Prowerb 8:24 - Nobonob Baibel

²⁴ Nug yu ii heum haenppa, Nug ah nid menutte bia da heiɗe bemi. Ao, Nug le qeppuɗin betteb ii hattom haenppa, da heiɗom.

Prowerb 8:24 Referans Kwoze

Prowerb 3:20

Yawe Nug nuhig doyakppa he, yu beum daatte; Nug he, baito habppanu nette.

Genesis 1:2

amu wan nug iɗu iitta dayeye, appa keeke laa ele ii daye, gatatu, le eleib tona dayeye, Kayak Ouɗi Nug ⌊wan heeb, keeke bau daatte ele wanppa daaglagnu elele daakkunu⌋ boppala dayom.

1 Jon 4:9

Kayak Nug Bekka laippunab, ig nuhigppa bauklel aognignu wanppa me uɗiom amunu, amuppa amu Kayak Nug ihinignu oo mauhak dootte ig ippunikkom.

Hibru 1:5

Kayak Nug engel dilag inam iinab aum. “Na am da Bekkal, gemu da na Mamen bemi daattem.” Iitta. Laa amu Kayak Nug engel laippu laa nuhignu, “Da nug Mameg daakkul; nug da Bekkal daakku,” ii aum amunu, ig nai amuppa Jesus Nug engel eɗadtte anidttem.

Jon 5:20

Mama Nug dahilnu oo mauhtte amunu, keeke oh Nug hette ele, Nug da ippuniɗom. Nug geha uɗat kuɗum okkainab, keeke amu oh eɗittak ele, ag ottaina dabmak kuɗum aoglagnu ippuniɗkku.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Sam 2:7

Amu king amu, Yawe tituana, Sion appa meum ele, nug atte. “Da ɗo laa Yawe meum daatte amu, da amunu appi dooglag. Nug da amelppa inam aum. ‘Na am da Bekkal; gemu amu, da na Mamen bemi daattem.

Eksodas 15:5

Le naɗi ag tonatta malom. Ao, ag am men bia nona, unuqagnab nona, diig batakppanab noppig.

Job 38:16

Job, na deɗ laa oin gona, yu ooppa le qeppuɗia betteppa oimete? Ge, na yu unuqag, appa tappan gomete?