Rom 1:9 - Nobonob Baibel

⁹ Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

Rom 1:9 Referans Kwoze

Epesus 6:18

Ag hanhan Kayak Ouɗippa Kayak Nug ag ehanadkkunu unuqittak digdigppa attem attem Nug ag ehanadkkunu unuqidkkulag. Ag keeke amu dabmenana ag aib bodoedappig. Amu ele ag Kayaknu danab ah oppiaawak ele laa oh dilagnu ele hanhan unuqidkkulag.

2 Timoti 1:3

Timoti, da nahipnu Kayak amegppa, “Ena heme,” awe attem. Da mamelad aɗi ag Kayak waappa daan Nug oɗe dim lamidppig bia, da Kayak waappa daye Nug oɗe dim lamitten, beɗulppa aab iitta doyen, da tuqan, amun ele da nahipnu ele hanhan unuqidttem.

Rom 9:1

Da Kristusnu dayeye, da nai imu genabib madittem. Da ham-ii-bubuttem. Kayak Ouɗi Nug da oolppan oiyak ippunittaknu ulum gumeme, amuppa ele da ham-ii-bubuttem doottem.

1 Tesalonaika 5:17

Ag unuqittak haen oh henana dayeg!

2 Korint 1:23

Da hambuppualadttem dayeb amu, aria Kayak Nug dahil hambuppuak amu heeb miag atikkunu ool daatte. Amge iitta. Da nai genabib inam attem. Da ag uug madakkulnu ool ii dayom amunu, da haen gamagppa ahilagppa golom bia, da Korint appa ii gomi.

1 Tesalonaika 3:10

Amun tuqan ele Kayak Nug heeb, ig baula ag iɗulag anidta, ahilag ooppa genab doyaknu nai laala ii dooppig ele ippunadta apput dooglagnu oonig unuqagppanu unuqidttem.

1 Tesalonaika 1:2

O ig lainkad, ig ihinig unuqittakppa ag onilag diita unuqidtata, ig ahilag ooppa genab doyak amu he, ag kobol ena humana, ag oo mauhak kobolnu uɗat huanak hena, ag oolag ɠagattag qettan, ihinig Naɗi Jesus Kristus ameg metteb amu, ig amunu dabmeta, ig Mamenig Kayak amegppa akkunignu bahi yaak ii doota, Nug amegppa hanhan, “Ena heme,” aot attem.

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Pilipai 1:4

Da ag oh, ahilagnu unuqittette, da hanhan maɗoɗppan gamag ahak doyeye unuqidttem.

Aposel 27:23

Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Aposel 19:21

Keeke amu oh ba ukka malom, dimppa Kayak Ouɗi Nug Pol dabmak mette, Pol nug aha, Makedonia Akaia ele ukkowa, dimppa nug Jerusalem gokkunu dabmeum. Dabma amu nug aum. “Da Jerusalem appa ukkoya, dimppa amu da ukken aab okkai onig Rom ele gokkuloitte,” awa aum.

1 Timoti 2:7

Diig amunu amu, Kayak Nug da nai mehuqak danab, totol danab ele meiɗom. Da nai yaattem imuam genabib yaattem, da ham-ii-bubuttem. Nug da iitta aɗi dilag, ag ele Jesusnu oolagppa genab dooglagnu, ippunittak danab meiɗom.

Pilipai 2:22

Amge ag dootteb, Timoti nug am danab enanag. Nug am nid mameg ele uɗat hettep, amubia nug da ele Nai Ena mehuqak uɗat heuɗ ukkom.

Galesia 1:20

Nai imu gemu da ahilagnu yaattem amu, da Kayak noobppa nai genab attem, da ag ii buppualadttem.

2 Korint 11:31

Kayak, Naɗi Jesus Mameg, ig Nugib haen oh binag mekkunig amu, Nug dootte, da ham-ii-bubuttem.

Aposel 24:14

Amge da nai laippu imu ag amunu genab appig amu da appi dookkut. Da huu laa, Juda ag huu amunu, ‘Ena iitta,’ aon atteb, huu amu ib ippunigtte amu, da ib amu dim lamidttem. Da ib amu dim lamitte, ig mamelkad aɗi dilag Kayak amu da Nug noobppa dup noin binag meinne, ɗo nai niitte, amu propet dilag yaak amu oh ele oolppa genab doottem.

Aposel 12:5

Anam amunu, Pita nug maniguittak ooppa dayeye, Kristen tamaniakppanu danab ah ag nuhignu oolag unuqagppanu Kayak unuqidppig.

Aposel 3:26

Anam amunu Israel danab, Kayak Nug heeb, ag oh anen anen ag hak nau ahilag uun, Nug dim lamidkkulagnu itittak amu madakkunu, Kayak Nug nuhig maɗi nid otia, ahilagppa tatam me uɗiom,” awa aum.

Luk 18:1

Amu Jesus Nug keeke danab ag dootteb ii dootteb ele ouaqata ippuanatta, ag haen oh unuqidkkulagnu, ag bahilag yaamanu ele amelagppa aum.

Mak 1:1

Kayak Bekka Jesus Kristusnu Nai Ena am inam niitte.

Job 16:19

Da aɗi heminu nai am gemu, geha iikku hab aabppa daatte. Ao, dahilnu nai Kayak amegppa hab attan daatte.

1 Samuel 12:23

Amge dahilnu amu, Yawe da unuqittakppa ag ehanadkkulnu uɗat meɗom amunu, da uɗat amu uuen, nuhigppa hipunin hepanu amu, da Nug ahilagnu unuqidkkulnu iinab uupa. Iitta. Da amu heinne, da ag ib ena, ib tutukku ele tuɗitten ippunadkkul.

Pilemon 1:4

⌊O layal Pilemon,⌋ haen da unuqidttem amu, da haen oh nahipnu unuqittette, nahipnu ele Kayak amegppa, “Ena heme,” awe attem.

Pilipai 1:3

Da hanhan ahilagnu dabmein, dahil Kayak amegppa, “Ena heme,” awe attem.