Revelesen 10:3 - Nobonob Baibel

³ nug laionnu gayak bia baag okkaippa eum. Nug anam e amu, hakkaɗ eblaih aɗit ele ag baalkadppa nai madippig.

Revelesen 10:3 Referans Kwoze

Aisaia 31:4

⌊Amuam genab bekku.⌋ Aɗinu? Yawe Nug da amelppa inam aum. “Laion nug doɗ laa qe mauhe, nug liɗimama guma daatte. Ao, laion bau nug doɗ laa qe mauhe, nug liɗimama guma daatte. Anam amu, sipsip gumak danab ameg okkai ag qagmena lamidkkulagnu muttub okkai qettebtai, amge laion amu nug amunu ii dabmette. Ag huanaknab enana, muttub naɗi qettebtai, amge laion nug ii baɗatte. Ao, ag oqotti digdig heegeg, oqotti ottetai, amge laion amu nug uug laa ii dootte. Laion nug anambia hette amu, ⌊amubia da kekeɗ dahilad ii baɗadpa; ahilag hak ele ii dabmepa⌋,” awa aum. Yawe Nukka Ɠagattag Oh Ele, Nug na, Sion qaukoppa dayebeb, nuhikkud kekeɗ ele ban hekkulagnu daakku.

Revelesen 4:5

Daaegeg amu sia king ⌊anuqak⌋, amuppanu amemɗi digma amahala ugekke, hakkaɗ diigppa qeeqe, hakkaɗ qa aɗeɗe ele neum. Lam eblaih aɗit ele ag sia king ⌊anuqak⌋ noobppa eonna daappig. Lam amu ag am Kayak Ouɗi, kobol ena oh nuhigppa ambak daatte ele, am Nug ippunigtte.

Amos 1:2

Amos nug inam aum. “Yawe Nug Sion dayaya, laion huana gaatte, amubia Nug baag okkai eleppa nai maditte. Ao, Nug nai baag okkai ele, hakkaɗ oqotti otte, amubia Jerusalem appanu nai maditte. Nug nai mattieye, gikkiɗah dadppa, sipsip gumak danab ag appa sipsip ahilkad gumadtteb ele, dad amuppan gikkiɗah qaɗaiedatte. Yo, gikkiɗah qauko Karmel igippa daatte ele qaɗaietta mauɗtte,” awa aum.

Joel 3:16

Yawe Nug Sion appa dayaya, Nug laion huana gaatte, amubia Nug nai baag okkai ele madikku. Ao, Nug Jerusalem appa dayaya, Nug nai baag okkai ele, hakkaɗ oqotti otte, amubia nai madikku. Nug nai mattiebeb, hab, wan ele uɗalkkulah, amge Yawe Nug nuhikkud danab ah dilag padal mak eɗitteb ena dayaknu aben bia daakku. Ao, Nug nuhikkud danab ah dilag ban haknu aben ɠagattag bia daakku.

Revelesen 15:1

Amu dimppa da epponak keeke okkai laa hab aabppa be anidmi. Da engel eblaih aɗit ele ag keeke nau danab uug okkai madatteb eblaih aɗit ele danab ah aqadkkulagnu gumatteb, da ag anadmi. Amuppa oppoɗi bak Kayak Nug danab dilag hipuninnu dootte amu, oppoɗi bak amu nug gogppa tette.

Revelesen 14:2

Ag daaegeg, da hab aabppanu oqotti laa, le okkai buɗuɗuppa noawa oqotti otte amubia, amu hakkaɗ okkai qa, aɗeɗe ugakka oqotti otte amubia ele doomi. Oqotti amuam danab harp qeeg, baag oqotti enanag, musik atteb bette, am amu bia doomi.

Revelesen 8:5

Te amu, engel nug tappiɗ awa, qaɗabppa aab aɗu ite, ambe, buɗie ukka, wanppa noum. Anam he amu hakkaɗ qa aɗeɗe ne, hakkaɗ diigppa qeeqe, amemɗi awewe, wanppa ele mim neum.

Amos 3:8

Laion laa nug gaya malom, danab laa nug iite baɗakku? Ao, amubia Naɗi Yawe Nug nai mattia malom, propet laa nug nai amu doyom ele, nug nuhig nai amu iite tuɗitta mehuqa, laa amelagppa madikku?

Jeremaia 25:30

Amu Yawe Nug anam awowa, Nug tuɗitta, da amelppa aum. “Na danab oh amelagppa uug ahilagppa beeb anidkkulagnu propet nai imu appe doyeg! ‘Laion ɠagattag nug doɗ laa mattia aokkunu dabma aha, huana gaatte, amubia Yawe Nug nuhikkud danab ah bu madakkunu babaittak anam daatte. Ao, Nug nuhig dayak aben oppiaawak ele, Nug amuppa dayaya, hakkaɗ huana qe, gu nekkunu daatte bia, Nug danab ah nuhikkud bu madakkunu babaittak daatte. Ge, Nug nuhikkud danab ah bu madakkunu laion huanaknab gaatte bia aakku babaittak daatte. Danab ag grep meu leppu aoglagnu tappanna, huana etteb, amubia Nug heeb, ban haknu ewak okkai daakku. Ao, nug wan atu ohppan danab ah bu madatta, anam hekku.

Aisaia 42:13

Yawe Nug ban danab ɠagattag hette bia haaha, Nug ban haknu abenppa ban hekkunu gokku. Ao, ban danab ɠagattag nug ban elelenab hekkunu nug bannu dabmak nuhig ɠagattag qedatte, amubia Yawe Nug nuhikkud kekeɗ ele ban hekkulagnu bappaidkku. Ban danab nug ban hekkunu huana ette bia, Yawe Nug anam ha, Nug kekeɗ nuhikkud eɗadkku.

Aisaia 5:29

Ban danab amu ag oɗelagppa ena, muttub qena, oqottilag laion gaatteb, baalag oqotti amubia oqotti okku. Ao, ag laion bau gaatteb bia heppeg, oqotti okku. Laion liɗimna, doɗ aɗan qena, maon ukkaeg, laa doɗ amu ehanitteb, qagaiettakppa ii daamanu ii daatte amu, amubia kekeɗ ag anam hekkulag.

Prowerb 19:12

Kingnu oppoɗi be ameg kokoɗ eppak am laion baunu gayak bia; amge ena doyak nuhig am gikkiɗahppa baito daatte bia.

Revelesen 15:7

Doeg amu hab daup waɗele Kayaknu bauklel aotteb ele, ag oolagppanu laippu laa nug tappiɗ golppa hak ele eblaih aɗit ele engel eblaih aɗit ele amu mattom. Tappiɗ amuppa oppoɗi bak Kayak Nug danab dilag hipuninnu dootte tappiɗ eblaih aɗit ele amu, amuppa daatte. Oppoɗi bak amuam Kayak hanhan alet daatte, am nuhig oppoɗi bak aakku.

Sam 29:3

Haen Yawe Nug nai maditte amu, Nug baag oqotti am okkainab, yu oqotti eɗittak. Ao, Kayak, Nug binag amahlak oppiaawak ele. Haen Nug nai maditte amu, Nug baag oqotti am hakkaɗ qette bia. Amu genab, haen Yawe Nug nai maditte amu, Nug baag oqotti am hakkaɗ qak bia, amu yu oqotti okkai ele eɗittak.

Esekiel 10:5

Amu engel okkai-kerubim haulkad oqotti am oqotti okkai. Danab ag Israel danab dilag haɗap-ppa daappig, ag oqotti amu dooglagnu elele. Oqotti amuam Kayak Nukka Ɠagattag Oh Ele nai maditte, oqotti okkai amubia.

Hosea 11:10

Geha, haen amuppa Israel danab ah ag da, Yawe, ag da dim lamiɗkkulag. Geha da laion huana gaatte, da anambia huana onilagppa ekkul. Da anam hekkul amunu, danab ah dahilad, ag qaban uɗitteppanu, beɗulag hahaɗebeb uɗiglag.