Prowerb 8:12 - Nobonob Baibel

¹² Am da, Doyak Dabmak Ena Ele, da laa, amuam Eheɗ Bemanu Dabmak Awa Dabmak Amu Dim Lamittak, da nug ele i lag laippuppa daattep. Da doyak ena, amu laanu neekkakppa nug dabmak eheɗ ii aomanu kobol ele aɗalat-ttem.

Prowerb 8:12 Referans Kwoze

Aisaia 28:26

⌊Nug amu hettenu diig am,⌋ Kayak, nuhig Kayak, Nug amu haknu kobol ippunidtte. Ao, Kayak Nug ib tutukku dim lamitta, amu oh hekkunu doyak medatte.

Eksodas 35:30

Ag anam heeg, Moses nug Israel amelagppa inam aum. “Antteg! Yawe Nug Israel dilag huu okkai Juda ted Besalel, nug Uri bekka, Hur alag amu, Nug nug uɗat imu hekkunu tituanom.

Rom 11:33

Genab! Kayaknu doyak dabmak ena ele, aria doyak nuhig ele, keeke aɗit amuam okkainab, unuqagnab ele daattep. Ig danab ig maittak nuhig oh diig mattita anidkkunignu elele iittanab. Amu ig ib oh Nug dim lamidtte ele, ig elelenab doognignu ele elele iitta.

Prowerb 1:4

nug doyak ii awak ele daatte dayeb, nug eheɗ bemanu dabmak awa dabmak amu dim lamittak kobolnu doyak aokkunu, nid o nid ahin bau nug doyak, aria laanu neekkakppa nug dabmak eheɗ ii aomanu kobol ele aokkunu,

Kolosi 2:3

Nuhigppaib doyak dabmak ena ele oh, amu doyak oh ele lokkuma daatte.

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.

Sam 104:24

O Yawe, na keeke digdig kuɗum hattame! Na nakka nahip doyak dabmak ena okkai amu uɗat mettan heme! Na keeke amu hattana hee, wan atu ohppa doɗ, amu keeke laa oh ele ambak daatteb.

1 Stori 28:19

Dawit nug amu oh Solomon ippunitta, nug aum. “Yawe Nug da aɗaile, da Nug oɗeppanu nai awen yaami amu, nai amu oh amuppa daatte. Nug nai amu da meɗa he, da nuhig lag haknu dottog oh doyen malami,” awa aum.

Epesus 3:10

Kayak Nug dabmak inam awom. Gemu Kristen tamaniak ooppan danab ah amu, ag nuhig doyak dabmak ena ele digdig kuɗum am miag atippeg, ikki danab, amu danab ag gumaknu ehah ele, ig danab ig ag ig amenigppa anidkkunignu elele iitta, ag ohnab dooglag.

2 Stori 13:14

Jeroboam aɗi ag anam heeg, Juda ag eɗun, daup ag dimulagppa ban hekkulagnu uɗiegeg anadna, Jeroboam aɗi ag noolagppa ban hekkulagnu ele uɗieg anadna, ag Yawe ɠagattag unuqitteg, mana mettak danab ag trampet iwalppig,

1 King 7:14

Huram nug am danab keeke brasppa haknu doyak okkai ele. Ge, Huram nug brasppa uɗat digdig kuɗum amu, nug doya autanab awom. Huram mameg nug am Tair ted, nug ele am brasppa keeke haknu doyak danab. Huram anig nug Israel dilag huu okkai Naptalinu ah laa. Huram mameg mauhe, anig am ah qab dayom. Aria, King Solomon nug Huramnu nai me ukke uɗia, keeke brasppa haknu amu, Solomon aum bia nug amu oh heum.

1 Stori 28:12

Kayak Ouɗi Nug aɗi aɗi dabmak Dawit mettom amu, Dawit nug amunu dottog mettom. Dottog amuam Yawenu mettid lagnu haɗap, oo Nug laug heqo laih laih talilittak daatteb, en maknu oo anen anen, keeke danab ag Kayaknu tituanna medatteb, en amu maknu oo anen anen ele amu, keeke amu oh dottolkad dottog amuppa dayom.

Prowerb 8:5

Ag laa ag doyak ii awak ele amu, ag ⌊dahilppanu⌋ eheɗ bemanu dabmak awa dabmak amu dim lamittak kobol doon aon oiyeg! Ao, ag laa ag dabmak tutukku iittappa keeke hetteb ele, ag diignu doyak tutukku aweg!