Rom 1:7 - Nobonob Baibel

⁷ Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Rom 1:7 Referans Kwoze

Kolosi 1:2

i uɗug imu ag danab ah Kolosi daatteb, i laintad, ag Kayaknu danab ah oppiaawak ele, ag Kristusnu daaglagnu oo metta ii uuak kobol dim lamidtteb, i ahilagnu yaattep. Ig Mamenig Kayak, nuhig ehanittak okkai hamu mettak, amu nuhig maɗoɗ ele ahilagppa daaglahnu oonih daatte.

Epesus 1:2

Am ig Mamenig Kayak, amu Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

1 Tesalonaika 1:1

Da Pol, Silas, Timoti ele ig nai imu Tesalonaika tamaniak, ag Mame Kayak, am ihinig Naɗi Jesus Kristus ele ouqak daatteb amu, ig ahilagnu iikku yaattem. Kayaknu ehanittak okkai hamu mettak, amu nuhig maɗoɗ ele ahilagppa daaglahnu oonig daatte.

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

2 Jon 1:3

Anam amu, ig Mamenig Kayak, Nug Bekka Jesus Kristus ele, aa doyak diig genabib, oo mauhak kobol ele dim lamidya, aa ehanittak okkai hamu mettak, oo gai-iitta doya oo metta ehanittak, amu maɗoɗ ele ig mekkaglah.

Pilemon 1:3

Ig Mamenig Kayak, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu oonih daatte.

2 Tesalonaika 3:18

Naɗi Jesus Kristusnu ehanittak okkai hamu mettak, ag oh ahilagppa dayaɗ!

2 Tesalonaika 3:16

Naɗi Nug maɗoɗ kobolnu diig, Nug nukka ag hanhan, keeke ohppa, maɗoɗ madakkunu oonig daatte. Naɗi Nug ag oh ele dayeg!.

Revelesen 22:21

Naɗi Jesus Kristusnu ehanittak okkai hamu mettak, ag Kayaknu danab oh, ahilagppa dayaɗ! Genab.

Pilemon 1:25

Naɗi Jesus Kristusnu ehanittak okkai hamu mettak nahip-ppa dayaɗ!

1 Jon 3:1

Ag imu doyeg! Mame Nug ihinignu oo huanaknab mauhtte, amu diig amunu Nug ihinignu, “Da bekkalad,” atte. Amu ig genab Nug bekkod daattem. Wanppan danab ag ii dooigtteb. Aɗinu? Ag Kayak ii dootteb.

1 Pita 1:15

Iitta. Kayak Nug ag onilagppa eum, Nug oppiaawak daatte, amubia ag keeke aɗi hetteb, ag oppiaawak daanna heig!

Taitus 1:4

O Taitus, i oh ooppa genab doyak laippu aɗattep, ooppa genab doyak amuppa na da bekkalnab daattem amu, da nahipnu iikku yaattem. Mame Kayak, amu ihinig Eɗua Awikkak Danab Jesus Kristus ele, ahilah ehanittak okkai hamu mettak, amu ahilah maɗoɗ ele nahip-ppa daaglahnu ool daatte.

2 Timoti 4:22

Naɗi Nug, amu nuhig ehanittak okkai hamu mettak ele nahip-ppa dayeɗ!

2 Timoti 1:2

amu, da na Timoti, da nahipnu nai imu yaattem. Nahipnu amu da bekkalnab doyeye, ool ele mauhtte. Mame Kayak, amu Kristus Jesus, ihinig Naɗi ele, aa ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

1 Timoti 1:2

Amu da na Timoti, na Jesusnu ooppa genab doyakppa da bekkalnab daattem, da nahipnu uɗug imu iikku yaattem. Mame Kayak, amu Kristus Jesus, ihinig Naɗi, Nug ele, ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

1 Tesalonaika 5:28

Ihinig Naɗi Jesus Kristusnu ehanittak okkai hamu mettak ahilagppa dayaɗ!

1 Tesalonaika 4:7

Aɗinu? Kayak Nug ig dubuttid ele oignignu ig oninigppa ii eum. Iitta. Dubuttid iitta, oppiaawak oignignu eum.

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

Pilipai 4:23

Naɗi Jesus Kristusnu ehanittak okkai hamu mettak ahilagppa dayaɗ!

Pilipai 4:20

Kayak, ig Mamenig amu, binag amahlak oppiaawak ele nuhigppa hanhan alet ele dayaɗ! Genab.

Epesus 6:23

Mame Kayak, Naɗi Jesus Kristus ele aa maɗoɗ, oo mauhak, amu ooppa genab doyak ele Kristen tamaniak danab ah oh madapeɗ daaglagnu ool daatte.

Galesia 6:18

O lailad, ihinig Naɗi Jesus Kristusnu ehanittak okkai hamu mettak ahilagppa dayaɗ! Genab!

1 Korint 16:23

Naɗi Jesusnu ehanittak okkai hamu megatte ele amu ahilagppa dayaɗ!

Rom 9:25

Amuam Kayak naippa, nai laa Hosea yom, nai amu daatte amubia. Nai amuam inam. “Da laa ag danab ah dahilad iitta, da ahilagnu ‘Dahilad danab ah,’ akkul. Da laa ag danab da ahilagnu ool ii mauhom ele, da ahilagnu ‘Laa da ahilagnu ool mauhtte,’ akkul.”

Rom 5:1

Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem.

Aposel 15:23

ag uɗug yaak ele aoya gokkulahnu eppelahppa meppig. Uɗugppa yaappig am inam. “O iitta aɗi lainkad Antiok, Siria amu Silisia ele daatteb, ig Kristen tamaniaknu totol danab, ikki danab ele, ig ag lailkad daattem amu, ig pas imu ag ebqena dooglagnu iikku yaattem. O lainkad ig ag humadttem.

Kolosi 3:15

Kayak Nug ag tamaniak laippu maɗoɗ ele daaglagnu ag onilagppa eum amunu, Kristusnu maɗoɗ, Nug ig megatte ele, maɗoɗ amu nug hanhan ag oolag gumebeb oiyeg! Amu ag hanhan Kayak amegppa, “Ena hen megattem,” aon aig!

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Rom 8:39

o iitta aɗi keeke wan imu attannu, o iitta aɗi keeke wan imu honapnu, amu oh oolagppanu laippu laa nug ig Kayaknu oo mauhakppa daattem imuppanu iinab matakkigkkunu elele iinab daama. Genab, aɗi ohnab Kayak heum daatteb ele, amu oh oolagppa aɗi laippu laa nug Kayaknu oo mauhak, Nug Kristus Jesus, ihinig Naɗi, Nug nuhig mauhakppa amu ippunikkom ele amu, keeke laa oo mauhak nuhig amu ooppanu matakkigkkunu elele iinab daama!

Rom 1:6

Amu ag Jesus Kristusnu danab ag Rom daatteb ele amu, ag ele am Jesus Kristusnu ewak baag doon dim lamidtteb.

Revelesen 2:1

Nug anam ana, Nug nai tuɗitta Jon amegppa aum. “Na nai da attem imu Epesus Kristen tamaniaknu ikki danab, nuhignu inam ye! Nai imu, laa Nug hoɗoppai eblaih aɗit ele eppeg naɗiap-ppa aɗalattatta, lam maknu balal eblaih aɗit ele oolagppa oitte amu, nuhigppanu uɗitte.

Jems 1:1

Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

Sam 60:5

Ig, na ihinignu oot mauhtte ele amu, ig kekeɗ eppelagppa ii daamtanu, na nahip ɠagattag okkai amuppa ig ehanigppe qagaiettakppa ii daamtanu oɗ medattem.

Duteronomi 33:12

Moses nug Lewi buɗubnu anam awowa, nug Israel dilag huu okkai Benyamin dilag imu aum. “Yawe, Nug Benyamin danab ah dilagnu oo mauhtte. Ag nuhigppa baɗak iittappa daatteb. Aɗinu? Nug deɗ oh amun tuqan ele ag taliliatta daatte. Ao, Nug ag guittak aomnanu, ag aɗualatta dayaya, tuɗid ele dabmadatte,” awa aum.

Revelesen 3:22

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Revelesen 3:14

Nug anam ana, Nug nai tuɗitta aum. “Na nai da attem imu Laodisia Kristen tamaniaknu ikki danab, nuhignu inam ye! Nai imu, laa Nug nuhigppa Kayaknu mattiak tutukku daatte, Nug oo metta ii uuak kobol dim lamitta, Nug laa aɗi heehe anttomnu mattiak danab dayaya, nai genabib maditte, Kayak keeke hattom amu ele Nug atognoadtte, amu nuhigppan uɗitte.

Revelesen 3:7

Nug anam ana, Nug nai tuɗitta aum. “Na nai da attem imu Piladelpia Kristen tamaniaknu ikki danab, nuhignu inam ye! Nai imu, laa Nug oppiaawak ele, Nug kobol genabnu diig, Nug Dawitnu ki aɗa, Nug od matultte amu, laa nug manakkunu elele iitta, od Nug maitte amu, laa nug matulkkunu elele iitta, nuhigppan uɗitte.

Revelesen 2:29

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Revelesen 2:18

Nug anam ana, Nug nai tuɗitta aum. “Na nai da attem imu Taiataira Kristen tamaniaknu ikki danab, nuhignu inam ye! Nai imuam Kayak Bekkanu uɗitte, Nug ameg aab diditte bia, Nug baeg amu bras bia amahaltte.

Revelesen 2:12

Nug anam ana, Nug nai tuɗitta aum. “Na nai da attem imu Pergamum Kristen tamaniaknu ikki danab, nuhignu inam ye! Nai imu laa Nug qep elab aeg laih laih oh ele amu, nuhigppan uɗitte.

Revelesen 2:8

Nug anam ana, Nug nai tuɗitta aum. “Na nai da attem imu Smerna Kristen tamaniaknu ikki danab, nuhignu inam ye! Nai imu, laa Nug hanhan daatte; anuqakppa, batakppa ele Nug daatte, anukka Nug mauhom, amge Nug gemu bau daatte, nuhigppan uɗitte.

1 Timoti 6:2

Begbeg maɗi nid ag Kristen daatteb, ahilkad okkai ag ele Kristen daatteb dayeb amu, ag oh eamakkud daatteb bia, diig amunu ag begbeg maɗi nid ag ahilkad okkainu ena elele doyak uun, ii hemananu aib heppig. Iitta. Ag anen anen ahilag uɗatppa ag laa Jesusnu ooppa genab dootte, Jesus nuhignu oo mauhtte ele, ag nug ehanidtteb amunu, ag uɗat elelenab hekkulagnu daatteb. Na ag anam ippunadna, dabmak maɗettaknu nai a!

Solomonnu Ahi 5:1

O ah dahil, na dahil ah daakkutnu awidmi. Da dahil dadppa iikku bemi; dad dahil imuppa amu, da keeke muttuɗig enanag mir, spais digdig ele aomi. Da ippa uppuh leppu ataɗa nette, uppuh leppu teɗppanu ele lainne; da wain, huh ele lami. O ig lainti, aa ee, le ele laiɗ! Ao, danab le elelenab lanana, elele dootte, amubia aa nug oo mauhak doottep ele, aa lapeɗ, eleleppa taɗ!

Namba 6:25

am Nug ag ele daan, Nug ahilagnu oo bodoette, keeke ahilagppa hette amu, nug enanag, maɗoɗ ele hekkunu,

Aposel 9:13

Naɗi Nug Ananias amegppa anam aum amu Ananias nug eɗua inam aum. “Naɗi, danab kuɗum ag danab amunu aeg doomi. Nug kobol ena iitta haaha, nahipad danab ah oppiaawak ele Jerusalem daatteb ele eheɗ hattom.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

1 Korint 1:24

Juda, amu Grik danab ele ag anam hetteb, amge ig danab, Kayak Nug oninigppa ette doottem ele amu, ig Juda danabte, o Grik danabte, amuam keeke hamu, ig doottem; Kristus Nug am Kayaknu ɠagattag, amu Kayaknu doyak dabmak ena ele.

Pilipai 1:2

Kayak ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa hanhan daaglahnu oonih daatte.

1 Tesalonaika 1:4

O lailad, Kayak ahilagnu oo mauhtte ele, Nug ag nuhikkudnab tituanattom amu, ig amu doottem.

2 Tesalonaika 1:2

Mama Kayak, amu Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu oonig daatte.