Prowerb 6:35 - Nobonob Baibel

³⁵ Ah gamu nug kobol nau amunu daden nob ii aoma. Na daden nob tak gane mekkut amu, amuppa ele na nuhig dabmak elele medakkutnu am elele iitta.

Prowerb 6:35 Referans Kwoze

Malakai 2:9

Yawe Nukka Ɠagattag Oh Ele, Nug inam ele atte. “Ag mana mettak danab ag amu heegeg, da hei, danab ah laa ag ahilagnu ena iinab doon, uɗa nak ele madatteb. Aɗinu? Ag mana mettak danab ag dahil ib ii dim lamidna, ag hettoɗiakppa diignab iittappa ag laanu ena doya, laanu diignab iittappa eheɗ doyak kobol dim lamidna hetteb,” awa atte.

Aisaia 2:9

Danab ag dottolkad amu noolagppa dup nona binag metteb. Ge! Danab ag nigul amu noolagppa dup nona, ikkilag wan yaatte. ⌊O Yawe, nahipad danab ah ag kobol amu ii uunna,⌋ ag na ahilag hipunin uhuqna madakkutnu ib oo netteb.

Prowerb 8:25

Nug qauko okkai abenppa ii maatta, Nug da heiɗom. Ge, Nug qauko nakok ii hattom haenppa, Nug ah nid menutte bia da heiɗe bemi.

Prowerb 7:13

Nug anam aakku hette, amge tueb laa da laulnu gililppa ulah ibuppa ukken, neekki ukke anidmi amu, ah amu nug nid bau doyak dabmak ena ele iitta antta, nug nugatoppa ukka aɗa, ootuqittatta, uɗa nak iitta ele amegppa aum.

Prowerb 4:3

Laa amu, da mamel laugppa, da nid nakok dayeye, okkai ii memi, da dakka da anilnu nid daami, haen amuppa,

2 King 5:1

Naman nug am Aram dilag kingnu ban daup ikki anuqak. Yawe ehanitte, nug ban kuɗum eɗattom amunu, kingnu neekkakppa, nug danab okkainab dayom. King nug nuhignu oo huana heum. Naman nug ban haaha, nug ban ebehi ele heum, amge nug gaɗa oɗe nau ele.

Prowerb 7:1

Da bekkal, na dahil nai dim lamitte! Ao, na dahil haknunab nai imu nahip dabmakppa meppe dayaɗ!

Solomonnu Ahi 8:7

Danab nug le okkai aab ewakppa gokkaɗeb, aab ewak iitta mekkunu elele, amge laa heeb, oo mauhak ii iitta mema. Ao, laa nug le huanaknab aab naɗi ewakppa gokkaɗeb, aab ewak am qauhkku, amge laa nug heeb, oo mauhak ii iitta mema. Danab nug en nuhig ohppa oo mauhak daden mekkunu helo amu, en amuam elele iittanab iitta; am keeke nagnag bia. Oo mauhak am keeke okkainab.

Aisaia 13:17

⌊Amu Yawe Nug atte.⌋ “Ag antteg! Da geha Midia danab uɗippeg, Babilon ele ban hekkulagnu dabmak ahilag eeɗkkul. Midia danab ag silwanu dabmak okkai ii aotteb. Ao, ag golnu enanagnab ii dootteb. ⌊Ag amu oh dab-ii-metteb. Iitta. Ag ahilag dabmakib dim lamidkkulagnu dabmetteb.⌋