Rom 10:20 - Nobonob Baibel

²⁰ Anamib Aisaia nug ele oo ii baɗe, Nug oɗmak amunu ⌊Kayak oɗe awa,⌋ nai imu ⌊Kayak naippa yaak daatte⌋ aum. “Danab laa ag da aniɗkkulagnu uɗat ii heppig ele, ag am da aniɗppig. Ao, danab laa ag dahilnu oɗmak ii heppig amu, da ahilagppa miag atiak tule bemi,” awa aum.

Rom 10:20 Referans Kwoze

Rom 9:30

Amunu ig inam aot akkunig. Iitta aɗi danab ag Kayaknu genab tutukku hak kobol aoglagnu uɗat ii heppig, amge ag genab tutukku hak kobol amu aoppig. Kayaknu genab tutukku hak kobol, amu awaknu ib am ooppa genab doyak.

Aisaia 49:6

Amu gemu Yawe Nug inam atte. “Na dahil maɗi nid daanna, na Israel diippe, ag eɗun, dahilppa uɗiglag, amuam uɗat nakokib. Ao, na huu imu da gumatte, ehanatti ii padal meppig ele diippe, ag eɗun, dahilppa uɗiglag, amuam uɗat nakokib. Anam amu, da na uɗat okkai laa ele hekkutnu, da uɗat amu nahipnu uumi daatte. ‘Da na iitta aɗi, ag gatatuppa daatteb, na ag ele ehanadppe, ag ib anidkkulagnu amahlak madakkutnu otidmi. Ao, na iitta aɗi ehanadppe, ag oolag eɗueb Kayak danab ah wan atu ohppanu amu eɗua diiadkku,’ ” awa atte.

Luk 14:23

Anam a amu danab okkai nug maɗi nid amegppa eɗua aum. ‘Na gona, ib okkaippa, dadnu aɗ ele mattan gonana, na danab ah eeɗadppe uɗin, ooppa noig! Da laul imu ambekkunu ool daatte.

Matyu 20:16

Jesus Nug anam ana amu, Nug nai tuɗitta aum. “Amubia dim daatteb amu, ag anuqkkulag. Anuqak daatteb amu, ag dim daaglag,” awa aum.

Aisaia 58:1

Yawe Nug atte. “Ag laa, ag dahil nai mattiglagnu daatteb, ag Israel danab ah ag dahil nai dooglagnu nai amu huana eppeg doyeg! Ag qinonob aib madippig! Trampet huana gaatte bia eppeg doyeg! Ag dahilad danab ah, ag da waalppa daaglagnu uun, dahil nai tappaeg neene oitteb, ag amunu appeg doyeg! Ao, ag Jakop buɗub, ag hipunin digdig henan oitteb amu, ag amunu appeg doyeg!

Aisaia 52:15

Ag dabmak huanaknab aoglag, amubia danab ah wan atu kuɗumnu ag ottaikkulag. Anam amu king ag nuhignu oɗelag qamutna, dabmak kuɗum aoglag. Aɗinu? Keeke ag nuhignu ii dooppig amu, ag anidkkulag. Ge, laa ag nuhignu keeke laalanu a ii dooppig ele amu, ag amu doon, ag amu diignu doyak tutukku aɗaglag.” Yawe Nug anam atte.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

1 Jon 4:19

Kayak Nug tatam ihinignu oo mauhom amunu, ig oo mauhak kobolppa oittem.

Rom 9:31

Amu Israel ag am ɗo tutukkuib dim lamidna, genab tutukku hak kobol aoglagnu heppig, amge ag ɗo kobol elelenab ii heppig amunu ag genab tutukku oiyak ii aoppig.

Rom 10:3

Amu Israel ag Kayak Nug ihinignu, “Genab tutukku hak danab,” atte ele, ag amunu oolag ii maitte, ag akka ag oolagppanu kobol laappa genab tutukku daaglagnu amuib hena, ag Kayak Nug ahilagnu, “Genab tutukku hak danab,” akkunu amu ag uuppig.