Prowerb 4:15 - Nobonob Baibel

¹⁵ Na ib amu oɗeppa aib wame. Na aib danab amu ippulag mattan gome. Ao, na ib amu dimettan, ib laa aon, mattan ukke!

Prowerb 4:15 Referans Kwoze

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!

1 Tesalonaika 5:22

Keeke eheɗ oh, ag dimatteg!

Job 22:23

Na eɗun, Laa Nukka Ɠagattag Oh Ele dim lamidkkut dayeb amu, Nug heeb, na ena daakkut. Na nakka na awaidna, hak nau ii hena, na lautppa ele hak nau ii daamanu hena,

Job 11:14

na hipunin henan daattem dimettan, ii hekkut dayeb, na kobol eheɗ laa nahip-ppa daamanu wagai mekkut dayeb amu,

Eksodas 23:7

Danab ag danab laa hettoɗiakppa mekkulagnu henana, ag nai hambuppuak nuhignu madippeg amu, aria ag laa amu, ag aib amu dim lamidna, nai amu ele madippig. Am danab tutukku nug eheɗ laa ii heum dayeb amu, aria ag nug hamu hettoɗiakppa mena, nug aib qeppeg mauhom. Aɗinu? Da ⌊Yawe, da⌋ danab nug beɗuppa aab ele amu, da nug hettoɗidppi, nug padal mekku.

Aisaia 33:15

Hipunin hak danab ag anam baɗan, uug doon oitteb, amge danab laa nug aben enanag, uug iittappa daakku, danab nug ɠagattag, enaib daakkunu padal mak eɗitteb ena dayaknu aben nuhigppa daakku amu, nug nuhig kobol am inam. Nug danab genab tutukku hak kobol dim lamitta oiyaya, nug nai tutukku, hambuppuak iitta maditte. Nug keeke lokkumakppa awaknu duttuna hak kobolppa men doɗo keeke ii aotte. Nug hettodiakppa lokkumakppa eheɗ haknu ehanittak aokkunu nai hambuppuak madikkunu, “Yo,” ii atte. Danab laa ag lailag laa qeppeg mauhkunu maditteb amu, nug nai amu doya, nug ehanittak madakkunu ii dabmette. Nug nau hekkunu dabmak nakok laa ii aotte. Danab nug anam hette ele, nug hanhan ee ele daakku. Nug le oug nuhig am iitta ii mema. Iitta.

Prowerb 6:5

Doɗ gasel nug hikan danab antta, nug oola, huana qaietta ukke, hikan danab ii qette, na amubia he! O iitta, na ai nug danab uhui meeme antta, nug oola, hagagɗa gotte, amubia na nahip mudippan laippu eppegppanu ahan, oolna ukke!

Prowerb 5:8

O bekkalad, ag ahilag ɠagattag laa mattamnanu, ag laa nug laa guittak mettaknu uug ii dootte ele waappa daamnanu, ag ahilag en, ag en amu laa ag ii doyadtteb ele eppelagppa hamu mattamnanu, ag uɗat huanak henan en aona, ag en amu danab laa laulagppa memananu, ag ah ewau pakkua gappai hettenu ib oɗeppanu awaidna dayeg! Ao, ag aib nug laug od gukkuidna wappig.

Prowerb 4:14

Am na nau hak danab ib gotteb ele, na amuppa nakok laa aibnab gome! Ge, na ib laa, eheɗ hak danab ag amuppa oitteb amu, na amu qe-eɗidna wana, laih ukke!

Prowerb 4:16

Aɗinu? Nau hak danab ag eheɗ laa ii heppig dayeb amu, ag niiglagnu elele iitta daaeg ukke, ag eheɗ hewona niitteb. Ao, danab amu ag eheɗ ii heeg, danab laa ii na qeum dayeb amu, ag paha ii niimna.

Prowerb 1:15

Amu genab, ag anam aakku na amenppa akkulagtai, amge da bekkal, na aib ag ouaqame. Ao, na aibnab ib ag gokkulag ele mattan gome.

Prowerb 24:1

Na nau hak danab dilagnu aib amen qe, oot elele ii dayom. Ao, na ag ele daaglagnu aib heme.