Rom 1:24 - Nobonob Baibel

²⁴ Ag anam heppig, amunu Kayak Nug uuatte, ahilag dabmak nau amuib dim lamittegeg, kobol nau ag eeɗatteg, ag akka akka ag beɗulkadppa gappai kobol nau hena, dubuttid tak daappig.

Rom 1:24 Referans Kwoze

Aposel 7:42

Ag anam heeg, Kayak Nug heqo matta, ‘Ag eheɗ hekkulagnu oolag dayeb amu uuadpput heig!’ awa aum, amu ag aam, kalam, hoɗoppai ele noolagppa dup nona binalag menana, propet naippa, nai daatte bia heppig. Nai amuam inam. ‘O Israel danab ah, ag atu taɗakppa maɗ 40 oinna, ag ⌊oolag genab meɗan, da ool hette bia⌋ ofa iɗu iɗu meɗappigte. Iitta!

Aposel 14:16

Anukka, Kayak Nug danab ah buɗub ohnu ag ib digdig gokkulagnu aib ii aum

Matyu 15:14

Amubia amu ɗo gumak danab-Parasia, ahilag ippunittak am iitta mekku amunu, ag ahilagnu aib uug aqom. Ɗo gumak danab-Parasia ag danab ah omaladtteb, amge ag amelag gaɗuom. Am ameg gaɗuak laa, nug laa, nug ele ameg gaɗuak ele, nug ib ippunitteb amu, aa oh moɗppa neya qekkulah,” awa aum.

Lewitikas 18:22

Ag aib danab danab ele gappai aoppig. Kayak nug hipunin amunu ooppa uuaknab dootte.

1 Tesalonaika 4:4

ag ewau matulak kobol tutukku oppiaawak ele doon autna aona hekkulagnu,

1 Korint 6:18

Ag gappai kobol uun qe-eɗidna oolna ukkeg! Aɗinu? Ag “Hipunin aɗitai danab hette, amuam beɗu dimittimnu keeke,” atteb, amge iitta! Laa gappai hette ele amu, hipunin amuam nug beɗu uug medatte.

1 Korint 6:13

Ee nug ig oonignu daatte, ig oonig nug ee aokkun daatte, amge aa oh am gemunuib. Kayak heeb, aa oh iitta mekkulah. Aria, ee nug ig oonignu daatte, ig oonig ee aokkunu daatte, amge ig beɗunig amu, ig amuppa gappai hekkunignu ii daatte. Iitta. Ig beɗunig am Naɗinu keeke, amu Naɗi Nug ig beɗunig atognotte.

Rom 6:12

Ag anam oiglagnu daatte amunu, ag heppeg, hipunin nug ag beɗulkad mauhtteb ele dilag okkai aib dayom. Hipunin nug ag beɗulkad dilag okkai daakku dayeb, ag beɗulkadnu eeɗak nau dim lamidna, eheɗ hekkulag, amge ag anam aib heppig.

Epesus 2:3

Ig oh anamib anukka daamut, amu haen amuppa ig dabmak geha iikkunu aakkuib dim lamidmut. Ig beɗunig, amu ihinig dabmak ena iitta ele, aa aɗi apiɗ ig hettamut amunu, ig danab laa oh ele amuppa Kayaknu oppoɗi bak ig iqakkunu elele daattamut.