Prowerb 4:5 - Nobonob Baibel

⁵ Da mamel nug nai amu amelppa anana, nug aum. “Na doyak dabmak ena ele, aria diignu doyak tutukku ele aon oiye! Ge, na aib nai dahil imu daut atiom, o na aib dahil nai imunu dekkaɗna laih gome!” awa aum.

Prowerb 4:5 Referans Kwoze

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

2 Stori 34:2

Nug Yawenu neekkakppa kobol genab tutukku ele dim lamittom; nug alag Dawit heum bia heum. Nug ib ena dim lamittom. Nug ib eheɗppa ii ukkom.

Prowerb 19:8

Aun nug doyak dabmak ena ele aotte, nug nukka nug ehanidtte. Ao, laa nug diignu doyak tutukkunu oo huana hette, nug ena daatte.

Prowerb 17:16

Danab nug Kayak dab-ii-maama ii dim lamidtte ele, nug men doɗo aɗakkunu am meu iitta; amunu diig am, nug doyak dabmak ena ele aokkunu nakok laa ii dabmette.

Prowerb 8:5

Ag laa ag doyak ii awak ele amu, ag ⌊dahilppanu⌋ eheɗ bemanu dabmak awa dabmak amu dim lamittak kobol doon aon oiyeg! Ao, ag laa ag dabmak tutukku iittappa keeke hetteb ele, ag diignu doyak tutukku aweg!

Sam 44:18

Ig oonig unuqagppa na ii dimettamut. Na, ig aɗi hekkunignu ame amu, aakku hetataib daattem.

Prowerb 23:23

Na doyak diig genabib ele aon, aib paɗappe ukkom; na hanhan doyak dabmak ena ele, laa nukka nuhig oiyak pehettak atognotte, diignu doyak tutukku ele, na kobol amu oh dim lamitte.

Prowerb 18:1

Danab nug laa oh ele nug mehqak hette, nug nukka nug oo hette amuib aokkun wagai mette; nug epeɗia ha dabmak ena awak oh dimedatta, tappe nette.

Prowerb 16:16

Danab nug doyak dabmak ena ele aokku, amuam ena, am gol awak eɗidtte. Ao, danab nug diignu doyak tutukku, nug amu aokkun dabmekku, amuam ena, am silwa awak eɗidtte.

Sam 119:157

Dahil kekeɗ kuɗum ag da eheɗ heiɗtteb, amge da nahip ɗo nakok laa ii tappai nette.

Sam 119:51

Beɗuppa tak danab ag awa awa qettak nai dahilnu atteb, amge da nahip ɗo dim lamittaknu ii uuttem.

Job 23:11

Da hanhan tutukku Nug baeg matten gomi, gemu ele anamib hettem. Ao, da Nugib dim lamitten, da laih laih wanak uuen, ib apiɗitten ii gomi.

Prowerb 3:1

O da bekkal, da aɗi na ippunidttem amu, na aib daut atiom. Ao, na daut atimanu amu, na dahil haknunab nai, nahip dabmakppa meppe dayebeb oiye!

Prowerb 4:7

Doyak dabmak ena ele am anuqak daatte; amunu na doyak dabmak ena ele awe! Ge, na diignu doyak tutukku aokkutnu na nahip keeke ohnab ekkutnu dayeb amu, na anam he! Aib uume!