14

Na buɗunad ag wan gappud bia appatna, wan aben imuppanu qaban uɗitteppanu daatte, wan kaɗag uɗitteppanu daatte, wan yawalti uɗitteppanu daatte, amu wan yau uɗitteppanu daatte ele aoglag. Aoppeg amu, wan laa ohnu danab ag na, na buɗunadppanu ele itittak ena aoglag.

Genesis 26:4

Abraham nug da oɗel, ɗo iɗu iɗu dahil, dahil haknunab anak ele dim lamittom amunu, da heppi, na buɗunad ag kuɗumnab, hoɗoppai bia daan oippeg, wan imu oh da ag madakkul; amu da heppi, na buɗunppa wan ohppan danab ag itittak ena aoglag,” awa aum.