Prowerb 8:21 - Nobonob Baibel

²¹ Da laa ag dahilnu oolag mauhtte ele, da en okkai madattem; da hei, ahilag en maknu oo anen anen am ambetteb.

Prowerb 8:21 Referans Kwoze

1 Pita 1:4

Amu ele ig Kayak Nug bekkod keeke madakkunu dabmette ele, keeke amuam hanhan daakku, ii nauhma, iitta ii mema amu, Nug hab aabppa ahilagnu babaittom daatte amu, ig amu ele dimppa anidkkunignu ameg mettem.

Matyu 25:46

Aria, danab amu ag gona, haen ohnu nau awak abenppa daaglag, amge genab tutukku hak danab ag bauklel hanhannu aon daaglag,” awa aum.

Prowerb 24:4

Danab nug laugppa en laa, danab kuɗum ii aɗatteb, en anttaknu enanag ele, nug en amu lakka mekkunu amu, nug doyak ena aɗa oikkuoitte.

Genesis 15:14

Wan amuppanu danab ag heppeg, na buɗunad ag begbeg maɗi nid maɗi ah ele anam daaglag, amge da wan amuppan danab bu madappi, na buɗunad ag wan amu uun, wan amuppanu keeke kuɗum aon aɗaglag.

Hibru 10:34

Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.

Prowerb 1:13

Ag na amenppa anam awona amu, ag akkulag. “Ig keeke digdig, danab keeke amu oh awaknu nug men doɗo okkai ekku amu, ig amu aognig. Ge, ig yabhokppa anam aot, ig launkadppa mepput, ig launkad am en amuppa ambak daaglag.

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

1 Samuel 2:8

Yawe Nug he, daɗek danab ag gappudppan ahan, ag nau ii daatteb. Ao! Nug he, ag uhuɗppa ii daatteb; ag aben enappa daatteb. Genab! Yawe Nug he, daɗek danab ag king tiigppan danab ele heɗep nena daatteb. Yo! Nug he, ag sia king, sia amu onig ele amu, ag sia amubiappa daatteb. Yawe Nug amu oh hekkunu elele. Aɗinu? Yawe Nug wan imu ohnab mameg daatte. Ao, Nug wan imu oh ma, babaittom daatte.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.

Prowerb 8:18

En okkai, binag, en haen elab daatte, genab tutukku hak kobol ele da eppelppa, ⌊da laa ag dahil nai dim lamidtteb ele, da ag madakkulnu aakku⌋ daatteb.

Prowerb 6:31

Ag nuhignu anam ii doomna, amge ag nug anam heebeb anidkkulag dayeb amu, epeɗiak danab ag heppeg, yab danab nug aɗi keeke awom amu, nug keeke amunu daden maknu nob, aria nob amubianab eblaih laippu ele laa ele eɗua, keeke mameg medakkunu akkulag. Yab danab nug nob amu mekkunu nug keeke nuhig oh meeb, laa daden metteb, keeke mameg medakku dayeb amu, anamib hekku. Nug iinab tippalma.

Rom 8:17

Amu ig Kayak bekkod daattem dayeb, ig geha keeke Nug megakkunu dabmette ele aognig. Laa ele amu, Kayak Nug keeke Kristus medakkunu dabmette amu, ig Nug ele oh amu aognig. Yo, ig Kristus uug mawom, uug amu genab tuɗidta maognig dayeb, dimppa ig Nug hab aabppa dayak enanag awom ele, ig amu ele aognig.

Prowerb 8:20

Da, Doyak Dabmak Ena Ele, da hanhan genab tutukku hak kobol aakkuib hettem; da hanhan nai doya mala hettoɗia epeɗia elele mettak kobol hettem.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Prowerb 15:6

Genab tutukku hak danab laugppa en okkai daatte; amge nau hak danab ag kobol nau hetteb amunu, hak amunu noob am, ag uug anidtteb.

Prowerb 21:20

Danab doyak dabmak ena ele, ag ee ena keeke ag laulagppa meeg daatte; amge danab nug Kayak dab-ii-maama ii dim lamidtte ele, nug ee keeke nug aotte ele, nug paha he iitta mette.