Rom 10:17 - Nobonob Baibel

¹⁷ Amunu ooppa genab doyaknu diig amu Nai Ena doyak, amu haen danab nug Kristusnu nai mehuqtte amu, danab ah ag nai Ena dootteb.

Rom 10:17 Referans Kwoze

Galesia 3:2

Keeke laippuib da ag oɗ madappi ag appeg doyei! Ag Kayak Ouɗi aoppig amu, ag attem hena Nug aoppig? Ag ɗo dim lamidna aoppigte? O iitta ag Nai Ena doona oolagppa genab dooppig, ag amuppate ag Kayak Ouɗi aoppig?

Galesia 3:5

Ib attenppa Kayak Nug nuhig Ouɗi ag matta, ag oolagppa kobol danab hekkunu elele iitta laala hette? Nug ag ɗonu uɗat hetteb, amuppa Nug anam hettetai? O iitta, Nug ag Nai Ena doon, ag oolagppa genab dooppig, ib amuppa anam hettetai? Ib laa iitta, Nug ooppa genab doyak aguppaib hette.

1 Tesalonaika 2:13

Ig ag amelagppa nai mehuqmut amu, ag wanppanu danab dilag nai bia ii aoppig. Iitta. Ag nai amunu, am Kayak nai, tutukku doonna aoppig amunu amu, ig haen oh Kayak amegppa keeke amunu ele, “Ena heme,” aot attem. Nai amunu amu ag oolagppa genab dootteb ele amu, nug ag oolagppa uɗat ɠagattag heehe, meu aakku bette.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Mak 4:24

Aria, Jesus Nug baula aum. “Ag aɗi dootteb amu, ag daulag human, tutukku doyeg! Ag lailkad dilagnu aɗi melemelppa keeke hetteb, ag melemel amuppaib geha keeke aoglag. Ag amu aona, ag baula ele tuɗittak aoglag.

Luk 8:21

Awa a amu, Jesus Nug aum. “Danab ah ag Kayaknu nai doon dim lamidtteb ele, ag am da anil, amalad ele,” awa aum.

Rom 1:16

Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.

Rom 10:14

Amge laa ag nuhignu oolagppa genab ii dootteb ele, ag attem hena, onigppa ekkulag? Amu laa ag nuhignu nai ii dooppig ele, ag attem hena, ag nuhignu oolagppa genab dooglag? Amu laa nug ag amelagppa ii mehuqeb amu, ag attem hena dooglag?

1 Pita 1:23

Aɗinu? Ag Kayak nai bauklel ele, nai amuam ii iitta mette, hanhan alet ele daatte, ag amuppa ag bau menuak aoeg, ag Kayak, Nug bau hanhan daatte, Nug ii mauhtte, ag Nug bekkod daatteb.

Luk 8:11

Jesus Nug anam ana amu, Nug nai baula tuɗitta aum. “Keeke danab ag dootteb ii dootteb ele ouaqaten ippuanatten mattimi amu, nuhig meu am inam. Ee aeg amu Kayaknu nai.

Revelesen 1:9

Da Jon, da ag lailag, da ag ele ig oh Jesus nuhigppa laippu daat, uug mua ele imu maottem. Da Kayaknu ɗo maɗoɗ ooppa, amunu uɗat haknu, ag ele daattem. Ig oh Jesus ig hekkunignu atte amu, ig nuhig ɠagattag aot daatta, ig tuɗidta, uug doyaya eɗittaknuib dabmak awak kobol dim lamidttem. Da Kayak nai mattimi da Jesus Kristusnu oolppa genab doottemnu ami, amunu ag da nud laa onig Patmos, amuppa meiɗppig.

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

Job 42:5

Gemu da imu doottem. Tatam amu, laa ag nahipnu aegeg, da daulppaib doomi. Gemu amu, da amelppa na anidmi.

Hibru 4:2

Aɗinu? Ig anukka Israel ag Nai Ena dooppig bia, ig ele doomut, amge ag am hamu bia doonna, ag oolagppa genab ii dooppig amunu, Nai Ena ag dooppig ele amu, ii ehanattom.

Jon 1:37

Nug anam a amu, ippunittak awak danab aɗit aa Jon nai aum, aa dooya, aa Jesus dim lamitteheh,