Prowerb 30:13 - Nobonob Baibel

¹³ Ag amu, ag am danab ag dada hena laa eɗattaknu dabmak aon dabmena autnanab aotteb; ag danab laanu, ‘I oonihppa, na am elele iitta,’ ag anamnab dootteb.

Prowerb 30:13 Referans Kwoze

Prowerb 6:17

Keeke eblaih aɗit ele amuam inam: dada ha laa eɗittaknu dabmak awak kobol, nai hambuppuak mattiak kobol, danab ah eheɗ laa ii heeg, laa hamu aqe mauhak kobol,

Aisaia 2:11

Amu Yawe Nug anam uɗia, Nug beɗuppa tak danab oh onilag qeeb nekku. Nug heeb, dada danab ag nena qekkulag. Yawe Nugib haen amuppa onig okkai, binag ele daakku.

Sam 131:1

O Yawe, da oolppa da dada hak danab ag akka ahilagnu attem attem dabmetteb amu, da amubia dahilnu ii dabmettem. Ao, da laa neekkatten, da dada hein laa amu eɗattaknu dabmak ii aottem. Da keeke okkai okkai, da keeke amunu dab-ii-mettem. Ao, keeke dabmak dahil eɗidtte, da keeke amunu dab-ii-mettem.

Sam 101:5

⌊Da am king⌋. Da heppi, aun laa nug nai nau nuhig mudippan layag onig heeb nauhkkunu atte amu, nug baula ii hema. Da laa ag dada hena laa eɗittaknu dabmak aotteb, ag dada kobol laala ele hetteb amu, da hadappi, ag kobol amu tuɗidna ii hemana.

Habakuk 2:4

Laa nug Kayak noobppa genab tutukku hak danab daatte, nug Yawenu ooppa genab dootte amunu, nug bau daakku. Ao, am anam, amge antte! Laa daatte, nug dada danab daatte. Ge, nuhig oo hak am kaliak ele.

Esekiel 28:9

Anam amunu, haen nahipad kekeɗ ag uɗin nittaglagnu hebeppeg amu, na haen amuppa ele, ‘Da am kayak laa,’ akkut-te? Iitta! Haen ag eheɗ heidkkulagnu hebeppeg, na kayak iitta, na danabib daakkut.

Aisaia 3:16

Am Yawe Nug atte. “Sion ah ag am dada ha, laa eɗittaknu dabmak awaknu ah daan oitteb. Ag anam daan oinna, laa ag neegna anadkkulagnu henana, amelagppa danab laala ag ele oiglagnu eeɗadnana, baeg gogppa oiyak henana, baelagppa bala oqotti okkunu metteb amunu, ⌊da ag bu madakkul,” awa atte⌋.

Prowerb 21:4

Dada ha laa eɗittaknu dabmak awak, dada hak kobol ele; nau hak danab ag amu henana, ag aakku hipunin hetteb.

Aisaia 5:15

⌊Haen amuppa amu, Yawe Nug heeb,⌋ wanppan danab ah, ag gomelkkulag. Ao, ag onilag qe nak ele oiglag. Amu beɗuppa tak danab ah ag beɗuppa tak danab dilag neekkak bia ii neegmana. Iitta. Ag onilag qe nak ele oiglag.