Prowerb 6:22 - Nobonob Baibel

²² Haen na adeppa adeppa oikkut amu, ihinih nai am ulum medakku. Ao, haen na niikkut amu, nai amu na atognoidkku. Ge, haen na eɗun ahakkut amu, nai amu na aɗi aɗi hekkutnu ippunidkku.

Prowerb 6:22 Referans Kwoze

Prowerb 2:11

Amu laanu neekkakppa nug dabmak eheɗ ii aomanu kobol am heeb, danab guppiɗ dimugppa daya, ena daatte bia, na ena daakkut. Ao, diignu doyak tutukku am na eheɗ aomnanu nahip guppiɗ bia daakku.

Sam 119:11

Da nahip-ppa hipunin qak hepa, da nahip nai da oolppa mein, dabmak dahilppa ele memi.

Sam 119:148

Am nahip nai na ame amu, da amu dabmedakkulnu, da tuqan ahe daattem.

Sam 119:9

O Yawe, danab ah bau ag attem hena, ag oolag oppiak ele na noomppa daaglag? Ag nahip nai dim lamidkkulag, ib amuppaib ag oppiak ele daaglag.

Sam 119:54

Da adeppa adeppa daattem amu, appa da nahip ɗonu ahi edattem.

Sam 119:24

Da nahip ɗonu enanagnab doottem. Ɗo amu ag dahil ulum mettak danab bia daatteb.

Sam 43:3

O Kayak, na amahlak nahip, amu doyak diig genabib nahip ele meppe nekkunu oɗ medattem. Na keeke amu oh meppe uɗiya, aa da atognoiɗya omaiɗpeɗ, qauko Sion, qauko amuam nahipnu tituanak daatte, na amuppa daattem amu, da amuppa gokkul.

Sam 119:97

O ⌊Yawe⌋, da nahip ɗonu oo mauhak naɗi doottem! Da deɗ oh amun tuqan ele da nahip ɗonu dabmak unuqag awewe daattem.

Sam 17:4

Da nahip ɗo dim lamitti, ɗo amu heeg, layag guittak mettaknu tiilagppa daatte dilag kobol, da kobol amu ii hemi.

Sam 3:6

Kekeɗ 10,000 eɗitta auta autanab awak ag da heqol laih laih ohppa taliliɗna daatteb amu, da amu dilagnu ii baɗattem.