Prowerb 8:33 - Nobonob Baibel

³³ Ag dahil ippunittak nai imu doona, ag doyak dabmak ena ele dim lamitteg; ag aib oolagppa uuak dooppig!

Prowerb 8:33 Referans Kwoze

Prowerb 4:1

O bekkalad, da ag mamelag, ag dahil ippunittak nai doyeg! Ao, ag diignu doyak tutukku aoglagnu amu, ag daulag human, dahil nai doon, elele dabmetteg!

Prowerb 5:1

O bekkal, na hanhan laanu neekkakppa nug dabmak eheɗ ii aomanu kobol aon oikkutnu, na nai doyak ele madikkutnu amu, na daut human, doyak dabmak ena elenu nai dahil aon doon, elele mette! Ao, na dahil nai meu unuqagnu, na nai amu doon autna awe!

Prowerb 1:8

O bekkal, na mamen da, na dahil tolittak nai doye! Ao, na anin toppan ippunittak ena aome amu, na amu aib uume.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Prowerb 1:21

Nug aab okkai ooppa, ib laalappa, aben danab ah kuɗum ag keeke meegeg, laa ag daden metteb ele, nug aben aguppa ukka, nai nuhig doyak dabmak ena ele ag dooglagnu baag okkaippa maditte. Ao, nug aab okkainu od oɗeppa dayaya, nai nuhig maditte.

Prowerb 15:32

Danab nug tolitta bu mettak aokkunu uutte, nug nukka nuhignu ena iinab dootte; amge laa nug tolitta mettak awa dim lamidtte, nug diignu doyak tutukku aotte.

Prowerb 19:20

Na ulum nai ena doon aon, ippunittak nai ena ele aon aɗakkut dayeb; gog takppa na doyak dabmak ena ele daakkut.

Prowerb 1:5

danab nug oiyak ehanittaknu nai tutu, aria keeke danab ag dootteb ii dootteb ele ouaqata ippuanattak nai ele dookkunu, diig amu ohnu amu, oiyak ehanittaknu nai tutu imu am amunu daatte. Aria, danab nug doyak dabmak ena ele, nug daug huma doya, nug nuhig doyak dabmak ena ele nai imuppanu tuɗitta awaɗ! Ge, danab nug oo maittak awaknu ehah ele amu, nug ele nai imuppa ulum awaɗ!