Prowerb 8:8 - Nobonob Baibel

⁸ Keeke oh da madittem am nai doya mala hettoɗia epeɗia elele mettak kobol dim lamidtte. Ao, da nai madittem amu, laa am kaliak iitta, o laa am nai eheɗ tutukku iitta, am ele iitta.

Prowerb 8:8 Referans Kwoze

Jon 7:46

Anam aeg am daup amu ag appig. “Danab laa nug danab imu nai maditte bia laa mattie ii anidmut,” aon appig.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Sam 12:6

Yawe Nug aɗi atte amu, amuam danab laa nug silwa babaitta epeɗia awak, silwa enanag, dubuttid nakok laa iitta ele daakkunu nug haen eblaih aɗit ele anam he, enanagnab bette, am anam daatte. Ao, Yawenu nai am dubuttid nakok laa amuppa iinab daatte amu, Yawenu mattiak am ena eleleib, silwa dubuttid iittanab ele anamnab aakku daatte.

Aisaia 63:1

Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.

Aisaia 45:23

Da dakka, dahil nai da onilppa ɠagattag qettami; amu da geha aɗi keeke hekkulnunab ami amu, da genab hekkul. Da dahil nai qakkak amu eɗuen ii aopa; anamib daakku. Amu nai amuam danab ah oh ag da noolppa gatelag qaun ona, da binal mena, ag oh ahilag nai ɠagattag qettan, ag dahilnu inam akkulag.

Duteronomi 32:5

Amge Israel danab ah ag nuhignu amu, ag Nug dimettan, ii dim lamidna oitteb. Ge, ag anam hena oinna, ag genab nuhig nid daattebte? Iitta! Ag hambuppuak hak danab, ag kobol kaliak amu dim lamidtteb.

Prowerb 2:15

Ib ag oittebppa am kaliak, am tutukku iitta. Ao, ahilag hak unuqagppa amu, appa kaliak daatte, am tutukku iitta.

Prowerb 4:2

Aɗinu? Keeke da ag amelagppa madittem imuam, tutukku, am genabnab. Ag aib dahil ippunittak uuppig.

Prowerb 14:6

Laa nug awa awa qettak kobolppa oitte amu, nug doyak dabmak ena ele aokkunu hekku, me nug iinab aoma; amge laa nug diignu doyak tutukku ele amu, doyak ena, nug igippa daakkun uug iitta.