Rom 10:19 - Nobonob Baibel

¹⁹ Da baula oɗ mettem. Israel danab ag nai amunu diignu doyak tutukku iite aoppig? Moses nug oɗmak amunu nob mak tatamnu ⌊Kayak oɗe awa,⌋ nai imu ⌊Kayak naippa yaak daatte⌋ aum. “Da geha danab laala, ag dahilad iitta ehanadppi, ag Israel danab ah, ag amu anidna, ag ehanittak amunu ittag aqeeb, ag ele aoglagnu dabmak aona, ag dahilppa eɗun uɗiglag. Ao, danab ah dahilad iitta, ag diignu doyak tutukku iitta, da ag ehanadppi, ag Israel danab ah, ag amunu oolag nauhkku.” Nug anam aum.

Rom 10:19 Referans Kwoze

Duteronomi 32:21

Ag kayak hambuppuak dottolkad noolagppa dup noa binag mak kobol heeg, da ahilagnu dahil doya laa aomanu doyak aɗe daami. Dottolkad amu ag kayak genab iitta. Ao, ag kayak hambuppuak dottolkad, keeke amuam ag ehanadkkunu elele iitta, ag amu noolagppa dup noa binag mak kobol heeg, da ool nauhom. Gemu amu, da danab ah ag dahilad iitta ehanadppi, Israel danab ah ag amu anidna, ag ehanittak amunu ittag aqeeb, ag ele aoglagnu dabmak aona, ag dahilppa eɗun uɗiglag. Ao, danab ah dahilad iitta, ag diignu doyak tutukku iitta, da ag ehanadppi, Israel danab ah ag amunu oolag nauhkku.

Rom 11:11

Aria, nai anam daatte amunu, da baula oɗ mettem. Ag eheɗnab nena qeppig, amuppanu ag eɗun ii hippaidmanate? Iittanab iitta! Ag ib apiɗitteg, Kayak Nug danab laa, iitta aɗi, Nug ag diiom. Nug iitta aɗi eɗua diiomnu diig am, amuppa Nug heeb, Israel danab ag, ag iitta aɗi ag gemu Kayaknu kobol enanag aotteb anidna, ag amunu ittag aqeeb, ag dabmak aona, ag Kayak baekkudppa daaglagnu dokkulag.

Rom 11:14

Da amu hettemnu diig am, kobol amuppa da heppi, danab da ele buɗub laippu, amuam Juda danab, da heppi, Juda danab ag, ag iitta aɗi ag gemu Kayaknu kobol enanag aotteb anidna, ag amunu ittag aqeeb, ag dabmak aona, kobol amuppa Juda danab oolagppanu laala ag Kayak baekkudppa daaglagnu dokkulagtai.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

1 Pita 2:10

Anukka amu, ag Kayaknu danab ah ii daappig, amge gemu ag nuhignab danab ah daatteb. Anukka ag ⌊Jesusnu oolagppa genab ii doon,⌋ ag Kayaknu oo gai-iitta doya oo metta ehanittak kobol waappa ii daan, ⌊ag hipuninnu nob nau aoglagnu daappig,⌋ amge gemu amu, ⌊ag Jesusnu oolagppa genab doon,⌋ ag Kayaknu oo gai-iitta doya oo metta ehanittak kobol waappa daan, ⌊ag nob nau amu aoglagnu ii daatteb⌋.

1 Korint 1:12

Da nug mehqak kobolnu mattimi amu, da imunu ami. Ag oh ameg piɗe piɗe oppatna daanna, nai aeg ona aeg dotte. Ag anam henana amu, laa nug, “Da am Pol dim lamidttem,” awa aawo, laa nug, “Da Apolos dim lamidttem,” awa atte. Amu laa nug, “Da am Pita dim lamidttem,” awa aawo, laa nug, “Da am Kristus dim lamidttem,” awa atte.

1 Korint 15:50

O lailad, da ag amelagppa attem. Wanppan beɗu nug Kayaknu ɗo maɗoɗppa daakkunu elele iitta. Keeke beɗatte ele, amuam wanppan beɗu, amu keeke ii beɗatte ele, amuam Kayaknu ɗo maɗoɗ, amuppa daakkunu elele iitta.

1 Korint 12:2

Ag dootteb, anukka ag Kayak ii doon daaegeg, haen amuppa Satan eeɗatte, ag kayak hambuppuak dottolkad, ag nai ii maditteb ele, ag binalag mekkulagnu oolag yaaegeg, ag amu dim lamadna gokkulagnuib heppig.

1 Korint 11:22

Amu attemu? Ag ee le ele lakkulagnu laulkad iittate? Ag Kayaknu Kristen tamaniak amu keeke hamunab bia doottebte? Ag lailkad laala, ee iitta ele daatteb amu, ag ag anadna ahilagnu dabmak ii aona, uɗa nak nau madattebte? Ag hetteb amu da amunu aɗi akkul? Da ag binalag mekkulte? Iitta! Kobol amunu amu da ag binalag iinab mepa.

1 Korint 10:19

Nai imuppa amu da aɗitai attem? Da doɗ mana kayak hambuppuak dottog mettak am keeke genab attemte? O kayak hambuppuak dottog, nug am keeke genab attemte? Da anamte attem?

1 Korint 7:29

Amunu O lailad da nai imu attem. Haen tutu meum amunu, haen gamag imuppa amu ag inam dooglagnu attem. Danab ag ah diippig ele, ag am ahilag dabmakppa, “Ig ah ele, amge ig ah iitta bia daagnig,” dabmenan daaglag am ena.

Rom 10:18

Amge da oɗ mettem. Israel danab amu ag nai iite dooppig? Yo, ⌊Kayak nai atte, amubia⌋ ag dooppig. ⌊Nai amuam inam.⌋ “Keeke amu oh baalag am wan atu ohppa ukka malom daatte. Yo, ahilag nai amu wan oh tualom daatte.”

Rom 3:26

Nug ig gemu daattem, ig Kayak Nug am tutukkuib daatte doognignu Nug anam heum. Nug ig anam doognignu, Nug danab oh ag Jesusnu oolagppa genab dootteb ele, Nug tutukkuib ha, Nug ahilagnu, “Genab tutukku hak danab,” awa atte ele ippunigkkunu, Nug anam heum.

Hosea 2:23

Geha da dahilad danab ah ag ahilag wanppa dahilnu bappalatten maadkkul. Geha da laa da amelagppa, ‘Da ahilagnu oo bodoetta le mak kobol ii dim lamidpa,’ ami amu, da ahilagnu oo bodoetta le mak kobol hein ippuanattette, laa da ag amelagppa ‘Ag am danab ah dahilad iitta,’ ami amu, da ag amelagppa, ‘Ag am dahilad danab ah,’ appi, ag da amelppa dahilnu, ‘Na am ihinig Kayak,’ akkulag.” Kayak Nug anam aakku atte.

Jeremaia 10:14

Danab ah oh ag kayak hambuppuak dottolkad noolagppa dup nona binalag metteb ele ag doyak dabmak ena ele iitta. Ao, keeke golppa hak danab ag kayak hambuppuak dottolkad bappaidtteb ele, ag uɗalag nekku. Aɗinu? Dottolkad ag hetteb ele, amuam keeke hamu. Ag kayak genab laa iitta. Dottolkad amu ag ulah eeɗnan, bau ii daatteb. Iitta.

Jeremaia 10:8

Amu oh ag kayak hambuppuak dottolkad adppa hak, ag amuppa ippunittak aotteb amunu, ag am kaaka. Ag dabmak tutukku iitta ele.