Prowerb 30:12 - Nobonob Baibel

¹² Laa amu, ag akka, ag ahilagnu, ag oolagppa oppiak ele daatteb dabmetteb; amge ag ihak iitta, ag dubuttid nau ele.

Prowerb 30:12 Referans Kwoze

Luk 18:11

Amu ɗo gumak danab-Parasia nug hibaitta, attan neekka dayaya, nukka nuhignu unuqitta aum. ‘Kayak, da am danab laala oh bia iitta. Ag am yab danab, eheɗ hak danab, am ewau pakkua gappai hak danab ele. Da am anam iitta, takis awak danab imu hette bia ele iitta amunu, da na amenppa, “Ena heme,” attem.

Prowerb 16:2

Danab nug nuhig haknu, “Da iikku ena, tutukku hettem,” dabmette; amge Yawe Nug diig aɗinu nug hette am epeɗidtte.

2 Timoti 3:5

Ag Kayaknu kobol amu gaɗalagppaib, danab amelagnuib hekkulag, amge Kayak kobolnu ɠagattag amu, ag dimettaglag. Na danab amu dilagnu qe mena oiye!

Taitus 3:5

Nug ig eɗua awikkom. Ig ihinig genab tutukku hak kobol hemutnu laala anatta ii heum. Iitta. Nug ihinignu oo gai-iitta doya oo mekka ehanikkom amunu, Nug ig ihikka, nuhig Ouɗippa Nug bauklel mekke, ig bau menuak aomut.

Luk 16:15

amge Nug ag amelagppa aum. “Ag amu danab dilag neekkakppa genab tutukku hak danab daaglagnu, ag amunuib oolag daatte, amge Kayak Nug ag oolag diig dootte. Danab ag aɗi keekenu enanag dootteb ele, Kayak Nug amunu ooppa uuaknab dootte.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Aisaia 65:5

Ag amu hewona, ag ahan, laa amelagppa, ‘Da am danab enanag, da am Kayaknu oppiaawak ele amunu, na gukkuiɗna aib uɗime!’ ⌊hambuppun⌋ atteb. Aab kah danab noobppa te, eheɗ dootte, amubia da ahilagnu anam doottem. Aab amunppa hanhan ewewe, aab kah taata, anam danab noolagppa hette, amubia da anam doottem.

Prowerb 21:2

Keeke oh danab nug hette amu, nuhig dabmakppa am tutukkuib; amge Yawe Nug danab nug aɗi diignu nug keeke hette amu, nug amu atognoa neekkitta auta aotte.

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Aisaia 1:16

Ag nau heppig amunu, ⌊danab nug beɗu dubuttid ele le layowa, dubittid iitta daatte bia,⌋ ag oolag bappaidna, dubuttid iitta dayeg! Ag hak nau da amelppa baula aib heppig. Ag baula eheɗ aib heppig.

Sam 51:7

Na dahil hipunin oh uhuqna meɗan heppe, da oppiaawak daakkulnu oɗ medattem. Ao, na heppe, da oppiaawak bein, lamen hakkab bia daakkulnu unuqidttem.

Sam 51:2

Na heppe, da oolppa aab iitta daakkunu oɗ medattem. Yo, na dahil hipunin uhuqna meɗan heppe, da oppiaawak bekkulnu unuqidttem.

Sam 36:2

Aɗinu? Ag akka ag ahilagnu enanagnab dooglagnu ag akka ahilagnu oo eeɗaknu ittag nai maditteb. Ag Yawe Nug ag hipunin heppeg anidkkunu elele iitta daya, ag eheɗ heppignu ag amelagppa ii ama, ag anam dabmetteb.

Job 33:9

Na inam ame. ‘Da oolppa oppiak ele daattem. Oolppa hipunin laa ii daatte. Ge, da oppiaawak daaiyi, aab nakok laa da beɗulppa ii daatte.

Ikki Danab 17:13

Lewi buɗubppan mana mettak danab iitta, amu oolagppan nid bau amu nug Maika laugppa dayom amunu, Maika nug aum. “Mana mettak danab imu nug da aɗi keeke Yawe medakkulnu daatte, amu medatta, mana mettak danab ag aɗitai keeke laa dahilnu helob, nug hette amunu, gemu da doottem, Yawe Nug geha da itiɗkku,” awa aum.

Ikki Danab 17:5

Amu danab amu, Maika, nug mettid lag nakok ele, amu nug lamen enanag-epod laa ha, kayak hambuppuak dottolkad danab ag laulkadppa maatteg daatteb, nug amu ele hattom. Anam hewowa, nug bekka laa nug nuhig mana mettak danab daakkunu uɗat mettom.

Hosea 12:9

Yawe atte. “Da am Yawe, da ag Israel, da ahilag Kayak. Da ag Isipnu diien, omalatti beppig, amge da geha heppi, ag eɗun, anukka ag daadppig bia, ag pehppa baula daaglag.