Rom 10:4 - Nobonob Baibel

⁴ Juda ag anam hetteb, amge Kristusnu uɗat okkaippa, ig oonigppa genab doottem ele amu, ig ib amuppa genab tutukku hak danab bemut daattem. Ig ɗoppa genab tutukku danab ah ii bettem. Uɗat amu Kristusnu uɗat okkaippa aakku iitta meum amunu, danab oh ag Kristusnu oolagppa genab dootteb aakkuib Kayak Nug ahilagnu amu, “Genab tutukku hak danab,” awa atte.

Rom 10:4 Referans Kwoze

Galesia 3:24

Ɗo nug am gumikkak danab ihinig bia, nug ig omaikka, Kristus toppa wab, ig Nai Ena oonigppa genab doopput, Kayak Nug ihinignu, “Genab tutukku hak danab,” awa akkunu dayom.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Aisaia 53:11

Amu Yawe Nug atte. “Dahil maɗi nid, nug genab tutukku hak kobolib dim lamidtte amu, Nug guittak amu mawa malowa, nug bau dayaya, ⌊danab oolag eɗueb ele antta,⌋ elele dookku. Dahil maɗi nid nug nuhig doyak, nug amuppa heeb, danab ah kuɗumnab ag genab tutukku hak danab ah daaglag. Nug ahilag hipunin mawa heeb, iitta mekku.

Hibru 10:14

Anam amunu, Nug mana mettak laippuib heum amuppa Nug he, danab ag Kayak he ag oppiaawak danab benan daatteb ele, ag elelenab daatteb. Amu hanhan ele anamib daaglag.

Kolosi 2:17

Keeke amu oh am keeke laanu itotog bia, am keeke amunab iitta. Amu Kristus Nug am amu oh eɗattak, Nug genabnab meunab aakku daatte.

Kolosi 2:10

Nugib okkai ohnu, amu okkainab ohnu ele ikki daatte. Nuhigppaib amu Kayak Nug aɗi keeke madakkunu hette amu, am ahilagppa ambette.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

Rom 3:22

Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Galesia 4:5

Nug ig ɗo waappa daamut, ig amunu qagaiettakppanu eɗua uhuqak ha mekkeb, ig Kayak bekkodnab beta daagnignu anam heum.