Rom 1:13 - Nobonob Baibel

¹³ O lailad, da ag imu doon autna aoglagnu ool daatte. Haen kuɗum da uɗat dahilppa, da iitta aɗi danab laala ehanatti, ag ele Kayak baekkudppa daatteb, amubia da ag Rom daatteb, ag ele ehanadkkulnu ool dayom amunu, da ahilagppa gokkulnu dabmemi, amge haen oh keeke laa nug da ippul oo neum.

Rom 1:13 Referans Kwoze

Aposel 19:21

Keeke amu oh ba ukka malom, dimppa Kayak Ouɗi Nug Pol dabmak mette, Pol nug aha, Makedonia Akaia ele ukkowa, dimppa nug Jerusalem gokkunu dabmeum. Dabma amu nug aum. “Da Jerusalem appa ukkoya, dimppa amu da ukken aab okkai onig Rom ele gokkuloitte,” awa aum.

Pilipai 4:17

Amu da keeke ahilagppanu aokkulnu ii attem. Iitta. Da ahilagppa kobol ena naɗi dayebeb, ag Kayak noobppa onig ena aoglagnu ool daatte.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

1 Tesalonaika 4:13

O ig lainkad, ag danab ah mauhppig, ag amu dilagnu amu ootot daaglagnu, ag danab laa ag Kayaknu oolagppa genab ii dootteb ele, ag eɗua hibaittaknu deɗ ameg ii metteb ele, ag mauhaknu gaatteb, amubia gaaglagnu ele amu, ig oonig ii daatte.

1 Tesalonaika 2:18

Amunu amu ig ag gumadta gokkunignu hemut. Da Pol, da dakka, da ib mein mein anidmi, amge Satan nug ihinig ib oo neum.

2 Korint 1:8

O lailad, ag imu dooglagnu oonig daatte. Asia taliliakppa ihinigppa uug beppig amu, uug amu okkainab, ig tonikka, ɠagattag ihinig oh eɗittom. Ig anam anidta, dabmak ihinigppa amu ig, “Geha ig mauhkkunig,” anam doomut.

1 Korint 12:1

Aria, keeke laa imu ele iikku yaakkulnu hettem. O lailad, Kayak Ouɗinu ɗo hamu mettak Nug megatte amu, da ag amunu oolag maidkkunu ool daatte.

1 Korint 10:1

O lailad, ig alankad ag keeke anidppig ele amu, da ag amunu dabmenana oiglagnu ool daatte. Ig alankad aɗi ag lombig waappa oinna, ag baelagppa Le Kokoɗ mataɗppig.

Kolosi 1:6

Nai Ena wan atu ohppa ukke, danab ag doonna heeg, naɗi ma amu kobol ena, doyak digdig ena ele danab kuɗum ag aakku aon hetteb. Anamib aakku ahilagppa digmeum, deɗ amuppa Nai Ena amu nug he, ag aon, ag Kayaknu ehanittak okkai hamu megatte ele diig genab doon, ag kobol ena, dabmak ena ele aɗan oitteb.

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Jon 4:36

Am laa nug meu aotte amu, nug nuhig uɗat nob awawa, nug danab laala bauklel hanhannu aoglagnu ehanadtte. Ehanadtte amunu, ee eppak danab, amu meu awak danab ele aa oh oolah gamag ahakku.

2 Tesalonaika 2:7

Ɗo ii dim lamittak kobol amu gemu uɗia lokkumak haaha daatte, amge ɗo ii dim lamittak kobol okkai memanu, laa nug ib oo nette ele amu, nug anam heebeb ukkeb, laa nug heeb, ib oo nak amu iitta meeb amu, ɗo tappe nak kobol am okkai mekku.

2 Korint 2:14

Am gemu da Kayak amegppa, “Ena heme,” awe attem. Nug ig ehanikkekke, ig Kristusnu ɠagattagppa ban eɗidtata, Kayak nai mehuqutut, danab ag aakku Kristusnu dootteb. Doyak amuam muttuɗig enanag aben ohppa gotte, amubia hette.

1 Korint 9:2

Am danab laala ag dahilnu, “Nug am totol danab iitta,” doottebtai o iittatai, da ii doottem, amge ag Korint daatteb ele, ag am anam dooglagnu elele iitta. Aɗinu? Da nai mattiyi, ag Jesusnu oolagppa genab dooppig amunu, da genab totol danab daattem doyaknu, ag amunu am epponak keeke bia daatteb.

Aposel 21:19

Pol nug ag humattowa, nug keeke oh Kayak Nug iitta aɗi oolagppa nuhigppa uɗat heum, nug amunu oh amelagppa mattiom.

Aposel 15:12

Pita nug nai amu anam mattieye, ag qagmak amuppa daappig ele, ag nai laa ii madippig. Ag nai ii mattieg amu Pol, Barnabas ele aa nai mattieheh, amuib dabmettaegeg, aa Kayak Nug aa eppelahppa Kayak dabmettaknu kobol danab haknu elele iitta kuɗum, digdig ele, iitta aɗi oolagppa heum amunu madipiɗ.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Jon 12:24

Genabnab genab da ag amelagppa attem. Wit aeg nug qaɗu bekkunu wanppa ii na qekku, aeg nug ele ii nauhkku amu, aeg nug aakkuib daatte, amge nug wanppa na qa nauhkku dayeb amu, nug bau ba, meu huanak otte.

Aisaia 27:6

Amu qinob dimppa, haen laappa ⌊Yawe Nug heeb⌋, Jakop buɗub ag ad diɗi wanppa noum daatte bia daaglag. Ao, Israel danab ah ag am ad haɗag qa, meu metta, meu huanak otte, ag amubia daaglag. Amu haen amuppa Israel ag anam daappeg, ahilag meu ena wan oh tonadkku.

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

Aposel 28:14

Aab amuppa am ig Kristen laala anattut, ig deɗ eblaih aɗit ag ele dayota, ig ahat Rom tekkunignu ⌊baenigppa⌋ gomut.

Rom 1:12

Da inam dabmettem. Ahilag ooppa genab doyak da ehaniɗeb, amu dahil ooppa genab doyak ag ehanadkkunu ool daatte. Anam dayeb amu ig oh oo ɠagattag qak aognig.

Rom 7:1

O lailad, ag ɗo nai dootteb amunu, ag ɗo nug danab bau daatte, haen amuppa aakkuib nug danab amu tonatte ele dootteb.

1 Korint 1:10

O lailad, da Naɗi Jesus Kristus onigppa ag unuqadttem, ag obatak obatak daamnanu ag oolag laippu dayeg! Ag dabmak laippu, aɗi haknu laippu ele daaglagnu ag oolag laippunab dayeg!

1 Korint 14:20

O lailad ag dabmaknu amu, ag nid naunau, dabmak tutuib aon oitteb, amubia ag aib oippig, amge ag hipuninnu amu, ag nid yuɗ, hipunin doonna ii hetteb, amubia ag hipunin aib heppig. Ag danab okkai dilag dabmak aon oiyeg!

1 Korint 14:26

Anam daatte amunu O lailad, ag ahi ettaglagnu qagmena, ag attemtai hekkulag? Ag inam hekkulag. Haen ag oh qagmetteb, laa nug ahiettak laa edakku, laa nug ɠagattag aqaknu nai ippuanadkku, laa nug Kayak nai ippunittom amu mehuqkku, laa nug nai laappa nai madikku, am laa nug nai amu eɗukku. Ag keeke amu oh anam hekkulag, amge ag keeke oh Kristen tamaniak ɠagattag qekkunu heig!

Galesia 3:15

O lailad, gemu da ig danab ihinig kobol daatte amuppanu da antte oo maittak nai laa attem. Danab laa nug geha dimppa mauhkku amu, nug amunu dabma, nug enub oh bekkod aoglagnu nug nuhig dabmakppa elele otia, anen anen aɗi aoglagnu nug tituana nai qakkaknu uɗugppa yeeb, danab laa ele nai amu antta onig yeeb amu, danab laa nug nai amu ii qeeb nema; o laa nug nai amu baolia nai laa ii tuɗidma.

Galesia 6:18

O lailad, ihinig Naɗi Jesus Kristusnu ehanittak okkai hamu mettak ahilagppa dayaɗ! Genab!

Pilipai 1:22

Da bau daakkul dayeb amu, da geha danab kuɗumnab ehanadkkul, amge da mauhkkul dayeb amu, da Kristus ele, Nug daatteppa ouqeɗa daagnih amunu, da aɗi ib dim lamidkkulnu am ena amu, da ii doottem; ib aɗit oh am ena.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.