Prowerb 30:10 - Nobonob Baibel

¹⁰ Aib laan maɗi nidnu onig nauhkkunu nai nau nuhig okkai amegppa mattime; na anam hekkut dayeb amu, maɗi nid nug na eheɗ laa awaknu anak waappa daakkutnu ab, na uug anidkkut.

Prowerb 30:10 Referans Kwoze

Rom 14:4

Na am danab aun amunu na danab laanu maɗi nidnu nai eheɗ nuhignu attem? Am nahip keeke iitta, nug am Kayaknu maɗi nid. Nug uɗat nuhigppa ɠagattag hippaidkkutai o iitta nuhig uɗatppa na qekkutai, amu oh am nuhig gumak danabnuib keeke daatte, amge nug geha ɠagattag hippaidkku. Aɗinu? Naɗi Nug nukka ɠagattag qetteb, nug ɠagattag daakku.

Eklisiastis 7:21

Na danab ah dilag nai ohnu aib daut human dabmettame! Na anam hekkut dayeb amu, na nahip maɗi nid nug na eheɗ laa awaknu anak waappa daakkutnu aabob dookkuttai.

Daniel 6:24

Ag amu anidna, king haknunab a, daup ag danab ag Daniel beɗuppa nai genab iitta yaappig ele, ag danab amu, ahilkad ah, ahilkad nid ele diin dona, moɗ naɗi laion daattebppa buɗiatteg noegeg, ag moɗ batakppa ii noegeg, laion aelkadppa, eppelkadppa ele kattiɗadna heeg, huppu huppu neppig.

Daniel 6:13

King nug anam a, ag nug amegppa appig. “Aakku amge, O king, Daniel, nug Judanu diia ukka laih me dayak danab daatteb oolagppan laa, nug nahipnu dab-ii-mette, ɗo na bappaidna he, laa ye, na onin meme amu, nug amu ele dab-ii-mette. Nug deɗ oh nuhig Kayak haen ewam unuqidtte,” aon appig.

Prowerb 28:27

Aun nug daɗek keeke madatte, nug bau dayaknu keekenu tutu ii mema; amge danab ag laa nug laa daɗek daaegeg, ii ehanadtte amu, nug eheɗ laa awaknu anak waappa daakku.

Prowerb 11:26

Enug nau haenppa, danab ah ag ee iitta ele, ag danab laa nug ee oo qe, laa ag daden mekkulagnu uua aɗatte amu, ag nug eheɗ laa awaknu anak waappa daakkunu atteb; amge ag danab nug ag ee daden mekkulagnu mette ele, ag nug itidtteb.

1 Samuel 30:15

Nug anam a amu, Dawit nug oɗ mettom. “Na da omaiɗna, ban danab ameg amu daatteppa appa gokkutnu elelete?” Dawit nug anam a, danab amu nug nob ma, amegppa aum. “Na nai nahip Kayak onigppa ɠagattag qettan, na da ii iuppe mauhkkulnu, na eɗun, da danab okkai dahil eppegppa ele ii meiɗmananu akkut amu, da geha na omaitte gokkul,” awa aum.

1 Samuel 26:19

O naɗi dahil, na am king daattem, da am nahip maɗi nid, na dahil nai dookkutnu ool daatte. Amu Yawe Nug he, na ahan, da aɗailkkutnu lamiɗttem dayeb amu, da doɗ laa mane, Nug medappi, Nug dahilnu oo ena daakkunu ool daatte. O iitta, danab laala ag heeg, na ahan aɗailkkutnu oittem dayeb amu, am geha ag Yawe noobppa eheɗ laa awaknu anak waappa daaglagnu ool daatte. Aɗinu? Ag kobol hetteb, kobol amuppa ag da lamiɗna, da inam oiyeye, da Yawenu mettid haknu peh lag appa ukken, Nug noobppa dup noin binag mekkulnu elele iitta. Kobol ahilag amuppa amu, ag aakku da amelppa, ‘Na gona, kayak laa binag me!’ atteb bia hetteb.

1 Samuel 24:9

Dawit nug anam hewowa, nug Saul amegppa inam aum. “Danab ah laala ag da nahipnu eheɗ hekkulnu hettemnu maditteb amu, aɗinu na amu doon, amunu dabmettem? Na amu aib dabmettame!

Duteronomi 23:15

Am begbeg maɗi nid danab o ah nug nuhig okkaippan oola, nahip-ppa daakkunu uɗieb amu, na aib eɗua, nuhig okkai gumitta gokkunu wagai meme.

Duteronomi 15:9

Am ag dabmen autna aweg! Am ag dabmak nau aon aɗan, akka akka ahilagnu inam aib appig. “Nakok laa ele amu maɗ eblaih aɗit ele, amuam lonnu hippalakppanu uhuqaknu maɗ amu, maɗ amu digmekkunu daatte, am da men doɗo dahil eɗuen aokkulnu elele iittatai.” Dabmak amuam ena iitta. Ag amubia dabmena, ag daɗek keeke laa ii mattaglag am eheɗ. Danab amu amu, ag am ag lailkad, am ag ii ehanadkkulag dayeb amu, ag eheɗ heppignu Yawe oɗ mettaglagnu elele daatte. Ag anam heppeg, Kayak Nug ag eheɗ heppig akku.

Genesis 8:21

Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.