Prowerb 9:17 - Nobonob Baibel

¹⁷ Ag le yab aon lana amu, ag ubuhi ele dooglag. Ao, ag ee ahilag iitta aona, lokkumakppa lana amu, ag ubuhi enanag ele dooglag,” awa atte.

Prowerb 9:17 Referans Kwoze

Prowerb 20:17

Danab nug hambuppuak kobolppa en awa, ee ena lanana, enanag dookkutai; amge gog takppa amu, danab nug ihi latte, amubia nug eheɗ nau awa dookku.

Prowerb 30:20

Imuam ah ewau pakkua gappai hette, nuhig kobol iikku. Nug kobol nau ha, hamunab doya; nug, ‘Da eheɗ laa ii hemi,’ awa atte.

Epesus 5:12

Kobol laala danab gatatuppa oinna kobol amu hetteb amu, kobol amunu mattiaknu am uɗa nak ele.

Rom 7:8

Amge hipunin nug ɗo amuppa ameg qeeb aolonab dabmak eheɗ awak kobol oh da oolppa he beum. Amu ɗo ii daatte dayeb amu, hipunin am bodoettak daatte.

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Prowerb 5:16

Le qepuɗia bak nahipnu le am hamu hamu ib digdigppa gokkaɗkku am enate? Ao, nahip le ugakka gotte ele am aab haɗap-ppa hamu gokkaɗkku am enate?

Prowerb 5:18

Na dabmak imu aon, aɗan oiye! “Doɗ dia am doɗ neekkak nuhig enanag ele, danab anidtte am enanag dootte. Amubia ah dahil am ah iɗu tuqak, enanag, nug dahilnu oo mauhtte.” Na dabmak amu aon, aɗan oippeppe, nid yuɗ nug anig huh lanana, elele dootte, amubia na ah nahipnu eleleib dookkutnu ool daatte. Ge, ah nahip nug nahipnu oo mauhtte, diig amunu na nuhigib hanhan daan oikkutnu ool daatte. Na nug ele oiyya, nid menuglahnu ool daatte. Ao, na nahip ah, na nid bau daan aome amu, na nuhignu gamag ahak dookkutnu ool daatte.