Prowerb 5:22 - Nobonob Baibel

²² Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Prowerb 5:22 Referans Kwoze

Prowerb 11:5

Kayaknu neekkakppa danab ooppa kaliak laa iitta ele amu, genab tutukku hak kobol nuhig he, nug ib enappa oitte; amge nau hak danab ag nau heeg, kobol amu he, ag nauhtteb.

Prowerb 1:18

Hipunin danab ag aakku akka ahilkad pelem maadtteb. Ao, ag pelem maadtteb, ag amuppa nona mauhadkkulag.

Sam 9:15

Danab ah wan imuppan wan laalappanu ag moɗ laa, danab ah laa ag amuppa nena qena daaglagnu aoppig amu, ag akka ag moɗ amuppa noppig. Ao, ag akka ag ahilag uhuippa noppig.

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

Jeremaia 2:19

Ag nau hetteb amunu, nau hak ahilag am ag bu madakku. Ao, ag da dimeɗona kayak hambuppuak laala dim lamattegeg uɗie, gemu ele hetteb amunu, ahilag kobol amu, am ag daulag batakku. Anam amunu, ag da, Yawe, ahilag Kayak, ag da uuiɗna, ib laa oiyegeg, ag ebehilag oh dahilnu bodoetta le ii mette, diig amunu uug okkai ahilagppa anam bette, amu kobol amuppa ag nob eheɗ aona, mua naunab nau dootteb dabmenan oiyeg!” Naɗi, Yawe Nukka Ɠagattag Oh Ele, Nug anam aakku atte.

Eklisiastis 7:26

Da amu heinne, da imu anidmi. Ah laa nug uhui bia daatte amu, ooppa nug doɗ dilag pelem bia daatte. Ao, nug eppeg am danab qagakkunu sen bia daattep. Da nug danab ninig nau medatte anidmi; mauhak am ninig ele, amge ah amunu ninig mettak am mauhaknu ninig eɗidtte. Danab nug Kayak dim lamidtte amu, nug ah amu eppegppa ii daama; amge laa hipunin dim lamitta hette amu, nug ah amu eppegppa daakku.

Prowerb 11:3

Genab tutukku hak danab ag oolagppa dabmak oiyak ele tutukkuib dayaknu kobol dootteb, ag amuppa ulum aon oitteb; amge danab ag Yawe ippuanattom bia Nug dim lamidkkulagnu uun hetteb amu, ag hambuppuak hena, padal metteb.

Namba 32:23

Amge ag keeke, da ag hekkulagnunab ippunadmi imu, ag ii heppeg amu, ag aakku Yawe, nuhigppa hipunin hekkulag. Ag aibnab dabmak hambuppuak aoppig! Ag hipunin qewona amu, ag hipuninnu nob nau aoglag.

Ikki Danab 20:41

Israel ban danab ag ele amu anidna, ag eɗun aon, banelag gona, Benyamin danab lamattegeg, Benyamin danab ag baɗak eheɗ nau dooppig. Aɗinu? Haen amuppa Benyamin dilag daup ag nauhkkulagnu daappig aakku dooppig.

Sam 40:12

Aɗinu? Uug kuɗum, ebqaknu iitta, da taliliɗtteb. Hipunin da hemi am toniɗkkulagnu heegeg, da ib ena laa antte gokkulnu ii anidttem. Uug amu, dahil hipunin ele am da ikkil uɗugnu ebqak am eɗittak. Dabmak dahil am ɠagattag daakkunu elele iitta.

Gayak Nai 1:14

Yawe Nug ig Juda, ig ihinig hipunin awa, hipunin amu oh ehakka qakkom. Ao, Nug ihinig hipunin awa, oh aɗe ooho, qagma laippu qakkom. Nug amu ha mala, ig hipunin amu ig baanigppa aihatte, Naɗi, nuhig hak amuppa ig beɗunig gai-iitta meum oittem. Nug laa, ig ag eɗadkkunignu elele iitta, Nug ig ag eppelagppa meikkom daattem.

Ikki Danab 9:57

Kayak Nug Sekem danab ele, ahilag hak naunu bu mattom. Amunu eheɗ laa awaknu anak waappa dayaknu nai, Jotam, Jerubal, ⌊am Gideon⌋ bekka aum amu, ahilagppa, am genab meu oum.

1 King 18:18

Nug anam oɗ mette, Elaiya nug Ahap aum, nug amu nob ma inam aum. “Da iitta, da Israel uug laa ii mattami, amge na, amu na mamen ele, aa, amu aa baelti ele, ag Israel uug mattaegeg uɗie, gemu ele hetteb. Aɗinu? Ag Yawenu haknunab nai tappaeg ne, ag kayak hambuppuak Bal iɗu iɗu noolagppa dup nona binalag meegeg uɗie, gemu ele hetteb.

Esta 9:25

Amge Esta nug king gumitta ukke, king nug ɗo nai laa babaitte, Hamannu eheɗ laa hekkunu lokkumakppa dabmaama maittak eheɗ awak, maittak amuppa nug Juda eheɗ hadakkunu dabmeum amu, maittak amu Haman nug, amu nug bekkod ele am eɗua, ahilagppa uɗie, ag ag balal attan danab aihaknu hak, ag amuppa aihadppig.

Job 18:8

Aɗinu? Ai laa nug oiyaya, uhuippa tette, amubia nau hak danab nug nauhtte. Ao, ai nug hamu oiyaya, uhuippa ta, uhuinu muɗippa nauhtte, amubia nau hak nug nauhtte.

Sam 9:17

Am nau hak danab ag Kayak ele ii daamna. Iitta! Ag mamak abenppa daaglag. Ao, wan imuppan wan ohppan danab ah ag Kayaknu daulag atitte ele amu, ag ahilagppa anam bekku.

Prowerb 11:6

Danab ooppa kaliak laa iitta, nuhig genab tutukku hak kobol am he, nug pelemppa ii tette; amge danab nug Yawe ippunittom bia Nug dim lamidkkunu uua hette amu, nug oo hak eheɗ nuhignu pelemppa daatte.

Prowerb 12:14

Danab laa nug Kayak binag mak nai, ehanittak nai ena ele madittenu nob ena ambak anidkku; ele amu, danab nug eppegppa uɗat haaha daya, nug keeke aotte.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Prowerb 18:7

Danab nug Kayak dab-ii-maama ii dim lamidtte ele nai atte amu, nai amu he, nug na qette. Ao, danab nug Kayak dab-ii-maama ii dim lamidtte ele nug nai atte, nai amu he, nug mauhaknu pelemppa tette.

Prowerb 24:12

Na ⌊hambuppuna⌋, “Ig amunu aɗitai laa ii doomut,” akkut dayeb; Kayak, Nug danab oh dilag dabmak anidtte, Nug nahip nai amu, am nai tutukku iitta iite dootte? Kayak, Nug na ehanitte, na bau daattem, Nug nahip hak iite dootte? Ao, Nug geha danab anen anen ag aɗi heppig, Nug amunu nob iite madakku?

Prowerb 26:27

Danab nug laa guittak medakkunu moɗ pelem buutte amu, nug nukka moɗ amuppa noa qekku; danab nug laa guittak medakkunu men naɗi kudkud metteb, laa toppa nokku dayeb amu, men amu kudkud metta, eɗua nuhigppa nokku.

Obadaia 1:15

Aɗinu ag anam ii helob? Da, Yawe, dahil deɗ naɗi am miag uɗiom daatte. Deɗ amuppa da wanppan wan ohnu danab ah epeɗiadkkul! Ag Edom, ag laa dilagppa heppig amu, amubia ahilagppa bekku. Ao, ag aɗi eheɗ heppig amu, eheɗ hak amuam eɗua, ag qaɗelagppa daakku.