Prowerb 8:30 - Nobonob Baibel

³⁰ Nug keeke oh hattette amu, da Doyak Dabmak Ena Ele, da Nug heqoppa danab uɗat laala haknu doyak okkai ele dayeye ehanidmi. Deɗ oh da Nug ele daagnihnu enanagnab doyeye, da Nug ele daagnihnu ool gamag okkai ahe daamuɗ.

Prowerb 8:30 Referans Kwoze

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Jon 16:28

Genab, da Mama toppanu uɗie, wanppa nemi daattem. Gemu am da wan imuppan ahe, eɗue Mama toppa gokkul,” awa aum.

Jon 12:28

Jesus Nug anam anana amu, Nug nai tuɗitta aum. “Mame, na heppe, na onin nug binag amahlak oppiaawak ele miag atikkunu oɗ medattem,” awa aum. Anam a amu, baag laa hab attannu na aum. “Da tatam anam hemi, amu da baula anam hekkul,” awa aum.

Kolosi 1:13

Nug ig hipuninnu ɠagattag hippalikkakppanu uhuqikkom. Nug ig eɗua awikka, Nug Bekka Jesus, Nug nuhignu oo mauhtte amu, Nug nuhig ɗo maɗoɗ ooppa daagnignu meikkom.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.