Prowerb 4:6 - Nobonob Baibel

⁶ Amu na doyak dabmak ena ele aon oikkutnu aib uume! Aɗinu? Na ii uukkut dayeb, doyak dabmak ena ele ehanitteb, na ena oikkut. Ao, na doyak dabmak ena elenu oot mauhaɗ! Nug na gumittebeb oikkut.

Prowerb 4:6 Referans Kwoze

2 Tesalonaika 2:10

nug danab ah, ag padal mekkulagnu oitteb ele, nug ib eheɗ digdigppa ag hambuppualadkku. Danab amu ag doyak diig genabib dooppig, amge ag uuppig. Ag ii uulob amu Kayak Nug eɗua diilo, amge iitta amunu, ag padal mekkulag.

Epesus 3:17

ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

Prowerb 3:21

O bekkal, na hanhan epeɗia ha dabmak ena awak, aria oo maittak awaknu ehah eleppa oinna, dabmena autna awe! Na keeke aɗit amunu aibnab daut atiom!