Prowerb 31:8 - Nobonob Baibel

⁸ Danab ah laa, okkai danab ag ag oɗelag dooglagnu uun dab-ii-madatteb ele amu, na amu dilagnu ehanadna, nai mattie! Ao, laa eheɗ hattak waappa daatteb, na amu dilagnu nai doya mala hettoɗia epeɗia elele mettak kobol dim lamidna mattie!

Prowerb 31:8 Referans Kwoze

Jeremaia 26:24

Ag Uraianu anam heppig, amge Sapan bekka Ahikam nug Jeremaia ehanitte, danab ah ag nug qeppeg mauhkkunu heppig ele, amu eppelagppa ii meppig.

Jon 7:51

“Ig ihinig ɗoppa danab laa hettoɗiakppa ii dayom haenppa, nug eheɗ heumnu akkunignu am elelete? Iitta. Nug keeke heum amu ig tatam doota, ig nug epeɗignig,” awa aum.

Sam 79:11

Na danab ah ag maniguittakppa daan, ag aeqagatteb amu, na amu dookkutnu oɗ medattem. Ao, na nahip ɠagattagppa laa ag mauhkkulagnu anak waappa daatteb amu, na ag uhuqadppe, ag ena daaglagnu unuqidttem.

1 Samuel 20:32

Saul anam a amu, Jonatan nug nob ma mameg oɗ mettom. “Aɗinu geha na nug qeppe mauhkku? Nug aɗi eheɗ laa heum?” awa oɗ mettom.

Prowerb 24:7

Danab nug Kayak dab-ii-maama ii dim lamidtte, nug am doyak dabmak ena elenu diig tutukku ii dootte; nug ikki danab dilag qagmak aben aab nuhig odppa daatte, nug appa nai laa madikkunu elele iitta.

Job 29:9

Danab okkai laa nai madippig ele, ag oɗelag qamutppig; ag eppelag oohap tena, oɗelag hautppig.

Sam 82:1

Kayak Nug Israel dilag tamaniakppa dayaya, Nug qagmeppig ele dilag okkai daatte. Ao, Nug epeɗiak danab dilagnu nai doya mala hettoɗia epeɗia elele mettak kobol dim lamitta, Nug ag daulag batata, ag amelagppa inam atte.

Prowerb 29:7

Genab tutukku hak danab ag, ag hettoɗiakppa epeɗiak danab ag daɗek danab dilagnu nai doya mala hettoɗia epeɗia elele mettak kobol dim lamidkkulagnu dabmena autna aotteb; amge nau hak danab ag, ag anam dab-ii-metteb.

Prowerb 31:7

Danab amu ag anam lakkulag dayeb amu, ag ahilag guittak daulag atikku. Ao, ag anam lakkulag dayeb amu, ahilag daɗek naunab dayaknu uug okkai ii dabmemana.

Jeremaia 21:12

Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.