Prowerb 9:2 - Nobonob Baibel

² Nug hobul hekkunu doɗ danab ah madakkunu aqa, babaitta mala, nug wain lanaknu babaitta malowa, aria nug ee lanaknu balal ele babaittom.

Prowerb 9:2 Referans Kwoze

Aisaia 25:6

Sion qaukoppa, Yawe Nukka Ɠagattag Oh Ele, Nug geha ee lanak hobul okkai okkai, ee enanag digdig appa bappaidkku. Hobul amuppa amu, doɗ digdig teppulag ena ena, am wain digdig enanag lanak baag ubuhinab ele, amu ele daakku. Nug danab ah wan ohppanu ag uɗin, hobul amuppa qagmekkulagnu bappaidkku.

Prowerb 23:30

Danab ag amu ele, amuam danab ag wain huana laeg kaaka aqatte ele, ag aakku. Ao, laa ag wain digdig kaboliak ele lanana dootteb ele, ag anam dootteb.

Solomonnu Ahi 8:2

Anam daalo amu, da nug da anil laugppa omaitten golom; appa da anil nug da ippunittak meɗom. Appa amu, da wain ena mettalom; wain amuam pomigranet dahil lebuppa hak.

Genesis 43:16

Ukkaeg amu, haen Josep nug Benyamin ele uɗippig anatta amu, nug maɗi nid nuhig, nug laug gumom ele, nug nug amegppa aum. “Na danab imu diin, da laulppa gona maadna, doɗ laa qeppe mauheb, tuqana, ee laa ele he! Aɗinu? Da danab imu ele ig amun ee lanak haenppa ee lakkunig,” awa aum.