Revelesen 13:3 - Nobonob Baibel

³ Doɗ dakkuɗ amu nug ikki laippuppa am mauhaknu ihi ele, amge ikki amuppanu ihi amu qaɗaietta ena dayom. Ena daye, wanppanu danab oh anidna ottaina dabmak kuɗum aona, dim lamidppig.

Revelesen 13:3 Referans Kwoze

Revelesen 17:8

Na doɗ dakkuɗ anidme amu, nug tatam dayom am gemu nug ii daatte, amge dimppa nug moɗ oɗe noa ukka batak iitta eleppanu bekku. Ba amu nug geha padal mekku. Wanppanu danab ah laala ag buk laa, amuam buk onig Bauklel Awe Onig Yaaknu Buk, Kayak Nug wan digma heum, haen amuppa ag onilkad buk amuppa ii yaak ele, ag doɗ dakkuɗnu ottaina dabmak kuɗum aoglag. Aɗinu? Anukka nug dayom, gemu ii daatte dimppa nug moɗppanu bekku.

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

Revelesen 17:17

Ag oolag laippu mena, gumaknu ehah, ag amuppa king daatteb ele amu, ag oh gumaknu ehah amu doɗ dakkuɗ mettaglag. Ib amuppa ag Kayak nug dabmak amu ag oolagppa meum, ag Nug keeke anam bekkunu maittak awom am genab heppeg meu okku. Ag anam heppeg ukkeb, Kayak dabma mattiom amu, nai amu oh meu okku.

Revelesen 17:10

Ikki eblaih aɗit ele am king eblaih aɗit ele, amu ele ippunigtte. Tanig ele amu ag aakku bena, nena qeppig. Laippu laa amu daatte, laippu amu nug ii beum. Nug ba amu nug haen tutuib daakku.

Esekiel 30:24

Da heppi, Babilon dilag king nug ɠagattag dayeb, da dahil qep elab nug eppegppa mekkul, amge da Paro eppeg laih laih oh qiiatppi, Paro nug danab guittak awa mauhkkun haaha aiqakkak hette, amubia Paro nug aiqagakku.

Revelesen 17:13

Ag ahilag dabmak am laippu amunu, ag ɠagattag ahilkad, ahilkad gumaknu ehah ele, ag amu oh doɗ dakkuɗ mettaglag.

Revelesen 13:12

Doɗ dakkuɗ wanppanu beum ele, nug doɗ dakkuɗ tatamnu amu, nug nuhig gumaknu ehah oh awom. Awa, nug doɗ dakkuɗ tatamnu abenab awa, nuhig gumaknu ehahppa doɗ dakkuɗ tatam ehanidkkunu uɗat heum. Nug he, wanppan danab ah oh ele ag doɗ dakkuɗ tatamnu, nug anukka igippa mauhkkunu ihi awom, amge qaɗaiettom ele amu, ag nug noobppa dup nona binag meppig.

Aposel 8:13

Ag layattak aoegeg, Saimon ele ooppa genab doya, layattak awe, Pilip ele daaya, Pilip nug Kayak dabmettaknu kobol danab haknu elele iitta digdig okkai hatte antta, nug ottaia dabmak kuɗum awom.

Luk 2:1

Amu Elisabet nug Layattak Jon menue, haen amu nakok dimppa Kwirinius nug Siria dilag gawana dayeye amu, Sisar Ogastus nug Rom danab oh onilkad bukppa yaalattak daaglagnu ɗo meum. Imuam haen anuqak ag onilag yaak uɗat amu heppig.

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.

Jon 12:19

Ag goppig amunu ɗo gumak danab-Parasia ag akka akka nai mattin appig. “Ig nuhig ib oo nekkunignu elele iitta. Antteg! Danab ah oh Nug dim lamidtteb,” aon appig.

Revelesen 17:11

Aria, doɗ dakkuɗ nug tatam dayom ele, gemu nug ii daatte, amuam king eblaih ewam ele. Nug king eblaih aɗit abenlag awa amu, nug geha nug padal mekku.