Revelesen 4:1 - Nobonob Baibel

¹ Keeke amu oh dimppa da neekke, hab aabppa od matulak dayeye anidmi. Da baag tatam trampet oqotti bia doomi amu, da baula dooiyi amu aum. “Na inam beppe, da keeke dimppa bekkuoitte ele ippunidppi antte!” awa aum.

Revelesen 4:1 Referans Kwoze

Revelesen 11:12

Baɗaeg amu, laa aɗi heehe anttomnu mattiak danab aɗit amu aa hab aabnu baag laa nug baag okkaippa inam ewa a doopiɗ. “Aa attan ippa beiɗ!” Ana male amu aa lombigppa hab aabppa tepiɗ. Teeheh, ahilag kekeɗ amu ag aa teeheh anatppig.

Eksodas 24:12

Amu dimppa, Yawe Nug Moses amegppa aum. “Na qaukoppa bena, da gumuiɗna uɗin daappe, da ɗo men maha aɗit laappa yaami, ɗo amuam danab ah ulum madatte amu, geha da na men maha aɗit amu medakkul,” awa aum.

Revelesen 1:19

Amunu keeke na anidme, keeke gemu daatteb, amu keeke aɗi dimppa bekkulagnu ele amu oh buk itoɗiakppa ye!

Revelesen 1:10

Mettidppa amu Kayak Ouɗinu ɠagattag dahilppa ambe, da baag okkai laa trampet oqotti bia da dimulppa mattieye doomi.

Mak 1:10

Laaitta male, Jesus Nug leppanu beebe, hab obate, Kayak Ouɗi Nug uppuɗil beɗulag nakok laabia naana, nuhigppa dayeye anttom.

Revelesen 22:6

Amu engel nug baula da amelppa aum. “Nai imuam genabnab, danab ah oh ag oolagppa genab dooglagnu elele. Naɗi Kayak, Nug propet nuhikkud gumadtte ele amu, Nug nuhig engel me, keeke oh paha bekkulagnu daatte amu nuhikkud maɗi nid ippunadkkunu uɗiom,” awa aum.

Revelesen 16:17

Aria, engel ebqak 7 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, ulahppa ukke amu baag okkainab laa Kayaknu sia king, Kayaknu mettid lag ooppa dayom ele amu, aben amuppanu huanaknab e, ewak baag dimittim doum. Nug aum. “Iikku malom!”

Aposel 7:56

Antta, Stiven nug aum. “Antteg! Da hab aab obate, Danab Bekkalag Nug Kayak eppeg naɗiap-ppa hibaitta dayeye anidttem,” awa aum.

Jon 16:13

Amge Kayak Ouɗi, doyak diig genabib diig, haen Nug na, Nug keeke oh doyak diig genabibppanu ippunadkku. Nug nukka nuhig dabmakppa ii mattima. Iitta. Nug aɗi doyom aakkuib madikku. Aɗi aɗi dimppa bekku, amu ele ippunadkku.

Luk 3:21

Amge Jon maniguittakppa ii dayom haenppa danab oh ag layattak aoegeg, Jesus ele layattak awom. Nug layattak awa malowa, Nug unuqittette, hab obate,

Eksodas 19:24

Moses nug anam a amu, Yawe Nug eɗua nob ma inam aum. “⌊Iitta!⌋ Na nona appe dooppeg, amu na Aron aoppe, aa oh ippa bekkulah, amge mana mettak danab, am danab ah ele, ag tom iinab letamna. Ag anam hekkulag amu, geha da ag eheɗ nau madakkul,” awa aum.

Aposel 10:11

hab obate, keeke laa ne anttom. Keeke amu lamen okkai laa bia, muɗi waɗele daug waɗeleppa qakkak dayeye, paɗaeg wanppa neum.

Matyu 3:16

Jesus layattak awa malowa, Nug leppanu beum. Amu haen amuppanab hab obata mette, Kayak Ouɗi Nug uppuɗil beɗulag nakok laabia naana, Nug qaɗeppa dayeye anttom.

Eksodas 1:1

⌊Aria Israel, onig laa Jakop, nug bekkod ele ag Isip gona daappig, ag, amu ag buɗulkad ele dilag kaya am inam⌋. Jakop bekkod ag Jakop ele oh Isip goppig amu, ag onilag am inam. Ruben, Simeon, Lewi, Juda, Isakar, Seblon, Benyamin, Dan, Naptali, Gad, amu Aser ele. Jakop nug bekkod baelkadppa ele oh Isip goppig.

Esekiel 1:1

Jehoiakin nug Juda dilag king daya, eheɗ he, Babilon dilag king Nebukatnesar, nuhikkud daup ele ag gona, Juda eɗadna, Nebukatnesar nug Jehoiakin awa, nug awa ukka laih me dayak danab daakkunu Babilon uɗie dayeye, maɗ waɗele uue, maɗ tanig elenu kalam tanig eleppa Kayak Nug digma, tulegleg imu Esekiel ippunitte anttom. Esekiel nug am Busi bekka, Nug am mana mettak danab. Am nug Babilon wanppa le Kebar daugppa dayeye, Kayak Nug he, nug tulegleg antta, Yawenu nai doyom. Appa Yawe Nug Esekiel, uɗat nuhig hekkunu aɗom. Amunu nai imuam Propet Esekielnu nai. Da Esekiel, da maɗ 30 ele daye, maɗ amuppa kalam waɗele, deɗ tanig eleppa da kekeɗ heeg, Israel danab ah ag Babilon wanppa le Kebar daugppa diia ukka laih me dayak danab ah daappig, da ag oolagppa daaiyi, Kayak hab matule, da digmein, tulegleg laala Kayak ippuniɗeɗe anadmi.

Revelesen 1:12

Nug anam aawo, da danab nai amelppa aum ele anidkkulnu eɗuen neegmi. Da eɗuen amu lam maknu balal golppa hak eblaih aɗit ele daaegeg anadmi.

Revelesen 11:19

Ag anam aeg amu, Kayaknu mettid lag, hab aabppa daatte ele, laa nug od matule, tituanak nainu kunup amu miag atiom. Miag atie amu, amemɗi awewe, hakkaɗ diigppa qeeqe, hakkaɗ qa aɗeɗe ne, mim ne, ais doɗo okkainab ele neum.

Revelesen 19:11

Nug anam a amu, hab obate, da hos hakkab laa dayeye anidmi. Laa Nug hos amu attan dayom amu, Nug onig am, Oo Metta ii Uua, Genab Hak. Laa amu Nug nai doya mala hettoɗia epeɗia elele mettak kobol dim lamittatta, nug epeɗiak uɗat, ban hak ele hette.

Prowerb 25:7

Aɗinu? King nug nukka na amenppa, “Lai, na gukkuiɗna uɗippe, da ele daagnih,” akku, amuam ena; amge king nug anuqak danab laa noobppa na onin qeeb neeb, na uɗan nekku, amuam ena iitta.