Revelesen 2:2 - Nobonob Baibel

² Da nahip hak, uɗat ɠagattag nahip, amu na uɗat amu hekkutnu ii uun, tuɗidna hettem ele amu, da doottem. Na danab nau dilag ele oot iinab hette. Amu laa ag, ‘Ig am totol danab,’ hambuppun appig amu, na ma anttak matte, ag am hambuppuak danab daatteb anidme.

Revelesen 2:2 Referans Kwoze

1 Jon 4:1

O gamalad, propet hambuppuak kuɗum ag ihinigppanu qatin gona wan imuppa oitteb amunu, ag danab ag, “Da Kayak Ouɗi oɗe awen madittem,” atteb ele, ag amu oh dilag nai oolagppa genab aib dooppig. Iitta. Ag nai dootteb ele ag ouɗi aun laa nai maditteb ele ehanatte, ag nai maditteb, ag amu pehettan epeɗin, aun nug Kayak Ouɗippa nai maditte anidna, ahilag naiib ag oolagppa genab doyeg!

1 Tesalonaika 5:21

Nai oh, amu keeke oh ele ag epeɗin, aɗi am ena aakkuib, ag aɗeg!

Revelesen 3:8

Da nahip hak amu, da doottem. Antte! Da na noomppa od matule mettami, laa nug maikkunu elele iitta. Na nahip ɠagattag nakok ele, amge na dahil nai dim lamidna, dahilnu, ‘Da Nug ii doottem,’ ii ame.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Galesia 1:7

Amge Nai Ena laa ii daatte. Iitta. Amge danab laala ag heeg, ahilag dabmak kabolie, danab amu ag Kristusnu Nai Ena eɗuegeg, ib laappa gokkunu hetteb.

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Revelesen 3:1

Nug anam ana, Nug nai tuɗitta aum. “Na nai da attem imu Sardis Kristen tamaniaknu ikki danab, nuhignu inam ye! Laa Nug Kayak Ouɗi, nuhigppa kobol ena oh ambak daatte, Nug hoɗoppai eblaih aɗit ele aɗualadtte amu, nai imu nuhigppanu uɗitte. Da nahip hak oh amu, da doottem. Danab ag nahipnu, ‘Nug bauklel ele,’ aon atteb amge iitta. Na bauklel iitta, na mauhme.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

Revelesen 2:9

Da guittak uug ele nahip-ppa beum, na keeke iitta, amuppa qagaiettaknab daame amu, da doottem, amge na keeke kuɗum ele! Da danab laa ag nahipnu baeg qak nai madippig amu, da doomi. Laa ag amu appig amu ag, ‘Ig am Juda,’ aon atteb, amge ag am Juda tutukku iitta; ag am Satannu daupib.

Revelesen 2:6

Amge kobol imuam nahip-ppa ena daatte. Na Nikolas huu, na amu dilag hak nau guhuɗidttem, da ele Nikolas aɗi dilag hak nau guhuɗidttem.

Revelesen 3:15

Na nahip hak oh amu, da doottem. Na gamagmag daattem amunu, da nahipnu oolppa ena ii doottem. Na dabmak dahil daatte bianab helom am ena.

Matyu 7:23

Ag anam akkulag, amge da haen amuppa miag appi dooglag. ‘Da ag nakoknab laa ii doyadttem. Ag am eheɗ hak danab amunu, ag uuiɗna ukkeg!’ awe akkul.

Jon 6:6

Nug nai amuppa Pilip ma anttak medakkunu oɗ mettom; Nug nukka Nug attem hekkunu matu doyom.

Revelesen 2:5

Na tatam daame, amuppanu na qakppa daattem amu, na dautppa doaɗ! Dautppa dob, oot eɗueb, hak nahip tatam heme ele amu baula he! Na oot ii eɗukkut dayeb, da nahip-ppa ukken, lam maknu balal nahip amu abenppanu eɗue aokkul.