Prowerb 4:17 - Nobonob Baibel

¹⁷ Laa amu, danab amu, ahilag ee am nau hak kobol aakku. Ao, danab amu, ahilag le lanak am laa guittak nau mauhnoak mettak aakku.

Prowerb 4:17 Referans Kwoze

Maika 6:12

Juda danab enub ele, ag amu, ag am laa guittak nau, mauhnoak mettak tiigppa dayak danab. Juda danab ah laa ag am nai hambuppuak mattiak danab. Ge, ag oɗelagppa mattiak hambuppuak hetteb.

Sam 14:4

Amu Yawe Nug oɗ mette. “Danab ag kobol nau hetteb, danab ag laa bret latte, amubia ag danab dahilad hattaeg nauhtteb, danab ah ag da Yawe ii unuqiɗtteb ele amu, danab amu ag da ag bu madakkulnu iite dabmetteb?” awa oɗ mette.

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Sepanaia 3:3

Israel dilag ehanittak anuqak danab amu, ag danab ah dilagnu laion doɗ laa qa lakkunu oiyaya gaatte, amubia ag danab ah dilagppa hetteb. Ao, Israel ag ahilkad okkai danab ag doɗ wulp, ag tueb meeb, ag doɗ laa anidna, qena lalobnu oitteb bia hetteb. Doɗ laion, o doɗ wulp ag aɗi doɗ laa tueb qena lae neppig, butti buttua huppu nakok laa ii daatte, amubia hetteb.

Maika 3:5

Amu Yawe Nug inam atte. “Propet hambuppuak ag dahilad danab ah ib eheɗ ippunadtteb. Laa nug propet hambuppuak ee madette, ag nug maɗoɗ daakkunu atteb. Amge laa nug ee ii madakku dayeb amu, ag uug nau, mauhak keeke, danab amu, nuhigppa bekkunu atteb.

Prowerb 20:17

Danab nug hambuppuak kobolppa en awa, ee ena lanana, enanag dookkutai; amge gog takppa amu, danab nug ihi latte, amubia nug eheɗ nau awa dookku.

Prowerb 9:17

Ag le yab aon lana amu, ag ubuhi ele dooglag. Ao, ag ee ahilag iitta aona, lokkumakppa lana amu, ag ubuhi enanag ele dooglag,” awa atte.

Prowerb 13:2

Danab laa nug Kayak binag mak nai, ehanittak nai ena ele madittenu nob ena anidkku; amge danab ag Kayak ippunattom bia Nug dim lamidkkulagnu uun hetteb amu, laa guittak nau mauhnoak mettak kobol ag tiilagppa daatte.

Maika 7:3

Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.

Aisaia 5:18

Danab ah aun aɗi ag hipunin hekkulagnu ib digdig maditteb ele, ahilagnu am gadonnab gadon! Ao, danab ah aun aɗi ag nau hekkulagnu wagai men oitteb amu, ahilagnu am gadonnab! ⌊Ag padal mekkulag.⌋

Aisaia 5:20

Danab ah aun aɗi, ag nau hak kobolnu, “Am kobol ena,” atteb, ag kobol enanu, “Amuam nau hak kobol,” aon atteb, ag gatatunu, “amahlak,” atteb, amahlaknu amu ag, “gatatu,” atteb, ag keeke oɗenig mua qette ele amu, ag amunu, “Ubuhi ena ele,” atteb, keeke ubuhi ena ele amu, ag amunu, “Am mua ele,” atteb, ahilagnu amu gadonnab gadon. ⌊Ag padal mekkulag.⌋

Jeremaia 9:4

Yawe Nug atte. “Juda ag lailkad dilagnu dabmeig! Ao, ag baelkadppa dilagnu oolagppa genab aib dooppig! Aɗinu ag anam hekkulag? Ag ohnab ag hambuppuak danab ah daatteb. Ge, ag lailkad oh ag nug onilkad nauhkkunu nai nau atteb.