Prowerb 30:8 - Nobonob Baibel

⁸ Keeke aɗit amuam iikku. Na heppe da nai hambuppuak nakok laa aibnab aib mattimi; amu laa am, na heppe, da aib enub o daɗek danab daami. Da anam ii daakkulnu, da deɗ anen anen bau dayaknu keeke, amuam ee, le keeke, da anamib aokkulnu oɗ medattem.

Prowerb 30:8 Referans Kwoze

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Luk 11:3

Ig ee megattem ele amu, gemunu ele megakkutnu na oɗ medattem.

Sam 119:37

Na ɠagattag iuppe, da keeke nau oh dimattei! Na heppe, da nahip naippa dayen oikkulnu oɗ medattem.

Sam 119:29

Da hambuppuak nai madipanu na ehaniɗppeppe, da ii madipanu oɗ medattem. Na dahilnu oo bodoette enanag maɗoɗ ele hak kobol dim lamidna, nahip ɗo ippuniɗppe dookkulnu unuqidttem.

Job 23:12

Da haknunab nai Kayak oɗeppanu doomi amu, da nai amu ii uumi. Da dim lamidmi. Ao, da ee lakkulnu ool hette, amge da Kayak nai, Nug oɗeppanu aomi amu, da nai amunu ool huanaknab hette.

Prowerb 21:6

En okkainab, danab nug hambuppuakppa awom ele, en amuam paha iitta ma, guittak ele en mameg medatte; en amu, doɗ pelemppa ta guittak aotte, amubia en mameg guittak medatte.

Matyu 6:11

Ig ee megattem amu, na gemunu ele megakkutnu na oɗ medattem.

Prowerb 22:8

Laa nug nau hette amu, nug uug anidkku; nug oppoɗi beebe, laa guittak madakkunu hette amu, Yawe Nug heeb, nug amu hekkunu elele iitta daakku.

2 King 25:30

Deɗ oh Babilon dilag king nug Jehoiakin ee mette lattom. Jehoiakin nug bau dayeye, Babilon dilag king Ewil Merodak nug anamib Jehoiakin ee mette laawo ukke, nug mauhe batom.

Eksodas 16:35

Am Israel ag maɗ 40 maana laeg ukke, ag haen amuppa gona, Kanan wanppa, danab ah appa daappig amu, ag daaegeg, ag gona appa tena, ag maana baula ii lappig.

Aposel 14:15

“Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Aisaia 5:18

Danab ah aun aɗi ag hipunin hekkulagnu ib digdig maditteb ele, ahilagnu am gadonnab gadon! Ao, danab ah aun aɗi ag nau hekkulagnu wagai men oitteb amu, ahilagnu am gadonnab! ⌊Ag padal mekkulag.⌋

Eklisiastis 1:2

Amu Dawit bekka, nug ippunittak danab amu, nug nai imu mattiom. Wan imuppanabnu keeke oh, ge keeke amu oh, am gaɗappa, unuqagppa ele anttak laippu iitta! Ge, gaɗappa, unuqagppa ele anttak laippu iitta! Am genab, gaɗappa, unuqagppa ele anttak laippu iitta.

Eksodas 16:18

Ag melemel mena amu, danab nug maana kuɗum awom amu, nug kuɗumnab, laa hamu daakkunu iitta. Aria, danab nug nakokib awom amu, nug qakub ii meum. Iitta. Ag oh anen anen ag ahilag melemelppa eleleib aoppig.

Eksodas 16:15

Haen Israel ag keeke amu anidna amu, ag amu ii dooppig amunu, ag akka akka inam nug oɗ medappig, “Keeke imuam aɗi keeke?” aon appig. Ag anam aegeg, Moses nug ag amelagppa aum. “Yawe Nug ag ee laa madakkunu aum amu; imuam ee amu, Yawe Nug ag lakkulagnu mattom,” awa aum.

Jeremaia 52:34

Deɗ oh Babilon dilag king nug Jehoiakin ee mette lattom. Jehoiakin nug bau dayeye, Babilon dilag king Ewil Merodak nug anamib Jehoiakin ee mette laawo ukke, nug mauhe batom.

Jeremaia 37:21

Jeremaia nug anam a, King Sedekaia nug he, danab king gumappig laulag haɗap-ppa, amuppa ag Jeremaia meeg dayom. King nug anam ana, nug ag ib onig Keeke Manaknu Ib, ag appanu deɗ anen anen bret maha laippu aon, Jeremaia mettaglagnu ele aum. Ag anam hebeppeg ukkeb ukkeb, bret aab okkai amuppa iitta meeb, haen amuppa bataglagnu aum. Nug anam aum amunu, Jeremaia nug king gumappig laulag haɗap amuppa dayom.

Prowerb 23:5

En okkai am paha paha iitta mekkunu elelenab; Aɗinu? Haen kuɗum ai igel nug hagagaɗa, paha paha gotte, paha amubia en okkai na eppenppanu gokku.

Eksodas 16:29

Yawe Nug anam a amu, Moses nug danab ah amelagppa aum. “Ag imu doon autna aweg! Aɗinu? Yawe Nug ag deɗ imu, am Sabat, Nug ag mattom amunu, deɗ ebqak eblaih laippuppa amu, geha Nug ag ee deɗ aɗitnu elele madatte. Aria, deɗ ebqak eblaih aɗitppa amu, danab ah oh ag daattebppaib daaglag. Danab o ah laa nug ee wanppanu awaknu dimittim ii goma,” awa aum.

Genesis 28:20

Jakop nug keeke amu oh hewowa, nug genabnab hekkunu nai anan qakka, nug inam mattiom. “Kayak Nug genab da lamenppa, ee lanakppa, ukkakppa ele atognoiɗa omaiɗebeb,

Jon 2:8

Hanak ambeeg, Nug aum. “Laa itappeg nob, aon gona, ee gumak danab okkai metteg!” awa aum. Nug anam a, ag aon gona,

Aisaia 59:4

Hettoɗiakppa ag oolagppan laa nug nai tutukku ii maditte. Ge, hettoɗiakppa ag oolagppan laa nug nai genabib ii maditte. Juda danab ah ag oh nai meu iitta, nai hamu, ag nai amu hambuppuna mattinna, ag nai amu ehanadkkunu dabmetteb. Danab wau ele aa oiyya, ah nug nid ele daya, nid menutte, amubia ag uug bekkulagnu heeg beeg, kobol eheɗ ele betteb.

Prowerb 30:7

O Yawe, na keeke aɗit meɗakkutnu unuqidttem. Ao, da ii mauhen, wan imuppa bau daattem, haen imuppa na meɗakkutnu oɗ medattem.

Prowerb 13:5

Genab tutukku hak danab ag hambuppuak kobolnu ag oolagppa nau ninig ele dootteb; amge nau hak danab ag uɗa nak kobol, amu uɗa nak nau guittak ele kobol hetteb.