Rom 10:5 - Nobonob Baibel

⁵ Moses nug danab ag ɗo kobol dim lamitteg, Kayak ahilagnu, “Genab tutukku hak danab,” akkunu dabmetteb ele, nug ahilagnu inam yom. “Danab nug dahil ɗo anam dim lamidkku dayeb, amuppa nug bauklel daakku.”

Rom 10:5 Referans Kwoze

Lewitikas 18:5

Ag dahil ɗo iɗu iɗu dim lamitteg! Aɗinu? Danab nug dahil ɗo anam dim lamidkku dayeb, amuppa nug bauklel daakku. Da am Yawe,” awa aum. ⌊Yawe Nug anam ana, Nug ɗo laala imu Moses mettom.⌋

Nehemaia 9:29

Na ag nau aomnanu dabmettak nai mattana, ag eɗun nahip ɗo waappa daaglagnu ag amelagppa ame, amge ag beɗuppa tak danab dilag kobol dim lamidna, ag nahip haknunab nai ii dim lamidppig. Ɗo nahip, danab nug dim lamidtte ele nug bau daakku amu, ag ɗo amu tippaladna, ii dim lamidna, hipunin heppig. Ag na oɗen dim lamidmananu dabmak ahilag ɠagattag eppe, ag na dimettana, ag dabmak eɗukkunu uun autna aona, ag nahip nai dooglagnu uun, ii dooppig.

Esekiel 20:21

Da danab amu ag bekkalkad aɗelkad ele amelagppa amunu ami, amge ag ele dahil nai tappaeg neum. Danab nug dahil ɗo dim lamidtte amu, nug bau daakku, nug padal ii mema, amge ag dahil ɗo iɗu iɗu pehettak ii dabmettan, ii dim lamidppig. Ag ɗo da ag Sabat deɗppa dim lamidkkulagnu ami amu, ag amunu hamu bia doon, ii dim lamidppig. Ag amu heppig amunu, da oppoɗil be, bu madakkulnu ami. Ao, da ool nauhehe, da ahilag hak naunu atu taɗakppa nob madakkulnu ami.

Esekiel 20:13

Da amu oh hemi, amge Israel danab ah ag atu taɗakppa dahil nai tappaeg neum. Ag dahil ɗo iɗu iɗu uuna, ii dim lamidppig. Ɗo amunu amu, danab nug amu dim lamidtte ele, nug bau daakku, nug padal ii mema. Amge ag dahil nai, dahil ɗo amu ele ii dim lamidnana, ag ɗo da ag Sabat deɗppa dim lamidkkulagnu ami amu, ag amunu hamu bia doon, iinab dim lamitteg, dahil neekkakppa deɗ amu ena ii dayom. Ag amu heppig amunu, da atu taɗakppa eheɗ nau hadappi, padal mekkulagnu dabmein ami.

Esekiel 20:11

Ag ukkaeg, da dahil ɗo iɗu iɗu matten ippunadmi. Da amu heminu diig am, danab nug amu dim lamidtte ele, nug amuppa bau daakku; padal ii mema.

Galesia 3:12

Ɗo dim lamitta genab tutukku baknu kobol diig am oonigppa genab doyak iitta. Iitta. Kayak naippa kobol amu diignu nai inam daatte. “Danab nug dahil ɗo anam dim lamidkku dayeb, amuppa nug bauklel daakku.” Amuppa ig ɗo nug am uɗatnu keeke anidttem.

Rom 7:10

Ɗo da bauklel meɗakkunu dayom amu, da ɗo amuppa bauklel ii aomi; ɗo nug ⌊hipunin ib mette he,⌋ da mauhmi.

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Aisaia 55:3

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.