Rom 11:18 - Nobonob Baibel

¹⁸ Amge ag eppekkud otakkattak, hamu daatteb ele, ag amu dilag nai eheɗ aib appig. Ag nai eheɗ amananu amu ag dabmena autna aweg! Ag diɗi ii gumatteb. Iitta. Diɗi ag gumadtte. Ag am eppekkudib daatteb.

Rom 11:18 Referans Kwoze

1 Korint 10:12

amunu, danab laa nug ɠagattag hibaitta daatte dabmette ele amu, nug na qemanu dabma auta awaɗ!

Rom 11:20

Genab! Eppekkud qiialatta awak amu, ag oolagppa genab ii dooppig amunu, Nug ag qiialatta awom. Ag iitta aɗi ag Kristen beppig daatteb ele, ag am oolagppa genab dootteb amunu, ag aakku ena daatteb, amge ag dabmena autna aweg! Ag aib hibguitta heppig. Iitta! Ag Kayaknu ebehilkad oh bodoetta le maɗ!

Rom 3:27

Anam daatte amunu, ig ikka oninig humagnignu ib adekku daatte? Ib amu laa iitta. Ib amu matu keldoum daatte. Amu aɗi keeke ib amu keldoum? Amu ɗo dim lamittak kobolte? Iittanab! Ooppa genab doyak, kobol amu ib amu aakku keldoum daatte.

Jon 10:16

Da am sipsip laa, sipsip aɗ imuppan iitta, amu ele dahilad, da amu ele diikkuloitte. Diippi, ag da baal dooglag, amu ag oh sipsip ameg laippuib daaglag; ahilag gumak danab ele laippuib daakku ⌊amuam da⌋.

Galesia 3:29

Amu ag Kristusnu daatteb dayeb amu, aria ag am Abraham buɗub aakku daatteb amunu, ag aakku Kayak Nug anukka Abraham amegppa keeke laa heeb bekkunu nai qakka aum amu, ag amu aoglag.

Rom 4:16

Amu Kayak Nug nai qakka ana, ig eɗua awigkkunu aum, amge ig amu hamu mauhnoak aognignu ii aum. Iitta. Ig nuhignu oonigppa genab doota, ig aognignu aum. Ig ɗo dim lamidta aognignu ii aum. Ig ooppa genab doyaknu ib, ig ib amuppa aognignu diig am, ig Kayak Nug ehanittak okkai hamu megatte, kobol nuhig amuppaib ig aognignu babaittom. Aria, ib amuppa awaknu daatte dayeb amu, ig Abraham buɗub oh, laa ig Juda danab, laa ag Juda danab iitta, ig oh ig Abraham ooppa genab doyom, amubia ig oonigppa genab doot, nug buɗub daattem ele amu, ig oh ib amuppa Kayaknu keeke ena genabnab aognignu doognig. Aɗinu? Ib amuam danab oh tonadkkunu elele daatte. Anam daatte amunu, Abraham nug am ig oh ig mamenig daatte,

Matyu 26:33

Amge Pita nug oɗeppa awa aum. “Danab laa oh ag nahipnu uug doon, uuidna oolna gokkulagtai, amge da am anam ii hepa,” awa aum.

Prowerb 16:18

Aun laa nug dada kobol hekku amu, nug padal mekku. Ao, danab nug dada ha laa eɗittaknu dabmak aotte amu, nug na qekku.

1 King 20:11

Nai awa ukkak danab amu ag Benhadatnu nai amu Ahap amegppa aeg, King Ahap nug eɗua ag amelagppa aum. “Ag eɗun gona, Benhadat amegppa inam appeg doyaɗ! ‘Danab nug ban ha, kekeɗ eɗitta mala, nug bannu bala uɗaɗa, nug aɗi keeke okkai heumnu akkunu elele, amge danab nug bannu bala geha iikku mette amu, nug amubia aib heum!’ ” awa aum.

Jon 4:22

Ag Samaria, ag Kayak noobppa dup nona binag metteb, amge ag nuhig diig pehettak ii dootteb. Amge Kayak Nug he, eɗua diiaknu uɗat amu ig Juda ihinigppa bette amunu, Nug nuhig diig ig ippunikke, ig nuhig diig tutukku dootta, ig Nug noobppa dup nota binag mettem.

Aposel 25:7

Ag Pol omalna doeg amu, aria Juda Jerusalemnu noppig ag dona daanna, ag nai kuɗum eheɗ hak naunu Pol beɗuppa yaan madippig, amge ag ahilag nai am genab laa ippuanadkkunu elele iitta.