Revelesen 3:1 - Nobonob Baibel

¹ Nug anam ana, Nug nai tuɗitta aum. “Na nai da attem imu Sardis Kristen tamaniaknu ikki danab, nuhignu inam ye! Laa Nug Kayak Ouɗi, nuhigppa kobol ena oh ambak daatte, Nug hoɗoppai eblaih aɗit ele aɗualadtte amu, nai imu nuhigppanu uɗitte. Da nahip hak oh amu, da doottem. Danab ag nahipnu, ‘Nug bauklel ele,’ aon atteb amge iitta. Na bauklel iitta, na mauhme.

Revelesen 3:1 Referans Kwoze

1 Timoti 5:6

Amge ah qab nug nukka beɗunu oo hakib dim lamidtte amu, nug aakku mauhak bia daatte.

Jems 2:26

Danab beɗu ouɗi iitta ele am mauhom. Anamnab aakku, danab nug kobol ena ii hette amu, ooppa genab doyak danab amunu am danab laa mauhom daatte, anam bia hamu daatte.

Revelesen 1:4

Da Jon, da Kristen tamaniak eblaih aɗit ele Asia wanppa daatteb ele, da ahilagnu iikku yaattem. Kayak Nug gemu daatte, anukka dayom, dimppa uɗikkunu ele daatte, Nug, amu nuhig Ouɗi, kobol ena oh nuhigppa ambak daatte, Nug Kayaknu sia king noobppa daatte, amu Jesus Kristus, Nug keeke imu ohnu aɗi anttomnu mattiak danab dayaya, oo metta ii uuak kobol dim lamitta ippunikke anidttem, Nug danab mauhppig ele dilag eɗua hibaittak danab anuqak, wanppanu king oh dilag okkai ele daatte amu, ewam amu oh ag ahilag ehanittak okkai hamu mettak, ahilag maɗoɗ ele amu, ag danab ag tamaniak eblaih aɗit ele ooppa daatteb, ahilagppa daaglahnu ool daatte. Kristus, Nug ihinignu oo mauhe, Nug tiigppa ihinig hipunin oh uhuqom,

Kolosi 2:13

Anukka amu ag hipunin digdig henan, ag oo alagnu kobol dim lamittegeg, kobol amu nug ag aqe mauhak bia daattappig. Amge Kayak Nug Kristus maɗette ahe, ag ele bau mattom. Nug ig oh hipunin hemut amu, Nug hipunin amu oh uhuqa mekkom.

Jut 1:12

Danab nau amu ag hanhan ag danab nai imu aotteb ele, ag ahilag hobul oo mauhak ele, hobul amuppa ag ele qagmena daanna, ee lanana, ag hobul dubuttid medatteb, amge danab amu ag ii baɗatteb. Ag akka agib ehanadkkulagnu hetteb. Danab amu ag am lombig laa, gu ahilagppanu ii nette; ulah iwalatte gotteb, amubia. Ag am ad, meu awak haenppa meu ii otte bia. Ag am ad bunaɗom, danab ag ad diig hiɗappig bia daatteb.

Revelesen 2:19

Da nahip hak, nahip oo mauhak, ooppa genab doyak nahip, ehanittak uɗatppa danab ah ehanadttem, uug digdig maot oiyaknu kobol nahip, amu na kobol oh tatam ena heme amu, gemu na amu eɗittak enanag hettem, da amu oh doottem.

Luk 15:24

Am aɗinu? Dahil nid imu nug mauhom, amge nug eɗua bau daatte. Nug qettoɗom, amge ig nug eɗut anidttem,’ awa aum. Amunu ag hobul laa heppig.

Revelesen 1:16

Nug eppeg naɗiap-ppa amu hoɗoppai eblaih aɗit ele aɗalattom. Qep elab aeg laih laih aeg ele amu, nug oɗeppanu dimittim doum. Nug iɗu amu aam ɠagattagnab naana amahaltte amubia amahalom.

Epesus 2:5

haen ig hipunin heta, mauhak bia daatta, Kayak ii dim lamidttamut ele, haen amuppa Kayak Nug Kristus maɗette ahe, ig ele bau mekkom. Nuhig ehanittak okkai hamu megatte amuppa aakkuib Kayak Nug ig eɗua awikkom.

Luk 15:32

amge gemu amu ig gamag ahak doopput, ig oonig ele ena daakkunu elele. Aɗinu? Na amap imu nug mauhom, amge gemu nug eɗua bau daatte. Nug qettoɗom, amge ig nug eɗut anidttem,’ awa aum.” Jesus Nug nai amu mattiom.

Epesus 2:1

Ag anukka oittappig amu, haen amuppa ag hipunin digdig heegeg, Kayak ele oolag laippu ii oinna, mauhak bia daattappig.

Revelesen 2:13

Da nahip dayak adeppa daatte amu, da doottem. Satan nug aben amuppa nug okkai daatte, amge na da onil ɠagattag aɗattem. Na dahilnu ootppa genab doottem, amu anukka Antipas, nug oo metta ii uuak kobol dim lamitta nai dahil mehuqttom ele, nug mehuqeqe, na appanppa, Satan aguppa daatte amu, appa laa ag Antipas qeeg mauhom, amge haen amuppa ele na ooppa genab doyak nahip dahilnu ii paɗame.

Revelesen 1:20

Na da eppel naɗiap-ppa hoɗoppai eblaih aɗit ele anidme, lam maknu balal eblaih aɗit ele, ele anidme amu, amunu diig am inam. Hoɗoppai eblaih aɗit ele am Kristen tamaniak eblaih aɗit ele, amu dilag ikki danab. Lam maknu balal eblaih aɗit, amuam Kristen tamaniak eblaih aɗit amu aakku,” awa aum.

Revelesen 4:5

Daaegeg amu sia king ⌊anuqak⌋, amuppanu amemɗi digma amahala ugekke, hakkaɗ diigppa qeeqe, hakkaɗ qa aɗeɗe ele neum. Lam eblaih aɗit ele ag sia king ⌊anuqak⌋ noobppa eonna daappig. Lam amu ag am Kayak Ouɗi, kobol ena oh nuhigppa ambak daatte ele, am Nug ippunigtte.

Revelesen 1:11

Baag amu nug inam aum. “Na keeke oh anidna amu, na buk itoɗiakppa yona meppe, Kristen tamaniak eblaih aɗit ele onilag Epesus, Smerna, Pergamum, Taiataira, Sardis, Piladelpia amu Laodisia ele, ahilagppa ukkaɗ!” awa aum.

Jon 1:33

Da ele Nug ii doolom, amge laa Nug da danab ah leppa layadkkulnu meiɗe uɗimi ele amu, Nug a doomi. Nug aum. ‘Kayak Ouɗi Nug na, danab laa qaɗeppa daakku amu, danab amu aakkuib Nug geha Kayak Ouɗippa layadkku,’ awa aum.

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

Revelesen 5:6

Anam aum amu da Sipsip Nag laa, Nug sia king ⌊anuqak⌋ guguittak hibaitte, hab daup waɗele Kayaknu bauklel aotteb, ikki danab ele ag Nug talilidna daaegeg, Nug ag gamagppa dayeye anidmi. Sipsip Nag amu laa ag matu qeeg mauha, eɗua hibaitte anidmi. Nug qeqeɗi eblaih aɗit ele amu ameg eblaih aɗit ele. Qeqeɗi eblaih aɗit, ameg eblaih aɗit ele, amuam Kayak Ouɗi kobol ena oh nuhigppa ambak daatte ele, Nug ippunigtte. Amu Kayak Nug me, wan ohppa ukkom.

1 Pita 1:11

Kristus Ouɗi propet, ahilagppa dayom amu, Nug Kristus uug maokkunu, amunu binag amahlak oppiaawak ele dimppa uɗikkunu elenu dabmak mattom amunu, propet ag amunu haen, amu nuhig keeke laa ele hettoɗidttappig.

Aposel 2:33

Nug hab aabppa teum, Kayak eppeg naɗiap-ppa daatte. Mameg Kayak Nug nuhig Ouɗi, anukka medakkunu nai qakka aum bia amu, Nug mettom. Mette, Jesus Nug ig ele iikku gemu Kayak Ouɗi mekkom amunu, ag keeke imu gemu anidna dootteb.

Jon 20:22

Anam awowa, Nug ouɗi ahilagppa iwala, Nug aum. “Ag Kayak Ouɗi aweg! awa aum.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Revelesen 2:9

Da guittak uug ele nahip-ppa beum, na keeke iitta, amuppa qagaiettaknab daame amu, da doottem, amge na keeke kuɗum ele! Da danab laa ag nahipnu baeg qak nai madippig amu, da doomi. Laa ag amu appig amu ag, ‘Ig am Juda,’ aon atteb, amge ag am Juda tutukku iitta; ag am Satannu daupib.

Revelesen 2:2

Da nahip hak, uɗat ɠagattag nahip, amu na uɗat amu hekkutnu ii uun, tuɗidna hettem ele amu, da doottem. Na danab nau dilag ele oot iinab hette. Amu laa ag, ‘Ig am totol danab,’ hambuppun appig amu, na ma anttak matte, ag am hambuppuak danab daatteb anidme.

Revelesen 3:2

Aib niime! Na ahan beɗun tatualna, kobol ena na nakok aɗalatte, mauhkkulagnu hetteb amu, na eɗun ɠagattag matte! Aɗinu? Nahip hak am Kayak dahil neekkakppa tutukkunab ii daatteb anidmi.

Revelesen 3:8

Da nahip hak amu, da doottem. Antte! Da na noomppa od matule mettami, laa nug maikkunu elele iitta. Na nahip ɠagattag nakok ele, amge na dahil nai dim lamidna, dahilnu, ‘Da Nug ii doottem,’ ii ame.

Revelesen 3:15

Na nahip hak oh amu, da doottem. Na gamagmag daattem amunu, da nahipnu oolppa ena ii doottem. Na dabmak dahil daatte bianab helom am ena.