Prowerb 30:20 - Nobonob Baibel

²⁰ Imuam ah ewau pakkua gappai hette, nuhig kobol iikku. Nug kobol nau ha, hamunab doya; nug, ‘Da eheɗ laa ii hemi,’ awa atte.

Prowerb 30:20 Referans Kwoze

Prowerb 5:6

Nug bauklel dayaknu ippu dab-ii-mette. Ao, ib nuhikkud amu kaliak, amge nug amu ii dootte.

Prowerb 30:21

Keeke uug ele ewam laa wanppa bena heeg, wan uɗaltte; ewam am iitta, keeke waɗele wanppa bena heeg, wan am uug amu maokkunu elele iitta. Amuam inam:

2 Samuel 11:4

Nug anam a, Dawit doyowa, nug nuhig ehanittak laala ag gona, ah amu omalna uɗilagnu he goppig. Nug he ukkaeg, ah ele oh uɗieg, Dawit nug ah amu ele niipiɗ. Ah amu nug ii uɗiom haenppa kalam qak nuhig male, nug Kayak ele ouqeya daaglahnu elele iitta daamanu, nug ahilag ɗo bia nug Kayak ele ouqa dayaknu elele daaglahnu babaittak oh ha malom. Dawit nug ah amu ele niioya, ah amu nug aha, eɗua nug laugppa ukkom.

Jeremaia 2:23

Ag, “Kayaknu neekkakppa ig oonigppa dubuttid ii teum daatte,” atteb, amge attem hena, ag anam atteb? Ag, “Ig kayak hambuppuak Bal iɗu iɗu dim dim ii lamidmut,” atteb, amge attem hena anam maditteb? Amu oh am nai genab iitta. Ag oolnu noak onig Hinom, ag appa kayak hambuppuak noolagppa dup nona binalag iite metteb? Ag hetteb. Ag aɗi aɗi heppig dabmena autna aweg! Ag kamel balat, dawai antteb papalkkunu qaiqaɗ laih gotte laih uɗitte, ag amubia kayak hambuppuak dilag dup nona binalag mekkulagnu hetteb.