Revelesen 2:3 - Nobonob Baibel

³ Da doottem, na da onilnu eheɗ laala na beɗunppa be doome; gemu ele doottem. Anam amge na uug doyaya eɗittaknuib dabmak awak kobol dim lamidna, na amuppa na gai-iitta ii meme.

Revelesen 2:3 Referans Kwoze

Hibru 10:36

Ag Kayaknu dabmaknab tuɗidna dim lamidkkulagnu amu ag oolag maɗoɗ ele ɠagattag hippaidna daaglagnu daatteb. Ag anam hekkulag amu, geha ag keeke ena anukka Nug ag madakkunu nai qakka aum amu, ag aoglag.

Hibru 12:1

Aria, ihinignu amu ig anukkanu danab kuɗumnab ag ig ooppa genab doyak kobol ippunikkeg anidttem amunu, ig ooppa genab doyak ippu tutukku dim lamidtu! Ig danab laa ag nug eɗid eɗid qaiettan gotteb ele ag keeke oh beɗulag uug medatte ele, ag amu buɗieg ukke, qaiettan gotteb, amubia ig aɗi keeke, ig amu aɗat ooppa genab doyaknu ippu tutukku ii dim lamidkkunig amu, ig keeke amu buɗipput ukkeb, ig aɗi hipunin, nug ig beɗunigppa ta aɗaikkom daatte ele, ig amu ele qepput na ukkeb, ig Kayak Nug ippunig mekkom amu, amuppa bahi yaak ele iittappa qaiettat gotu!

Galesia 6:9

Amunu ig kobol ena hekkunignu amu ebehinig aib bodoettom. Ig ebehinig bodo-ii-edakku amu, aria geha meu awak haenppa ig meu ena aakku aognig.

Kolosi 1:11

Ag Kolosi danab ag uug digdig maon ɠagattag, dagom ele daan bittumttum ii gomananu, ag anen anen ag Kayak eppegppa nuhig ɠagattag naɗi okkai aoglag. Anam amu, ag maɗoɗppan gamag ahak ele doonna,

Jon 15:21

Amge laa ag Mame, Nug da meiɗe uɗimi amu, ag Nug ii dootteb amunu ag, ag da onilppa oitteb doona, ag ahilagppa eheɗ hekkulag.

1 Korint 13:7

Danab nug oo mauhak dootte ele nug uug oh maotte, nug hanhan ooppa genab doyak ele oitte. Nug hanhan Kayak nug ehanidkkunu dabmak aɗa daatte. Nug uug doyaya eɗittaknuib dabmak hanhan aotte.

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.

Hibru 6:15

Amunu Abraham nug oo makppaib, bahi yaak ele iittappa nai amu meu okkunu ameg ma dayaya, keeke anukka Kayak medakkunu nai qakka aum amu aakku awom.

Hibru 6:12

Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

1 Timoti 4:10

Nai am inam. Ig Kayak bauklel, Nug danab ah oh eɗua awikkak diig daatte, amge Nug danab ah ag nuhignu oolagppa genab dootteb ele, Nug ahilagnu eɗua awikkaknab danab daatte, ig nuhignu oonigppa genabnab dootta, Nug doa ehanigkkunu dabmak aɗat daat, ameg mettem. Ig amunu am genabib doottem amunu, ig uɗat naɗinab ɠagattag ele hettem.

2 Tesalonaika 3:13

Amge O lainkad, ahilagnu amu ag uɗat ena hak kobolnu aib oolag bahi yeeb uuppig.

2 Korint 4:16

Ig am dabmak amu aottem amunu, Kayak uɗat hekkunignu amu ig ii bodoedattem. Ao, genab, ig beɗunig amuam nauhkkun hette, amge deɗ oh Kayak Nug ig oonig bau ɠagattag medatte.

2 Korint 4:1

Kayak Nug ihinignu oo gai-iitta doya oo mekka ehanikka, uɗat imu ig mekkom amunu, ig oo bai noak ii doottem.

Rom 12:12

Amu ag Naɗi ehanadkkunu dabmak aɗan daanna, ag maɗoɗppan gamag ahak doyeg! Uug laa ahilagppa uɗieb amu, ag ɠagattag dayeg! Amu ag hanhan unuqitteg!

Rom 8:25

Amge ig keeke ena amu aognignu genab dabmettem dayeb amu, ig oonig maɗoɗ ele ameg meta daattem.

Luk 14:27

Danab nug nukka nuhig ad emaitak mawa, da dim ii lamiɗtte, nug am dahil ippunittak awak danab daakkunu elele iitta.

Sam 37:7

Na Yawe noobppa dagom daappe, Nug nuhig uɗat hekkunu na oot bodoettak ele Nug ameg mee! ⌊Hipunin⌋ danab ag enulag ele daaglagtai, amge na amunu, “Attemnab anam daatte,” na dabmak amu tuqa ii awak aib aɗan oime. ⌊Hipunin⌋ danab ag eheɗ hekkulagnu lokkumakppa doonna, maittak eheɗ aon, ag anam hekkulagtai, amge na amunu ele, na, “Attemnab anam daatte,” na dabmak amu tuqa ii awak aib aɗan oime.

Revelesen 1:9

Da Jon, da ag lailag, da ag ele ig oh Jesus nuhigppa laippu daat, uug mua ele imu maottem. Da Kayaknu ɗo maɗoɗ ooppa, amunu uɗat haknu, ag ele daattem. Ig oh Jesus ig hekkunignu atte amu, ig nuhig ɠagattag aot daatta, ig tuɗidta, uug doyaya eɗittaknuib dabmak awak kobol dim lamidttem. Da Kayak nai mattimi da Jesus Kristusnu oolppa genab doottemnu ami, amunu ag da nud laa onig Patmos, amuppa meiɗppig.

2 Pita 1:6

Amu ag akka ahilag oiyak pehettak atognoak kobol aon, doyak ele ouaqateg! Amu ag uug doonna eɗidkkulagnuib dabmekkulagnu kobol aon, ag akka ahilag oiyak pehettak atognoak kobol ele ouaqateg! Amu ag genab tutukku hak kobol aon, ag uug doonna eɗidkkulagnuib dabmekkulagnu kobol ele ouaqateg!

2 Korint 11:23

Ag Kristusnu maɗi nidte? (Da gemu dahil dabmak eɗile, da nai madittem.) Kristusnu uɗatppa amu da ag eɗadttem. Dahil hak ɠagattagppa da ag eɗadmi, Jesusnu nai mehuqaknu maniguittakppa dayak am da ag eɗadmi. Danab ag da muɗi qaun eleppa mataɗileg, kuɗumnab batom, amuppa da genab ag eɗadmi. Aria, laa ele, haen kuɗum da mauhkkulnu miag daami, ag am anam bia iitta.

2 Korint 5:9

Anam daatte amunu, ig ii mauhmut, haen imuppa, ihinig mauhak dimppa ele amu ig kobol oh, Naɗi Nug oo daatte, amubia hekkunignu dabmak ɠagattag aottem.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Luk 18:1

Amu Jesus Nug keeke danab ag dootteb ii dootteb ele ouaqata ippuanatta, ag haen oh unuqidkkulagnu, ag bahilag yaamanu ele amelagppa aum.

Luk 8:15

Amge ee aeg wan enappa nena qeppig ele, nai amu inam ippunigtte. Danab laa ag nai doon, ag aona oolagppa meeg, tutukku oolagppa ena dayeye, ag ɠagattag daanna meu otteb,” awa aum.

Hibru 13:13

amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!

1 Timoti 5:17

Ag Kristen danab, ag Kristen tamaniak ikki danab ag tamaniaknu uɗat ena hetteb ele amu, ag danab amunu ena elelenab doyeg! Amu Kristen tamaniak ikki danab, amu oolagppanu laala ag Kayak nai mehuqtteb, danab ah ele nai ippunadtteb ele amu, ag amu dilagnu amu ag anuqaknab doyeg!

2 Tesalonaika 3:8

Ag ihinignu oolag uug qemanu ig amun tuqan ele ee aognignu uɗat ɠagattag hetata, ig danab laanu ee hamu ii lattamut. Iitta. Ig daden meta lamut.

2 Tesalonaika 3:5

Naɗi Nug ag oolagnu ulum aɗebeb, ag Kayaknu oo mauhak, amu Kristusnu uug doyaya eɗittaknuib dabmak awak kobol ele doon autna aoglagnu oonig daatte.

1 Tesalonaika 2:9

Ao ig lainkad, ag ihinig uɗat okkai uug ele amu ag anidna dooppig. Ig tuqan amun ele eppenigppa uɗat hetata, ig Kayaknu Nai Ena ele mehuqmut. Aɗinu? Ig ahilag ee keeke hamu aopput, ag ihinignu oolagppa uug doomnanu ig anam hemut.

Pilipai 4:3

Amu Sisigos, na oo metta ii uuak kobol dim lamidttem, amu da na amenppa attem,. Na ah aɗit amu, aa Nai Ena mehuqak uɗat haknu da ehaniɗeh, ig oh heut ukkom amunu, na aa ehanatna autna awe! Ah aɗit amu aa Klemen, amu dahilad uɗat laippu laa oh ele, Kayak Nug ag oh ag onilkad buk laa, amuam buk onig Bauklel Awa Onig Yaaknu buk, Nug buk amuppa ag onilkad yom ele amu, aa ag ele Kayaknu uɗat amu ɠagattag heppig.

Galesia 6:2

Ag nug ehanittak henana, uug ahilkad maweg! Ag kobol amu henana, ag Kristusnu ɗo elele dim lamidkkulag.

2 Korint 10:15

Ig anam mehuqtata, ig uɗat danab laala heppig, danab laa nug ag ena heppig, o ag ena ii heppig akkunu elele iitta amu, ig attem heta, ig oninig humagnig. Iitta. Ig geha ag Korint, ag ahilag ooppa genab doyak ɠagattag beeb, ig ag oolagppa uɗat hettem amu ba, okkai tuɗitta elele daakkunu hettem.

Rom 16:12

Ag humittak dahil Tripina amu Triposa ele mateg! Aa Naɗinu uɗatppa wagai mettep. Ag humittak dahil Persis metteg! Nug am da layalnab. Nug am ah laa nug Naɗinu uɗat okkainab heum.

Luk 21:19

Ag ɠagattag daaglagppa, ag bauklel hanhannu aoglag!

Mak 15:21

Ag ibppa gonana amu ag Sairini ted, Rupus, Aleksander ele mamelah, onig Saimon, nug aab okkai dimittimnu uɗia, aab okkai ooppa nokkunu doodo, ag nug anidna, ag duttunna heeg, nug Jesusnu ad emaitak mawom.

Maika 7:9

Ig Yawe noobppa hipunin hemut amunu, ig nuhig bu mekkak aottem. Ig bu mekkak amu aopput ukkeb, Yawe Nug eɗua ehanikkebeb, haen amuppa iitta mekku. Iitta meeb, ig eɗut, ena daagnig. Ao, haen amuppa Nug heeb, ig eɗut amahlakppa daagnig. Haen amuppa amu ig eɗut, Yawe Nug genab tutukku daatte, anam ele hette amu, ig amu anidkkunig.

Sam 69:7

Da na dim lamidttem, diig amunu amu, laa ag dahilnu, “Keeke hamunab,” dootteb. Ao, diig amunu ag da uɗa nak nau meɗatteb.

1 Tesalonaika 5:12

O lainkad, ag aun aɗi ag ahilagnu uɗat ɠagattag hetteb, ag Naɗi onigppa ahilag ikki daanna, ag ib ippunadnana ahilagnu tolittak nai atteb ele amu, ag danab amu dilagnu ena elele doyeg!

1 Korint 16:16

Ag danab anam amu dabmattanna, ag oɗelag dim lamidna, amu danab laala ag danab amu ele uɗat hetteb amu, ag ahilagnu ele anam heig!

Luk 5:5

A amu Saimon oɗeppa awa aum. “Danab Naɗi, tuqan imu ohppa ig uɗat naɗi hemut, amge ig kakai laa ii aomut, amge na ame amunu da uhui ekkul,” awa aum.