Prowerb 30:9 - Nobonob Baibel9 Da enub, o daɗek danab dayak uuttemnu diig am, da enub danab daakkul dayeb, da na dimetten, ‘Yawe am aun?’ akkultai. O iitta, da daɗek danab daakkul dayeb, da keeke yab awen, amuppa da na, dahil Kayak, da na onin heppi, laa dilag neekkakppa ena iitta daakkutai. Gade chapit la |
⌊Aa ahi amu yaaya ippunadkkulahnu diig am inam.⌋ Da Kayak, da geha Israel danab ah diie, wan ag mamelkad aɗi madakkulnu dahil nai ɠagattag qette ami, amuppa nokkul. Wan amuam enanag, wan ittag ele, amuppa ee meu huana otte. Appa ag ee ohnu elele lanana, ag beɗulag ena ele daaglag. Haen ag anam daan amu, geha ag da guhuɗilna, digmen kayak laala noolagppa dup nona binalag mekkulag; ag dahilnu ena iinab doonna, ag da ele nug tituanak nai qakkak hemut, ag amu tippalkkulag.
Amu ag Israel ag gemu daatteb, ag dahil nai imu doon dabmetteg! Atu taɗakppa, danab nug appa ehanittak keeke nakok laa aokkunu elele iitta, da ahilagnu anam daamite? Ao, atu laa, gatatu manak ele, appa keeke kuɗum danab heppeg nauhkkunu daatteb amu, da ahilagppa anam laa daamite? Da amubia laa ii daami amunu, aɗinu ag, ‘Ig Yawe uut, Nug baula ii dim lamidmata,’ atteb?
Nug anam ha, Josua nug danab ah oh amelagppa aum. “Men imuam danab nug nai oh Yawe Nug ig amenigppa mattie doyom bia daatteb. Men imuam nai oh Yawe ig amenigppa aum aakku dooppig. Anam amunu, men imuam danab laa nug laa aɗi heehe anttomnu mattiak danab daatte bia dayaya, ag eheɗ hena, Kayak pehettak ii dim lamidkkulag dayeb amu, am anam ippunadkku,” awa aum.
Danab ah ag Kayak Attannab Laa Oh Eɗattak Nug wanppanu ɗo maɗoɗ oh gumadtte dooglagnu, ag auntai laa nug ɗo maɗoɗ laa dilag okkai daakkunu amu, Kayak Nugib he, danab laa, danab onig eletai, o danab onig iittanab eletai, nug huu dilag okkai daatte dooglagnu amu, amu miag atitte. Nai awa ukkak danab ag nai imu mattieg, laa dootteb. Ao, laa ag Kayaknu oppiaawak ele daatteb, ag keeke imu bekkunu nai imu atteb,’ awa eum.
Hipunin ig hemut am, Ig Yawe waappa daagnignu uut, ig nuhig nai tappaut neum. Ig Nug dim lamidkkunignu amut, amge ig uut, ib laappa gomut. Ig ihinig Kayak dimettamut. Ig danab ah laa ele eheɗ hadata, uug kuɗum mattata, ig laa ag ele amu hekkulagnu eeɗadmut. Ig Kayak waappa daagnignu uut, ig laa ag ig gumigkkulagnu maattom ele amu, ig ag lamadtata, ig laa ag anam hekkulagnu eeɗadmut. Ig oonigppa hambuppuak nai dabmetat, ig amu oɗenigib mattimut.