Prowerb 30:32 - Nobonob Baibel

^32-33 Makau huh teppu ele tappiɗppa mena kopippa keeke huana kabolinna daakkut dayeb amu, keeke onig bata bekku; danab laa noob itoɗikkut dayeb amu, noob tiig nekku, amubia, laa nug aɗi heeb, laa nug oo nauhkku amu, nug mehqak aakku bekku. Anam amunu, na danab nug Kayak dab-ii-maama ii dim lamidtte ele bia hena, na nakka na binan okkai meme dayeb; o na kobol nau hekkutnu maittak aome dayeb; na pahanab uukkut. Aib tuɗidna heme!” Amuam Agur, nuhig nai aakku.

Prowerb 30:32 Referans Kwoze

Job 21:5

Ag neekkiɗna, ottaina dabmak kuɗum aweg! Ge, ag dahilppa kobol aɗi aɗi beum anidna, ag dabmak huana aweg!

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Job 40:4

“Da keeke hamu. Da nob na medakkulnu elele iitta. Da oɗel qamut-ttem.

Prowerb 17:28

Danab nug Kayak dab-ii-maama ii dim lamidtte ele nug nai mauhnoak ii maditte dayeb, danab ah ag ⌊dabmak genab iitta aon,⌋ nuhignu, “Nug am doyak dabmak ena ele,” atteb. Ao, danab nug Kayak dab-ii-maama ii dim lamidtte ele, nug nai mauhnoak ii maditte dayeb, danab ah ag ⌊dabmak genab iitta aon,⌋ nuhignu, “Nug oo maittak awaknu ehah awom daatte,” aon atteb.

Prowerb 30:31

Laa am matuk dawai, matuk anig neekkittegeg oitte, Laa am meeme dawai, Aria, laa am king laa, nug nuhikkud ban daup talilidna daaegeg oitte ele.