Prowerb 6:20 - Nobonob Baibel

²⁰ O da bekkal, da na mamen, da na amenppa haknunab imu attem amu, na dim lamitte; aib tippalme! Ao, na anin doyak ippunittom amu, na aib uume!

Prowerb 6:20 Referans Kwoze

Epesus 6:1

Nid naunau, ag Naɗinu nai dabmenana, ag anilkad mamelkad oɗelag dim lamitteg! Kobol amuam tutukku.

Duteronomi 27:16

Appeg, Lewi buɗub ag inam akkulag. “Aun laa nug mameg, o anig onig he nauhtte, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Prowerb 23:22

Na mamen nug bau dayak mettom ele, na nuhig nai doye! Ao, na anin nug kaino meeb amu, na nuhignu ena iinab doyak aib doome!

Prowerb 30:11

Laa ag mamelkad eheɗ laa awaknu anak waappa daaglagnu anana; ag anilkad ele ii itadtteb.

Duteronomi 21:18

Am danab laa nug bekka nug oɗe dim lamidmanu dabmak nuhig ɠagattag eppe ii dim lamidtte, nug nai tappe nak danab daya, nug mameg, o anig tolidya, bu metteheh, aa oɗelah ii dim lamidtte dayeb amu,

Jeremaia 35:8

Nug anam aum amunu, ig Jonadap, nug am Rekap bekka, ig mamenig anukkanu, ig nug ɗo oh ig mekkom amu, ig ɗo amu oh dim lamidtata, gemu ele hettem. Ig, amu ig waankad, ig bekkankad, amu ig aɗenkad ele ig oh wain nakok laa ii lamut.

Prowerb 5:1

O bekkal, na hanhan laanu neekkakppa nug dabmak eheɗ ii aomanu kobol aon oikkutnu, na nai doyak ele madikkutnu amu, na daut human, doyak dabmak ena elenu nai dahil aon doon, elele mette! Ao, na dahil nai meu unuqagnu, na nai amu doon autna awe!

Prowerb 5:5

Ah amu nug mauhak ibuppa aakku daatte. Ao, ah amu, nug ippu am moɗ agappanab gotte.

Prowerb 7:7

amu da laa ag doyak ii awak ele anatten, da ag oolagppa laa anidmi. Ao, nid bau oolagppa da nid danab bau laa anidmi, Genab, da nid bau laa, nug doyak dabmak ena ele nuhigppa iitta ele anidmi.