Revelesen 8:1 - Nobonob Baibel

¹ Aria, Sipsip Nag buk itoɗiak qataqak ebqak 7 tolom. Tole amu hab aabnu keeke oh toettak, oqotti iitta, nakok haen elab, aua maha, anam dayom.

Revelesen 8:1 Referans Kwoze

Sekaraia 2:13

O danab ah oh ag Yawe noobppa toettan daan, bakkum dayeg! Aɗinu? Nug hab aab, amuam aab oppiaawak ele, Nug appanu uɗitte.

Habakuk 2:20

Kayak hambuppuak ag anam daatteb, amge Yawe Nug nuhig mettid lag nuhignu tituanak daatte, Nug appa daatte. Wan atu ohppan danab ah ag Nug noobppa toettan dayeg!

Revelesen 6:1

Keeke amu oh dimppa da Sipsip Nag nug buk itoɗiak qataqak eblaih aɗit ele amu, Nug digma qataqak ebqak 1 tole anidmi. Tole amu da hab daup waɗele Kayaknu bauklel aotteb ele, ag oolagppanu laippu laa nug hakkaɗ oqotti biappa inam a doomi. “Na do!”

Sam 62:1

Da Kayak, nuhignuib oolppa maɗoɗ doottem. Ao, Nugib am Padal ii maknu ehanittak dahil daatte.

Job 4:16

Ouɗi ugakka, baeg ya dayom, amge da neekki ukke, pehettak anidkkulnu elele iitta daami. Ao, keeke dottog miag atiak iitta bia aakkuib andette dayeye, da baag doomi, amge baag am nakoknab, otiptip-ppa mattiom.

Revelesen 6:12

Kayak Nug anam he amu, Sipsip Nag Nug buk itoɗiakppa qataqak ebqak 6 tolele anidmi. Tole, mim okkai wanppa neum. Aam gatatu mane, wan gatatu manom. Gatatu mane amu kalam nug kokoɗ, tiig bia, dayom.

Revelesen 6:9

Amu Sipsip Nag Nug buk itoɗiak qataqak ebqak 5 tolom. Tole amu qaɗab waappa danab ah Kayak nainu oolagppa genab doona, mehuqppig ele amunu, laa ag aqaeg mauhppig ele amu, da ag dottolkad anadmi.

Revelesen 5:1

Laa Nug sia king ⌊anuqak,⌋ appa dayom ele amu, Nug eppeg naɗiap-ppa buk itoɗiak laa anidmi. Buk amu ooppa, dimugppa ele oh yaak ele, amu buk amuam qataqak eblaih aɗit ele.

Revelesen 6:7

Anam a amu, aria Sipsip Nag qataqak ebqak 4 tolom. Tole amu hab daup waɗele Kayaknu bauklel aotteb ele, ag oolagppa ebqak 4 nug inam a doomi, “Na do!”

Revelesen 6:5

Mettaeg amu Sipsip Nag Nug qataqak ebqak 3 tolom. Tole amu hab daup waɗele Kayaknu bauklel aotteb ele, ag oolagppa laa nug inam a doomi. “Na do!” Nug anam a amu da neekki ukke, hos hinqak anidmi. Danab hos amu attan dayom, nug eppegppa skel aɗom.

Revelesen 6:3

Ukke amu Sipsip Nag Nug qataqak ebqak 2 tolom. Tole amu da hab daup waɗele Kayaknu bauklel aotteb ele, ag oolagppanu ebqak 2 nug inam a doomi. “Na do!”

Sam 37:7

Na Yawe noobppa dagom daappe, Nug nuhig uɗat hekkunu na oot bodoettak ele Nug ameg mee! ⌊Hipunin⌋ danab ag enulag ele daaglagtai, amge na amunu, “Attemnab anam daatte,” na dabmak amu tuqa ii awak aib aɗan oime. ⌊Hipunin⌋ danab ag eheɗ hekkulagnu lokkumakppa doonna, maittak eheɗ aon, ag anam hekkulagtai, amge na amunu ele, na, “Attemnab anam daatte,” na dabmak amu tuqa ii awak aib aɗan oime.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Matyu 27:66

Nug anam a, ag gona, hag maknu epponak keeke laa menppa mewona, ban danab laa maatteg, moɗ amu guman daappig.