Prowerb 30:5 - Nobonob Baibel

⁵ Keeke oh Kayak Nug atte am genabib; Nug laa, ag Nug ahilag padal mak eɗitteb ena dayaknu ehanittak daakkunu nuhigppa dotteb amu, Nug ahilag guppiɗ daatte.

Prowerb 30:5 Referans Kwoze

Sam 18:30

Kayaknu amu, nuhig hak am, qa oppiaawak ele. Ao, Yawenu nai am enaib; hambuppuak, o kaliak nakok laa nuhig naippa ii daatte. Ge, Nug danab aun aɗi laa ag padal mak eɗitteb ena dayaknu abenppa daaglagnu nuhigppa uɗitteb amu, Nug ahilag guppiɗ daatte.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Sam 12:6

Yawe Nug aɗi atte amu, amuam danab laa nug silwa babaitta epeɗia awak, silwa enanag, dubuttid nakok laa iitta ele daakkunu nug haen eblaih aɗit ele anam he, enanagnab bette, am anam daatte. Ao, Yawenu nai am dubuttid nakok laa amuppa iinab daatte amu, Yawenu mattiak am ena eleleib, silwa dubuttid iittanab ele anamnab aakku daatte.

Sam 3:3

Amge na, O Yawe, na am dahil guppiɗ daattem. Na binag amahlak oppiaawak ele meɗana, ɠagattag ele da meɗattem.

Sam 119:140

Nahip nai am oppiaawaknab ele. Da, nahip maɗi nid, da nahip nainu ool mauhtte.

Sam 91:2

Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Rom 7:12

Amunu ig doottem, ɗo nukka am enanag, oppiaawak ele. Amu ɗonu haknunab anak oh ele am oppiaawak, tutukku, amu ena ele.

Sam 144:2

Nug am dahil Kayak, Nug dahilnu oo mauhaknab dootte. Nug am aab aɗ ɠagattagnab ele dahil bia daatte. Nug anam dayaya, Nug da uugppa daaiyi ehaniɗe, da ena daattem. Nug am dahil guppiɗ. Uug iukkunu heehe, da padal mak eɗitten ena daakkulnu nuhigppa gottem. Nug he, wan laappan danab ah ag da waalppa daatteb.

Sam 19:8

Yawenu oo yaak nai ɗo bia oh am tutukkunab; amuppa danab ah ag oo gamag ahak aotteb. Ao, Yawenu ɗo oh am amahlak ele; amuppa danab ah ag aɗi kobol, aɗi keeke am tutukku amu, ag anidtteb.

2 Samuel 22:31

Kayaknu amu, nuhig hak am, qa oppiaawak ele. Ao, Yawenu nai am enaib; hambuppuak, o kaliak nakok laa nuhig naippa ii daatte. Nug danab aun aɗi laa ag padal mak eɗitteb ena dayaknu abenppa daaglagnu nuhigppa uɗitteb amu, Nug ahilag guppiɗ daatte.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Prowerb 2:7

Amu Yawe Nug danab ah ag genab tutukku hak danab daatteb ele ehanatte, ahilkad kekeɗ eɗadtteb. Ao, Nug aun aɗi ag nuhig neekkakppa danab ooppa kaliak laa iitta ele oitteb ehanatta, ahilag guppiɗ daatte.

Sam 18:31

Yawe Nug anam daatte amunu, Nugib Kayak daatte. Kayak laa ii daatte. Ao, ihinig Kayak Nugib am kekeɗ nikkamanu ehanittak ihinig daatte. Laa nug amubia ii daatte.

Prowerb 29:25

Danab dilagnu baɗittak am pelem bia daatte; amge aun nug Yawenu ooppa genab dootte, nug eleleib daakku.