Prowerb 8:27 - Nobonob Baibel

²⁷ Nug amu oh ii heum haenppa da heiɗom, amu haen Nug hab ha, abenppa meum amu, haen amuppa da Nug ele daamuɗ. Ao, danab nug neekke, umanab ukke, hab nug na, yu aɗe anidttem umu, haen Nug amu heum amu, haen amuppa da Nug ele daamuɗ.

Prowerb 8:27 Referans Kwoze

Job 26:10

Kayak he, yu nuhig tom ii eɗidtte. Ao, am anam dayeb ukkeb, gog tak haenppa batakku.

Aisaia 40:22

Kayak Nug sia kingppa wan imu attan dayaya, wan imu oh gumatte. Danab ah wan imuppa oitteb ele, ag nuhig neekkakppa keeke nagnag, tap bia daatteb. Nug danab lamen okkai naɗi taietta otala mette, Nug amubia hab otala taiettom. Ao, danab nug aguppa daakkunu peh lag nuhig bappaidtte amu, Kayak Nug hab taietta babaittom.

Prowerb 3:19

Yawe Nug nuhig doyak dabmak ena eleppa he, wannu ukku aakku daatte. Ao, Nug diignu doyak tutukkuppa he, habppanu keeke oh abenalagppa daatteb.

Kolosi 1:16

Ig amuam genab anidkkunignu diig am Kayak Bekka Jesus, Nug wan imuppan keeke, hab attannu keeke, keeke ig anidttem ii anidttem ele amu, amu oh Nug heum. Nug amu heum, amu keeke Nug heum ooppa amu, Nug gumak uɗat digdig ele daakkunu babaittom; laa am gumak uɗat anuqak, laa am gumak uɗat ɠagattag ele, laa am gumak uɗat okkainab, am laa am gumak uɗat okkai. Nug amu oh heum, babaittom ele, am amu oh am Nug binag mekkulagnu daatteb.

Jeremaia 10:12

Amge Kayak Nug nuhig ɠagattagppa wan heum. Nug doyak dabmak ena ele nuhigppa wan ha, abenppa meum. Ao, Nug diignu doyak tutukku nuhigppa ele ha, hab nuhig abenppa meum.

Sam 136:5

⌊Ig Yawe,⌋ Nug am diignu doyak tutukku ele aɗa, Nug hab heum amu, ⌊ig Nug amegppa, “Ena heme,” atu!⌋ Aɗinu? Nuhig oo mauhaknab kobol hanhan alet daatte.

Hibru 1:2

amge Nug gemu, gog tak haen imuppa amu, Nug Bekka oɗeppa ig amenigppa nai mattiom. Kayak Nug Bekka Nug aug daakkunu Nug keeke oh aokkunu aum, amu nuhigppa Nug keeke oh ele hattom.

Aisaia 40:11

Amu Nug sipsip gumak danab laa nuhikkud sipsip atognoadtte, amubia nuhikkud danab ah atognoadtte. Sipsip gumak danab nug sipsip nakkud diia, momoppa maatta, gamanattatta, anilkad amu qinonob omalatta gotte bia nuhikkud danab ah dilagppa hette.

Sam 103:19

Yawe Nug he, nuhig sia king am hab aabppa daatte. Nug appa dayaya, Nug keeke oh gumadtte.

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Prowerb 8:26

Nug wan, wanppan dad okkai ele ii hak haenppa, Nug da heiɗom. Ao, Nug wanppan gappud ii heum haenppa, Nug da heiɗom.

Prowerb 8:28

Haen Yawe Nug lombig attan meum amu, da Nug ele daamuɗ. Ao, haen Nug le qeppuɗia bak, yu unuqagnab, appa daatteb hattom amu, da nug ele daamuɗ.